完整藏文原文 · 德格版页 当前仅加载第 96 函德格 159a 版页；藏文 NFD、目录标记与异常页序保留在来源切片中，重复版页行以稳定序号区分。
ན། །གཏོར་མ་ཇི་ལྟར་རིགས་བྱིན་ནས། །བསྲུང་བའི་ལས་ནི་བྱ་བར་བྱ། །ཅི་ཐོས་ཇི་ལྟར་ཤེས་པ་དང་། །ཅི་མཐོང་རིམ་པ་ཅི་ལྟ་བར། །ལྷ་རྣམས་ཀུན་ལ་ཕྱོགས་དག་ཏུ། །དེ་བཞིན་གཏོར་མ་སྦྱིན་པར་བྱ། །དེ་ལྟར་ཕྱོགས་ཀྱི་གཏོར་མ་དག །
D806.096.0159a01.01བྱིན་ནས་ལེགས་པར་ལག་བཀྲུས་ཏེ། །ཉེ་རེག་བྱས་ནས་ཕྱི་རོལ་ཏུ། །མཁས་པ་ཡིས་ནི་བདུག་སྤོས་སྦྱིན། །དེ་ནས་ནང་དུ་ཞུགས་ནས་ནི། །མཆོད་ཡོན་སྔ་མ་བཞིན་ཕུལ་ནས། །བདུག་སྤོས་དག་གིས་བདུགས་ནས་སུ། །ཡིད་ཀྱིས་མཆོད་པའི་བཤོས་རྣམས་
D806.096.0159a02.01དབུལ། །དཀྱིལ་འཁོར་དབུ་མའི་ལྷ་རྣམས་ནི། །ཐམས་ཅད་ལ་ཡང་ནན་ཏན་དུ། །རས་ནི་དཀར་ལ་ཕྲ་བ་དག །རེ་རེ་ལ་ཡང་ཟུང་རེ་དབུལ། །འབྱོར་ན་ལྷ་རྣམས་ཐམས་ཅད་ལ། །རས་ནི་ཟུང་རེ་དབུལ་བར་བྱ། །མ་འབྱོར་ན་ཡང་རིགས་གསུམ་གྱི། །བདག་པོ་
D806.096.0159a03.01རྣམས་ལ་ཟུང་རེ་དབུལ། །ཡང་ན་ཆོ་ག་ཤེས་པ་ཡིས། །དཀྱིལ་འཁོར་དབུས་སུ་རས་ཕྲན་ནི། །ཟུང་གཅིག་སློབ་མའི་སྟེང་བཞག་སྟེ། །ཕུལ་ནས་ཀུན་ལ་བསྔོ་བར་བྱ། །དེ་ནས་སོ་སོའི་གསང་སྔགས་ནི། །རེ་རེའང་བདུན་བདུན་བཟླས་བརྗོད་བྱ། །དཀྱིལ་འཁོར་བ་དག་
D806.096.0159a04.01པོའི་གསང་སྔགས་ཀྱང་། །བརྒྱ་རྩ་བརྒྱད་དུ་བཟླས་པར་བྱ། །ཡང་ན་རིགས་ཀྱི་སྙིང་པོ་རྣམས། །རེ་རེ་ཞིང་ཡང་བརྒྱ་བརྒྱ་བཟླས། །དེ་ནས་སོ་སོའི་ཕྱག་རྒྱ་རྣམས། །བཟླས་བརྗོད་གསུམ་བྱས་རིམ་བཞིན་བཟླས། །ཡང་ན་སྤྱི་ཡི་ཕྱག་རྒྱ་ནི། །རེ་རེ་ལ་ཡང་སོ་སོར་བསྟན། །
D806.096.0159a05.01དེ་ལྟར་བྱས་ན་མཉེས་པ་དང་། །བྱིན་གྱིས་ལོབ་ཅིང་དངོས་གྲུབ་སྩོལ། །ཐལ་མོ་སྦྱར་བ་བཀན་པ་ལས། །མཛུབ་མོ་གཉིས་ནི་ཅུང་ཟད་བཀུག །འདི་ནི་དེ་བཞིན་གཤེགས་རིགས་ཀྱི། །དམ་ཚིག་ཕྱག་རྒྱར་ཤེས་པར་བྱ། །ཐལ་མོ་ལེགས་པར་སྦྱར་བ་ལས། །སོར་
D806.096.0159a06.01མོ་དབུ་མ་གསུམ་འགྱེད་པ། །འདི་ནི་པདྨོའི་ཕྱག་རྒྱ་སྟེ། །པདྨོ་ཁ་བྱེའི་མཚན་ཉིད་དེ། །ལག་པ་གཉིས་ནི་རྒྱབ་བསྣོལ་ཏེ། །མཐེའུ་ཆུང་གཉིས་དང་མཐེབ་གཉིས་དཀྲ། །འདི་ནི་རྡོ་རྗེའི་ཕྱག་རྒྱ་སྟེ། །རྡོ་རྗེའི་རིགས་ལ་བཤད་པ་ཡིན། །དཀྱིལ་འཁོར་རྣམས་ནི་ཐམས་
D806.096.0159a07.01