完整藏文原文 · 德格版页 当前仅加载第 96 函德格 151a 版页；藏文 NFD、目录标记与异常页序保留在来源切片中，重复版页行以稳定序号区分。
དང་གང་ཡིན་པ། །དེ་དང་དེ་དག་དེ་ཡི་རྒྱ། །འདི་ནི་མ་ནོར་མདོར་བཤད་བྱ། །དྲག་པོའི་ཕྱག་རྒྱ་རྩེ་གསུམ་རྣོ། །དཀའ་ཟློག་ཕྱག་ན་རྩེ་གསུམ་གདེངས། །ཁྱབ་འཇུག་གི་ནི་འཁོར་ལོ་རྣོ། །སྡེ་ཆེན་གྱི་ནི་མདུང་ཐུང་ཡིན། །ཚངས་པའི་པདྨ་ཡིན་པར་བཤད། །
D806.096.0151a01.01བརྒྱ་བྱིན་གྱི་ནི་རྡོ་རྗེར་གསུངས། །མེ་ལྷའི་ཕྱག་རྒྱ་ཞུགས་ཐབ་ཡིན། །གཤིན་རྗེའི་ཕྱག་རྒྱ་བེ་ཅོན་ཡིན། །བདེན་བྲལ་གྱི་ནི་རལ་གྲི་ཡིན། །ཆུ་བདག་གི་ནི་ཞགས་པར་བཤད། །རླུང་གི་ཕྱག་རྒྱ་རྒྱལ་མཚན་ཡིན། །ཀུ་བེ་ར་ཡི་དབྱུག་ཏོ་སྟེ། །དབང་བདག་གི་ནི་རྩེ་གསུམ་
D806.096.0151a02.01གསུངས། །འདི་བརྒྱད་ཕྱོགས་ཀྱི་ལྷ་བརྒྱད་ཀྱིའོ། །ས་ཡི་ཕྱག་རྒྱ་བུམ་པ་ཡིན། །ཉི་ཟླའི་ཕྱག་རྒྱ་ཟླུམ་པོར་བྱ། །ལྷ་རྣམས་སོ་སོའི་བྱེ་བྲག་ལས། །སྭ་སྟི་ཀ་ལ་སོགས་པའི་རྒྱ། །མཁས་པས་ཇི་སྐད་བཤད་བཞིན་བྲི། །ཡང་ན་ཀུན་གྱི་ཟླུམ་པོར་བྲི། །གང་དུ་ལྷ་རྣམས་གཟུགས་
D806.096.0151a03.01དག་ཏུ། །དགོད་པ་བཤད་པ་དེར་ཡང་ནི། །ཕྱག་རྒྱ་དག་གམ་ཡང་ན་ནི། །སྟན་དུ་དགོད་པ་རྣམ་པར་བཤད། །དེ་ལ་སོགས་པའི་ཕྱག་རྒྱ་རྣམས། །ཇི་སྐད་བཤད་པའི་ཆོ་ག་བཞིན། །དཀྱིལ་འཁོར་དག་ཏུ་མ་སྨོས་ཀྱང་། །ཆོ་ག་བཞིན་དུ་བྲི་བར་བཤད། །དེ་ལྟར་ཕྱག་རྒྱ་དགོད་པ་
D806.096.0151a04.01འདིས། །དགོད་པ་གཉིས་པར་བཤད་པ་ཡིན། །སྟན་དུ་དགོད་པའི་ཆོ་ག་ནི། །འདི་ལས་གཞན་པ་གསུམ་པར་བཤད། །དཀྱིལ་འཁོར་དག་གི་ནང་དུ་ནི། །ཚོན་རྩི་ཕྱེ་མའི་ཐིག་ལེར་བྲི། །དཀྱིལ་འཁོར་དག་གི་ཚད་ལས་ནི། །ཁོ་ར་ཁོར་ཡུག་རྒྱ་ཆེར་བསྐོར། །རིགས་ཀྱི་བདག་པོའི་ལྷ་
D806.096.0151a05.01རྣམས་ནི། །{གོ་རིམས་,གོ་རིམ་}བཞིན་དུ་དེ་ལྟར་བྲི། །ལྷ་རྣམས་གཞན་ནི་གདན་རྣམས་ཀྱི། །སྤྱི་ཡི་ཆོ་ག་བཤད་པ་ཡིན། །ཟླུམ་པོའམ་ཡང་ན་གྲུ་བཞི་རུང་། །ཐོག་མ་སྟན་ནི་དགོད་པར་བྱ། །ཡིད་ལ་དེ་ཡི་སྔགས་ཟློས་ཤིང་། །དེ་ཡི་སྟེང་དུ་མཁས་པས་དགོད། །ཕྱི་རོལ་དུ་ནི་ཐིག་ལེ་ལ། །
D806.096.0151a06.01མཁས་པས་ལྷ་རྣམས་མིང་གིས་དགོད། །ཐམས་ཅད་ཐིག་ལེར་གནས་བྱས་ནས། །སྤྱན་དྲང་བར་ནི་བརྩམ་པར་བྱ། །འདི་དག་སྟན་དུ་དགོད་པ་སྟེ། །གསུམ་པ་ཡོངས་སུ་བསྒྲགས་པ་ཡིན། །{རིངས་སམ་,རིང་ངམ་}ཡང་ན་མི་ནུས་ན། །སྟན་དུ་དགོད་པའི་དཀྱིལ་འཁོར་བྱ། །ཡང་ན་ཆོ་ག་ཤེས་
D806.096.0151a07.01