完整藏文原文 · 德格版页 当前仅加载第 96 函德格 158a 版页；藏文 NFD、目录标记与异常页序保留在来源切片中，重复版页行以稳定序号区分。
འབྲས་ཆན་བུངས་ནི་མི་ཆུང་དབུལ། །དེ་ནས་ཚོད་མ་སྣ་ཚོགས་པ། །གཡོས་ལེགས་པ་ལ་དྲི་ཞིམ་པ། །སྲན་ཆུང་ཚོད་མ་ལ་སོགས་པའི། །ཚོད་མ་རྣམ་པ་སྣ་ཚོགས་དབུལ། །འབྲས་ཆན་ཞོ་སྦྱར་བུ་རམ་ཆན། །ཁམ་ཕོར་དག་ནས་དབུལ་བར་
D806.096.0158a01.01བྱ། །མཁས་པས་ཟས་རྣམས་བཟང་པོ་དག །གང་ཡང་རུང་བས་ལྷ་བཤོས་དབུལ། །ཆོ་ག་ཤེས་པས་ཟས་རྣམས་ནི། །དཀར་གསུམ་འབྱུང་པོ་ཐམས་ཅད་ལ། །རྒྱ་ཆེན་པོ་ནི་སྣ་ཚོགས་པ། །ཇི་ལྟར་རིགས་པར་སྦྱར་བར་བྱ། །འབྲས་ཆན་མར་ཞོ་འོ་མར་སྦྱར། །དཀར་
D806.096.0158a02.01གསུམ་ཞེས་བྱ་འོ་ཐུག་དང་། །ཀྲི་སར་སྲན་ཚོད་དང་སྦྱར་བ། །དེ་མིང་འབྱུང་པོ་ཐམས་ཅད་པའི། །བཅའ་བ་མང་བཅས་རྒྱ་ཆེན་དེ། །ནས་ཐུག་དང་སྦྱར་སྣ་ཚོགས་པའོ། །དེ་ལྟར་ཁ་ཟས་རྣམ་པ་དྲུག །ཅི་ནུས་པར་ནི་དབུལ་བར་བྱ། །དྲི་མི་ཞིམ་དང་བསྐ་བ་
D806.096.0158a03.01དང་། །ཁ་བ་དང་ནི་ཚ་བ་དང་། །ཚོད་མ་ཞག་ཏུ་ལོན་པ་དང་། །བཀྲ་མི་ཤིས་པ་རྣམ་པར་སྤངས། །ཚོད་མ་རྣམས་ནི་མ་འབྱོར་ན། །སྲན་ཚོད་གཅིག་པུ་དབུལ་བར་བྱ། །ཞོ་ནི་ཀུན་དུ་འབྲས་ཆན་གྱི། །སྟེང་དུ་བསྒོས་ཏེ་བླུག་པར་བྱ། །འོ་ཐུག་མ་ཤའི་སྲན་ཚོད་དང་། །
D806.096.0158a04.01ཞོ་དང་འབྲས་ཆན་སྭ་སྟི་ཀ། ཀྲི་ས་ར་དང་དྲུག་པོ་དག །གཏོར་མའི་ལས་ལ་རྟག་མི་སྤང་། །དབུལ་པོའི་གཏོར་མའི་ལས་ལ་ནི། །དྲུག་པོ་ཁོ་ན་བརྗོད་པར་བྱ། །དེ་དག་གང་ཡང་རུང་བ་ཞིག །ཉམས་ན་གཏོར་མའི་ལས་ཉམས་སོ། །འོ་ཐུག་ནང་དུ་སྦྲང་རྩི་གདབ། །དེ་
D806.096.0158a05.01བཞིན་ཞོ་དང་བུ་རམ་གདབ། །སྲན་ཚོད་ནང་དུ་མར་མི་གདབ། །བདོག་ན་སྒེའུ་གཤེར་དག་ཀྱང་གདབ། །འབྲས་ཆུ་དག་དང་རྩ་བ་དང་། །རྣམ་པ་སྣ་ཚོགས་བསྒྲིམས་ཏེ་གདབ། །ལྷ་རྣམས་དང་ནི་གསང་སྔགས་དང་། །ཁྱད་པར་དུ་ཡང་དེ་ལ་དགྱེས། །ཨ་མྲ་འབྲ་གོ་བལ་པོ་
D806.096.0158a06.01སེའུ། །རྒུན་འབྲུམ་རྒྱ་ཤུག་ཏིན་ཏུ་ཀ། །ཀ་པིད་བཱི་ཛ་པུར་དང་། །ན་རང་ཀ་དང་པ་ན་ས། །སྐྱུར་ཤིང་ལ་ཀུ་ཆུ་ཤིང་འབྲས། །བྷ་བྱ་བ་ར་བ་རྟ་དང་། །ཤི་རི་འཛམ་བུ་སྐྱུ་རུ་ར། །ཀ་ར་མ་ཏ་བ་རི་ཡ། །དེ་ལ་སོགས་པའི་འབྲས་བུ་ནི། །རྣམ་པ་སྣ་ཚོགས་སྨིན་པ་དག །
D806.096.0158a07.01