完整藏文原文 · 德格版页 当前仅加载第 96 函德格 160b 版页；藏文 NFD、目录标记与异常页序保留在来源切片中，重复版页行以稳定序号区分。
བཅས་པ་སྤྱི་བོར་གཞག །གསང་སྔགས་ལན་གསུམ་བཟླས་བྱས་ནས། །ཉིད་ཀྱི་བདེན་པའི་བྱིན་བརླབས་གསོལ། །འདི་ལྟར་བདག་གིས་སློབ་མ་འདི། །དཀྱིལ་འཁོར་དུ་ནི་ལེགས་བཙུད་ནས། །ལྷ་ཡི་རིགས་ཀྱི་རིམ་པ་དག །འདི་ཡི་བསོད་ནམས་ཅི་འདྲ་ལས། །
D806.096.0160b01.01དེ་བཞིན་དུ་ནི་འབབ་གྱུར་ཅིག །འདིས་ནི་དངོས་གྲུབ་གང་འགྲུབ་དང་། །རིགས་ནི་གང་གི་སྣོད་དུ་འགྱུར། །བསོད་ནམས་མཐུ་ནི་ཅི་ཡོད་པ། །དཀྱིལ་འཁོར་འདིར་ནི་དེ་བཞིན་འགྱུར། །དེ་སྐད་བརྗོད་ནས་དེ་འོག་ཏུ། །དེ་ནས་སྒོ་ཡི་ཕྱོགས་སུ་དེ། །བཞག་སྟེ་མེ་ཏོག་
D806.096.0160b02.01གཏོར་དུ་གཞུག །གང་དུ་མེ་ཏོག་བབ་གྱུར་པ། །དེ་ནི་དེ་ཡི་རིགས་སུ་གསུངས། །དེ་ནས་གདོང་གཡོགས་བཀྲོལ་ནས་ནི། །དཀྱིལ་འཁོར་བཟང་པོ་བསྟན་པར་བྱ། །དེ་ནས་བླ་མ་དགའ་འགྱུར་ནས། །སློབ་མ་དེ་ལ་འདི་སྐད་བསྒོ། །དཀྱིལ་འཁོར་བཟང་པོ་འདི་ལ་ལྟོས། །
D806.096.0160b03.01ད་ནི་དད་པ་རབ་ཏུ་བསྐྱེད། །ཁྱོད་ནི་སངས་རྒྱས་རིགས་སུ་སྐྱེ། །སྔགས་དང་རིག་པས་བྱིན་གྱིས་བརླབས། །འགྲོ་བ་ཕུན་སུམ་དངོས་གྲུབ་ཀྱང་། །ཐམས་ཅད་ཁྱོད་ལ་མངོན་དུ་འགྱུར། །དངོས་གྲུབ་ཕྱིར་ནི་དམ་ཚིག་སྲུངས། །གསང་སྔགས་དག་ལའང་བརྩོན་པར་གྱིས། །
D806.096.0160b04.01དེ་ནས་སློབ་མ་བདག་ཉིད་ཀྱིས། །མེ་ཏོག་སྙིམ་པ་བཀང་ནས་ནི། །རིགས་གསུམ་དག་ལ་བསྔོས་ནས་སུ། །ཕྱག་འཚལ་ལན་གསུམ་གཏོར་བར་བྱ། །དེ་ནས་དེ་ཚེ་སློབ་དཔོན་གྱིས། །དཀྱིལ་འཁོར་དེར་ནི་རང་སྔགས་སམ། །སྙིང་པོ་སྦྱིན་བྱ་དེས་ཀྱང་དེ། །མནོས་
D806.096.0160b05.01ནས་དཀྱིལ་འཁོར་གཉིས་པོར་བཟླས། །དངོས་གྲུབ་རབ་འབྲིང་རྣམ་གསུམ་ནི། །མེ་ཏོག་བབ་པ་ལས་བརྟགས་ཏེ། །ལྷ་རྣམས་ཀྱི་ནི་ཁྱད་པར་དང་། །གནས་ཀྱི་ཁྱད་པར་དག་ལས་བརྟག །གང་ཚེ་སངས་རྒྱས་བཅོམ་ལྡན་གྱི། །དབུ་ལ་མེ་ཏོག་བབ་གྱུར་ན། །དེ་ཚེ་
D806.096.0160b06.01གཙུག་ཏོར་མཛོད་སྤུ་དག །གདོན་མི་ཟ་བར་འགྲུབ་པར་འགྱུར། །སྤྱན་ལ་སོགས་པའི་སྔགས་རྣམས་ཀྱང་། །ཞལ་དུ་བབ་ན་འགྲུབ་པར་འགྱུར། །སྟོད་དུ་བབ་ན་མཆོག་རྣམས་འགྲུབ། །རྐེད་དུ་བབ་ན་འབྲིང་རྣམས་འགྲུབ། །རོ་སྨད་ཕྱོགས་སུ་བབ་ན་ནི། །དངོས་
D806.096.0160b07.01