完整藏文原文 · 德格版页 当前仅加载第 96 函德格 161a 版页；藏文 NFD、目录标记与异常页序保留在来源切片中，重复版页行以稳定序号区分。
གྲུབ་ཕལ་རྣམས་འགྲུབ་པར་འགྱུར། །བར་གྱི་སྐུ་ལ་བབ་ན་ནི། །སྙིང་པོ་ལ་སོགས་འགྲུབ་པར་འགྱུར། །སྨད་དུ་བབ་པར་གྱུར་ན་ནི། །མངག་གཞུག་ལ་སོགས་འགྲུབ་པར་འགྱུར། །རིམ་དེས་པདྨ་རྡོ་རྗེ་ཡི། །རིགས་ཀུན་ལ་ཡང་བསྒྲེ་བར་བྱ། །
D806.096.0161a01.01དེ་བཞིན་ལྷ་གཞན་རྣམས་ལ་ཡང་། །དངོས་གྲུབ་རྣམ་པ་གསུམ་དུ་བཤད། །གལ་ཏེ་ལྷ་ཡི་གཟུགས་དག་ལས། །རིང་དུ་མེ་ཏོག་ལྷུང་གྱུར་ན། །དེ་ཡི་དངོས་གྲུབ་ཡུན་རིང་འགྱུར། །ཉེ་ན་དངོས་གྲུབ་མྱུར་དུ་འགྲུབ། །གསང་སྔགས་ཀྱི་ནི་མཆོད་པ་དག །གང་དུ་
D806.096.0161a02.01བཀྲམ་པ་ཚུན་ཆད་ནི། །དེ་ཡི་ས་རིས་དེ་ཡིན་ཏེ། །མེ་ཏོག་དེར་ལྷུང་དེ་ཡི་རིགས། །ལྷ་གཉིས་ཀྱི་ནི་བར་དག་ཏུ། །གལ་ཏེ་མེ་ཏོག་བབ་གྱུར་ན། །གང་ལ་ཉེ་བར་གྱུར་ན་ནི། །དེ་ནི་དེ་ཡི་རིགས་སུ་བཤད། །གལ་ཏེ་ལ་ལའི་མེ་ཏོག་དག །དཀྱིལ་འཁོར་དང་པོ་འདས་
D806.096.0161a03.01ལྷུང་ན། །དེ་ལ་དངོས་གྲུབ་ཕལ་འགྲུབ་ཅིང་། །དེ་ནི་དད་པའང་རབ་ཏུ་ཆུང་། །གལ་ཏེ་མེ་ཏོག་བོར་བ་དག །ར་བའི་རི་མོ་ལ་བབ་ན། །ཞི་བ་བྱས་ནས་དེ་ནས་གདོད། །ནན་ཏན་བསྐྱེད་དེ་འདོར་དུ་གཞུག །དེ་ཚེ་ཐེ་ཚོམ་གྱུར་ན་ནི། །མཁས་པས་བཟླས་ཏེ་འདོར་མི་
D806.096.0161a04.01གཞུག །དེར་ནི་གང་ཡང་ངེས་མེད་པས། །དེས་ནི་དངོས་གྲུབ་ཐོབ་མི་འགྱུར། །གཉིས་ཀྱི་བར་དུ་མཉམ་པ་དང་། །དོན་མེད་ཕྱི་རོལ་ལྷུང་བ་ནི། །ཞི་བའི་སྦྱིན་སྲེག་བྱས་རྣམས་ཀྱིས། །དེ་ནས་མེ་ཏོག་འཐོར་དུ་གཞུག །སྙིང་པོར་མེ་ཏོག་བབ་ན་ནི། །རྟག་ཏུ་
D806.096.0161a05.01དོན་མེད་མི་འགྱུར་བཤད། །སྲད་བུ་དག་གི་ཆོ་ག་བཞིན། །དེ་ཡིས་ས་འཁོར་ཤེས་པར་བྱ། །རིགས་གསུམ་ལ་ཡང་ཆོ་ག་བཞིན། །དཀྱིལ་འཁོར་རྣམ་པ་གསུམ་དུ་བརྟག །ཇི་ལྟར་གནས་པའི་ཚུལ་དག་ལས། །གཙོ་བོ་རྣམས་ཀྱི་རིམ་གྱིས་བསྐྱེད། །ཤེས་རབ་
D806.096.0161a06.01ཕ་རོལ་ཕྱིན་དབུས་སམ། །དཀྱིལ་འཁོར་གྱི་ནི་གཙོ་བོ་དང་། །སྒོ་སྲུང་གཉིས་ལ་མཚུངས་གྱུར་ན། །ད་ལྟ་སྙིང་པོ་སྤྱོད་ཡུལ་ལེགས། །གལ་ཏེ་མེ་ཏོག་བོར་བ་དག །མཆོད་པའི་སྟེང་དུ་བབ་འགྱུར་ན། །དེ་ནི་རྒྱས་པའི་བསྒྲུབ་པ་དག །ཁྱད་པར་དུ་ནི་ཤེས་པར་བྱ། །དཀྱིལ་
D806.096.0161a07.01