完整藏文原文 · 德格版页 当前仅加载第 96 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོན་ཏན་འདི་དང་མི་ལྡན་པར། །གང་ཞིག་དཀྱིལ་འཁོར་འདྲི་བྱེད་པ། །དེ་ནི་མི་བཟད་སེམས་དམྱལ་ལྟུང་། །སློབ་མ་རྣམས་ཀྱང་དོན་མེད་འགྱུར། །མུ་གེ་དང་ནི་ནད་མང་དང་། །ཐན་པ་དང་ནི་འཚེ་བ་འབྱུང་། །རྒྱལ་པོ་རྣམས་ཀྱང་འཐབ་པ་དང་། །
D806.096.0167a01.01ཆོམ་རྐུན་ལ་སོགས་འཇིགས་པ་འབྱུང་། །དེ་དང་དེ་ཡི་རྒྱུ་རྣམས་ཀྱིས། །སློབ་མ་རྣམས་ཀྱང་ཕུང་བར་འགྱུར། །དཀྱིལ་འཁོར་ཆོ་ག་མི་ལྡན་པར། བྲིས་ན་བླ་མ་ངེས་པར་འཆི། །དེ་བཞིན་གཤེགས་རིགས་དཀྱིལ་འཁོར་དུ། །གང་ཞིག་ལེགས་པར་དབང་
D806.096.0167a02.01བསྐུར་བ། །དེ་ནི་རིགས་རྣམས་གསུམ་ཆར་གྱི། །དཀྱིལ་འཁོར་ལ་སོགས་སློབ་དཔོན་འགྱུར། །འཕགས་པ་སྤྱན་རས་གཟིགས་དབང་གི། །དཀྱིལ་འཁོར་དུ་ནི་དབང་བསྐུར་བ། །དེ་ནི་རིགས་གཉིས་དཀྱིལ་འཁོར་གྱི། །སློབ་དཔོན་དུ་ནི་དབང་བསྐུར་འགྱུར། །
D806.096.0167a03.01ཕྱག་ན་རྡོ་རྗེ་གཟི་ཆེན་གྱི། །དཀྱིལ་འཁོར་དུ་ནི་དབང་བསྐུར་བ། །དེ་ནི་རྡོ་རྗེ་རིགས་གཅིག་གི། །དཀྱིལ་འཁོར་གྱི་ནི་སློབ་དཔོན་འགྱུར། །མ་མོ་གནོད་སྦྱིན་དྲག་པོ་ཡི། །དཀྱིལ་འཁོར་གང་དག་ཅི་བཤད་པ། །ཐམས་ཅད་དེ་དག་ཀུན་གྱིས་ཀྱང་། །དོགས་པ་
D806.096.0167a04.01མེད་པར་བྲི་བར་བྱ། །བླ་མས་སློབ་མ་གཅིག་པུ་ནི། །དཀྱིལ་འཁོར་དག་ཏུ་དབང་བསྐུར་བྱ། །མཁས་པས་ཅིག་ཆར་སློབ་མ་གཉིས། །དབང་བསྐུར་བ་ནི་ཡོང་མི་བྱ། །གཉིས་སམ་གསུམ་མམ་བཞི་ཡང་རུང་། །བླ་མས་དབང་བསྐུར་བྱ་བ་ནི། །ཡོ་བྱད་སར་པ་གཞན་རྣམས་
D806.096.0167a05.01ཀྱིས། །ཐམས་ཅད་སོ་སོ་སོ་སོར་བྱ། །རིག་སྔགས་དབང་ནི་ཐོབ་པ་ལ། །བསྒྲུབ་པའི་དཀྱིལ་འཁོར་དབང་བསྐུར་བྱ། །དབང་བསྐུར་བ་ཡི་ཆོ་ག་དང་། །བསྒྲུབ་པའི་ཆོ་གའང་དེ་བཞིན་སྦྱིན། །སློབ་མ་དམ་ཚིག་ཤེས་པ་ནི། །གཞན་རྣམས་ལ་ནི་རང་གི་སྔགས། །ཆོ་གར་བཅས་
D806.096.0167a06.01ཤིང་ཕྱག་རྒྱར་བཅས། །ཆོ་ག་རྒྱས་དང་བཅས་པར་སྦྱིན། །དཀྱིལ་འཁོར་ལེགས་པར་མ་མཐོང་བར། །གང་ཞིག་ཇི་སྟེ་སྔགས་ཟློས་ན། །དེས་ནི་དངོས་གྲུབ་ཐོབ་མི་འགྱུར། །ཤི་ན་ངན་སོང་ལྟུང་བར་འགྱུར། །སྔགས་དང་ཕྱག་རྒྱ་ཆོ་ག་དག །གང་ཞིག་དེ་ལ་སྟོན་པ་ཡང་། །དེ་ནི་དམ་ཚིག་ཉམས་
D806.096.0167a07.01