完整藏文原文 · 德格版页 当前仅加载第 96 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་སྐྱོང་བ་ལ་སོགས་པ། །དཀྱིལ་འཁོར་གསུམ་པ་བསྡུ་བར་བཤད། །དེ་ལས་གཞན་རྣམས་ཇི་སྐད་དུ། །བཤད་པ་དེ་བཞིན་ཁོ་ནར་དགོད། །དཀྱིལ་འཁོར་ཐིག་གདབ་ཐིག་སྐུད་ནི། །ཁ་བསྒྱུར་གཙང་མ་སྲ་ཞིང་ཕྲ། །དེ་བཞིན་བུ་མོ་གཞོན་ནུས་བཀལ། །སར་པ་ཤིན་
D806.096.0148b01.01ཏུ་གཙང་མ་དང་། །མཛེས་ཤིང་ཤིན་ཏུ་རན་པ་དག །དྲི་ཞིམ་རེག་ན་བདེ་བ་དང་། །ལེགས་པར་བཀལ་དང་སྲ་བ་དང་། །སྦོམ་ཕྲ་ལ་སོགས་བཀལ་ལེགས་དང་། །འཇུར་མདུད་མེད་པར་གྱུར་པ་ཡི། །ཐིག་སྐུད་མེ་ཏོག་སྤོས་མཆོད་པས། །ཤེས་རབ་ཅན་གྱིས་ཐིག་གདབ་བོ།།
D806.096.0148b02.01མཆོད་སྦྱིན་ཤིང་གི་ཕུར་བུ་དག །ཐུར་དུ་རྩེ་བསྟན་མངོན་བསྔགས་པ། །དཀྱིལ་འཁོར་བྲི་བའི་ཆོ་ག་ལ། །ཕྱོགས་བཞི་དག་ཏུ་གདབ་པར་བྱ། །ལྟས་ངན་བྱུང་ན་དངོས་མི་འགྲུབ། །སྲད་བུ་ཆད་ན་བླ་མ་འཆི། །རིང་ཐུང་ཁྱེར་ན་ནད་ཀྱིས་འདེབས། །ཕྱོགས་འཁྲུལ་སློབ་མ་
D806.096.0148b03.01མྱོས་པར་འགྱུར། །དེ་བས་ཐམས་ཅད་ནན་ཏན་དུ། །མཁས་པས་ལེགས་པར་ཐིག་གདབ་བོ།། །།ཁྱིམ་སའི་དཔྱད་ལ་ས་ཅི་བྱུང་བའི། །ས་ཡི་ངེས་པ་དེ་དང་འདྲ། །དེ་ནས་བླ་མས་ཅི་འབྱོར་པས། །འཕགས་པའི་དགེ་འདུན་ཆོས་སྟོན་གསོལ། །ཡང་ན་བླ་མས་བསྒོས་པ་
D806.096.0148b04.01ཡི། །སློབ་མ་རྣམས་ཀྱིས་ཆོས་སྟོན་གསོལ། །གལ་ཏེ་མི་འབྱོར་དགེ་འདུན་གྱིས། །བསྐོས་པའི་དགེ་སློང་ཆོས་སྟོན་སྦྱིན། །ཡང་ན་སངས་རྒྱས་མཆོད་པའམ། །དགེ་འདུན་དག་ལ་ཡོན་ཡང་དབུལ། །བླ་མ་སློབ་མ་དང་བཅས་པར། །ཁྲོ་བོ་རྒྱལ་པོ་རྗེས་དྲན་ཞིང་། །སྐྱུ་རུ་ར་
D806.096.0148b05.01ལ་སོགས་པ་ཡིས། །ཕྱི་དྲོ་ཚུལ་བཞིན་ཁྲུས་བྱའོ། །ཁྲུས་བྱས་གཙང་ཞིང་གོས་དཀར་བགོས། །ཡོ་བྱད་རྣམ་པ་ཀུན་དང་ལྡན། །བྱམས་པའི་སེམས་ནི་ཉེར་བཞག་ནས། །དཀྱིལ་འཁོར་གྱི་ནི་དྲུང་དུ་འདོང་། །བླ་མས་ཚོགས་རྣམས་ཀུན་བསགས་ཤིང་། །ལྟ་བ་ངན་པ་ཐམས་ཅད་
D806.096.0148b06.01སྤངས། །དཀྱིལ་འཁོར་བྲི་བ་ཐམས་ཅད་ལ། །བླ་མས་མཁས་པ་དག་ཏུ་བྱ། །དང་པོར་དཀྱིལ་འཁོར་ས་གཞི་ལ། །བ་ཡི་གཅིན་དང་བསྲེས་པ་ཡི། །བ་ཡི་ལྕི་བས་བསྐུ་བྱ་ཞིང་། །དེ་ནས་སྤོས་ཆུས་བསང་གཏོར་བྱ། །ས་གཞི་ཁོ་ར་ཁོར་ཡུག་ཏུ། །ཆག་ཆག་གདབ་ཅིང་ཕྱག་དང་
D806.096.0148b07.01