完整藏文原文 · 德格版页 当前仅加载第 96 函德格 150a 版页；藏文 NFD、目录标记与异常页序保留在来源切片中，重复版页行以稳定序号区分。
དྲག་ཤུལ་སྤྱོད་ལ་ཁྱད་པར་དུ། །ཐལ་བ་ལ་སོགས་བྱ་བར་ཤིས། །དེ་ནི་ཕྱེ་མའི་ཆོ་གའི་རིམ། །ཁྱད་པར་དང་བཅས་བསྟན་པ་ཡིན། །བྱང་ཤར་མཚམས་ནས་བརྩམས་ནས་སུ། །རྡོ་རྗེ་ཁུ་ཚུར་སྦྱོར་བའམ། །ཡང་ན་ལྕགས་ཀྱུའི་ཕྱག་རྒྱ་འམ། །
D806.096.0150a01.01ལྷུང་བཟེད་རྒྱ་ཡི་སྦྱོར་བའམ། །ཡང་ན་རིག་བྱེད་ལག་པས་བྲི། །དཀར་པོ་དང་པོར་དགྱེ་བར་བྱ། །དེ་ཡི་འོག་ཏུ་དམར་པོ་དགྱེ། །དེ་ནས་སེར་པོ་དགྱེ་བར་བྱ། །དེ་ཡི་འོག་ཏུ་ལྗང་གུ་དགྱེ། །སྔགས་པས་ཀུན་གྱི་ཕྱི་རོལ་དུ། །ཚོན་རྩི་ནག་པོ་དགྱེ་བར་བྱ། །གཡས་སུ་བསྐོར་
D806.096.0150a02.01ཞིང་རྒྱུན་མི་བཅད། །ཐམས་ཅད་མཉམ་ཞིང་བར་ཆད་མེད། །ངན་པ་དང་ནི་ཉམས་པ་དང་། །མ་སྙོམས་པ་དང་བར་ཆད་ན། །གནོད་པ་མང་པོ་འབྱུང་བར་འགྱུར། །དེ་བས་ནན་ཏན་ཆེར་བྱས་ཏེ། །མཁས་པས་ཕྱེ་མ་དགྱེ་བར་བྱ། །ཕྱོགས་རྣམས་ཀུན་དུ་མཁས་པ་ཡིས། །
D806.096.0150a03.01དབུས་སུ་སྒོ་ནི་གདོད་པར་བྱ། །ངོས་གཉིས་སུ་ནི་ཚ་དག་ཀྱང་། །བཞི་བཞི་དག་ནི་དོར་བར་བྱ། །ཆབ་སྒོ་ཆེན་པོ་སྟེགས་བུར་བཅས། །{ཆུང་ཟད་,ཅུང་ཟད་}གཅིག་ནི་ལྷག་པར་བྱ། །ཆབ་སྒོ་གཞན་རྣམས་བཅད་པར་ནི། །ཕྱེ་མ་དཀར་པོ་དག་གིས་ནི། །སྒོ་ཡི་དབུས་ཀྱི་ཆ་དག་ཏུ། །རི་མོ་ཕྲ་
D806.096.0150a04.01མོ་བྲི་བར་བྱ། །ཡང་ན་སྒོ་ཡི་ཕྱག་རྒྱའམ། །སྒོ་སྲུངས་ཇི་ལྟར་འདོད་པར་བྲི། །དང་པོ་ཚོན་རྩི་སྣ་ལྔས་བྲི། །དཀྱིལ་འཁོར་གཉིས་པ་སྣ་གསུམ་གྱིས། །གསུམ་པ་ཕྱེ་མ་དཀར་པོ་ཡིས། །གཅིག་རྐྱང་དུ་ནི་བྲི་བར་བྱ། །གཞན་ཡང་ཁ་ཅིག་གང་བཤད་པ། །དེ་ཡི་རི་མོ་གཅིག་
D806.096.0150a05.01རྐྱང་ཉིད། །ཐལ་ཕྱེར་བཤད་པ་གང་ཡིན་པ། །དེ་དག་ཐམས་ཅད་རི་མོ་གཅིག །དེ་ལྟར་དཀྱིལ་འཁོར་བྲིས་ནས་སུ། །ཆ་གསུམ་དུ་ནི་ལེགས་བརྟགས་ལ། །ཆུ་ཞེང་དག་ནི་ཆ་གཉིས་ཀྱང་། །ཤིན་ཏུ་ལེགས་པར་ངེས་པར་བྱ། །རྣམ་པར་དབྱེ་བ་འདི་དག་ནི། །རིགས་གསུམ་
D806.096.0150a06.01དག་གིས་སྤྱིར་བསྟན་ནོ། །ཡང་ན་སོ་སོ་རྒྱུད་རྣམས་ལས། །{གོ་རིམས་,གོ་རིམ་}ཇི་སྐད་བཤད་བཞིན་བྱ། །ལྷ་ཡི་གནས་ཀྱི་ས་གཞི་རྣམས། །བ་གླང་ལྕི་བས་བསྐུ་བར་བྱ། །དེ་ཡི་འོག་ཏུ་ཁྱད་པར་དུ། །བ་ཡི་རྣམ་ལྔའི་ཆུ་ཡིས་བསྐུ། །ཐམས་ཅད་སྤོས་ཀྱི་ཆུས་གཏོར་ནས། །དེ་ཡི་འོག་ཏུ་
D806.096.0150a07.01