完整藏文原文 · 德格版页 当前仅加载第 96 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱེ་མ་དགྱེ། །རིག་སྔགས་རྒྱལ་པོས་མངོན་བསྔགས་པའི། །སྤོས་ཀྱི་ཆུ་ཡིས་གཏོར་བར་བྱ། །དཀྱིལ་འཁོར་དག་གི་ཆོ་ག་ནི། །རྣམ་པ་གསུམ་པོ་མ་ལུས་ལ། །ལྷ་རྣམས་ཐམས་ཅད་དགོད་པ་ནི། །རྣམ་པ་གསུམ་དུ་རབ་ཏུ་བཤད། །དང་པོ་གཟུགས་སུ་བྲི་བར་བཤད། །
D806.096.0150b01.01གཉིས་པ་དག་ནི་ཕྱག་རྒྱ་བྲི། །གསུམ་པ་སྟན་དང་གནས་དག་ཏུ། །བྲི་བའི་ཆོ་ག་ཡོངས་སུ་བསྒྲགས། །བློ་དང་ལྡན་པས་གཟུགས་ཀྱི་ཚུལ། །བྲི་བ་དེ་ལ་མཁས་པར་བྱ། །གཙང་མས་བསྒྲིམས་ཏེ་རང་གི་ནི། །ངོ་བོ་ཇི་སྐད་བཤད་བཞིན་བྲི། །གཟུགས་དང་འཚམ་པར་ཡན་
D806.096.0150b02.01ལག་གདགས། །གསལ་ཞིང་རྣམ་པར་འབྱེས་པར་བྲི། །གཟུགས་ཀྱང་དཀྱིལ་འཁོར་རྣམས་ཀྱི་ནི། །ཚད་དང་སྦྱར་ཞིང་བྱ་བར་བསྒྲགས། །རང་གི་ལུང་ལས་ཁ་དོག་གཟུགས། །འབྱུང་བ་བཞིན་དུ་གཟུགས་བྲིས་ཏེ། །ཅི་ནས་ཡན་ལག་མ་ཉམས་ཤིང་། །རང་བཞིན་ཞི་
D806.096.0150b03.01བའི་གཟུགས་སུ་བྲི། །གསང་སྔགས་ཆོ་ག་ཤེས་པ་ཡིས། །ཆོ་ག་འདི་ཡིས་དཀྱིལ་འཁོར་བྲི། །བློ་དང་ལྡན་པ་མ་བསླབས་པས། །ཕྱག་རྒྱ་རྣམས་སུ་དགོད་པར་བྱ། །བསླབས་པས་ཀྱང་ནི་ཕྱེ་མ་ཡིས། །ཡན་ལག་རྫོགས་པར་རབ་ཏུ་དཀའ། །ཡན་ལག་རྫོགས་ཤིང་རྒྱས་
D806.096.0150b04.01བྱ་ན། །ཆོ་གའི་ལས་ལ་རིང་དུ་ཐོགས། །གཟུགས་རྣམས་ལེགས་པར་བསྒྲུབས་ན་ནི། །མང་པོ་རྣམས་ནི་ཟིན་མི་འགྱུར། །ཡན་ལག་ཉམས་ན་བྱིན་མི་རློབ། །དངོས་མི་འགྲུབ་པར་རབ་ཏུ་བཤད། །དེ་ལྟ་བས་ན་མཁས་པ་ཡིས། །ཕྱག་རྒྱའི་གཟུགས་སུ་ལྷ་རྣམས་
D806.096.0150b05.01དགོད། །ཡང་ན་རིགས་གསུམ་བདག་པོ་རྣམས། །ཅི་འདོད་པར་ནི་གཟུགས་སུ་དགོད། །དེ་ལ་ས་སངས་རྒྱས་བཅོམ་ལྡན་གྱི། །ཕྱག་རྒྱ་གཙུག་ཏོར་{གོ་རིམས་,གོ་རིམ་}བཞིན། །ཡིད་ལ་དེ་ཡི་སྔགས་ཟློས་ཤིང་། །ཕྱེ་མ་དཀར་པོས་བྲི་བར་བྱ། །འཕགས་པ་སྤྱན་རས་གཟིགས་དབང་གི། །
D806.096.0150b06.01ཕྱག་རྒྱ་པདྨར་རབ་ཏུ་བསྒྲགས། །ཕྱག་ན་རྡོ་རྗེའི་ཕྱག་རྒྱ་ནི། །རྡོ་རྗེ་རྣོན་པོ་རྩེ་གསུམ་འབར། །ལྷ་རྣམས་གཞན་གྱི་ཕྱག་རྒྱ་ནི། །ལུང་ལས་ཇི་སྐད་བཤད་པ་བཞིན། །ཡང་ན་རིགས་ཀྱི་བདག་པོའི་རྒྱ། །དེ་དང་དེར་ནི་སྤྱི་ཡི་ཡིན། །ལྷ་རྣམས་གང་དང་གང་དག་གི། །མཚན་མ་གང་
D806.096.0150b07.01