完整藏文原文 · 德格版页 当前仅加载第 96 函德格 147b 版页；藏文 NFD、目录标记与异常页序保留在来源切片中，重复版页行以稳定序号区分。
དག་ལ་འཇུག །ཆུ་ལས་རྐྱལ་ཏེ་རོང་ལས་རྒལ། །རྐུན་པོ་དག་ནི་ཚར་གཅོད་པ། །སྟོབས་འགྱེད་པ་ལས་རྒྱལ་བ་དང་། །གྱད་སྟོབས་རྡེབ་ཅིང་འགྱིང་བ་དང་། །རྩེད་མོ་སྣ་ཚོགས་རྨི་བ་དང་། །དེ་བཞིན་རྩལ་སྦུངས་བྱེད་པ་དང་། །བཀྲ་ཤིས་དག་ནི་ཐམས་ཅད་ཀྱང་། །
D806.096.0147b01.01མཐོང་ན་རབ་ཏུ་དགེ་བར་བཤད། །གསང་སྔགས་ཆོ་ག་ཉན་པ་དང་། །དགའ་སྟོན་དགེ་བ་མཐོང་བ་དང་། །བསྒྲུབ་པ་བཟང་པོ་རྩོམ་པ་དང་། །སྒྲུབ་པ་པོ་དག་མཐོང་བ་དང་། །དེ་ལ་སོགས་པའི་ལྷ་རྣམས་ནི། །དགེ་བ་རྣམ་པ་དུ་མ་དག །བློ་ཡིས་རྣམ་པར་དཔྱད་བྱ་ཞིང་། །དེ་
D806.096.0147b02.01ལས་བཟློག་པ་སྤང་བར་བྱའོ། །དགེ་བ་རྣམས་ནི་འགྲུབ་པར་འགྱུར། །མི་དགེ་རྣམས་ནི་མི་འགྲུབ་བོ། །མི་དགེ་བ་དག་ཤེས་ནས་སུ། །དེ་དག་མཁས་པས་སྤང་བར་བྱ། །དགེ་བ་ཡི་ནི་ལྟས་རྣམས་ནི། །རབ་དང་འབྲིང་དང་ཐ་མ་ལས། །གསང་སྔགས་དངོས་གྲུབ་རྣམ་གསུམ་
D806.096.0147b03.01པོ། །རབ་དང་འབྲིང་དང་ཐ་མ་འགྲུབ། །མི་དགེ་བ་ལ་ཞི་བ་ཡི། །སྦྱིན་སྲེག་ཞི་བའི་གསང་སྔགས་ཀྱིས། །བ་ཡི་མར་ལ་བརྒྱ་རྩ་བརྒྱད། །ཆོ་ག་བཞིན་དུ་ཞི་བར་བྱ། །དེ་ནས་སློབ་མ་སྡིག་བྲལ་ཞིང་། །རྣམ་པར་དག་པ་དེ་དག་ལ། །རྗེས་སུ་བརྩེ་བར་བྱ་བའི་ཕྱིར། །
D806.096.0147b04.01ཅི་འདོད་པར་ནི་གཟུང་བར་བྱ། །དཀྱིལ་འཁོར་གྱི་ནི་གསང་སྔགས་ཀུན། །ནང་པར་རྗེས་སུ་དྲན་བྱས་ནས། །གོས་དཀར་བགོས་ཤིང་མ་ཡེངས་པར། །དཀྱིལ་འཁོར་གྱི་ནི་དྲུང་དུ་འགྲོ། །ལས་ཀུན་བྱེད་པའི་གསང་སྔགས་ཀྱིས། །ཐོག་མ་ཉིད་དུ་བསང་གཏོར་བྱ། །ཚོན་སྣ་ལྔ་
D806.096.0147b05.01ཡི་སྲད་བུ་ལ། །དེ་དག་ཉིད་ཀྱིས་བརྒྱར་བཟླས་ཏེ། །བཟང་པོའི་ལྟས་དང་སྦྱར་ནས་ནི། །མཁས་པས་དཀྱིལ་འཁོར་ཟིག་གདབ་བོ། །ཐིག་སྐུད་ཀྱི་ནི་ཚོན་སྣ་ལྔ། །དཀར་དང་དམར་དང་དེ་བཞིན་སེར། །སྔོ་དང་ལྔ་པ་ནག་པོ་སྟེ། །ཚོན་རྩི་རྣམས་ཀྱང་དེ་དང་འདྲ། །དཀོན་མཆོག་
D806.096.0147b06.01གསུམ་ལ་མཆོད་བྱ་ཞིང་། །ལྷ་རྣམས་གནས་ལའང་ཕྱག་བྱས་ནས། །མཁས་པས་སྲད་བུ་བྲི་བར་བྱ། །ནང་པར་ཉི་མ་ཤར་བའི་ཚེ། །བློ་ཡིས་ཕྱོགས་ཆ་ལེགས་བརྟགས་ལ། །དང་པོར་ཤར་ནས་བསྙམས་ཏེ་གཟུང་། །སློབ་དཔོན་བྱང་དུ་ཁ་བལྟས་ཏེ། །སྲད་བུ་འཛིན་པ་དེ་ལ་
D806.096.0147b07.01