完整藏文原文 · 德格版页 当前仅加载第 96 函德格 153a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱོགས་གསུམ་དུ་ནི་སྟེགས་བུ་གསུམ། །བྱས་ཏེ་རིགས་གསུམ་བསམས་ནས་སུ། །སྤྱན་དྲང་བ་ཡི་ཆོ་ག་བྱ། །དེ་བཞིན་གཤེགས་པའི་རིགས་རྣམས་ཀྱི། །གསང་སྔགས་ཀུན་ལ་དབུལ་ལོ་ཞེས། །མེ་ཏོག་སྤོས་ཆུས་བཀང་བ་ཡི། །མཆོད་ཡོན་དག་ནི་
D806.096.0153a01.01དབུལ་བར་བྱ། །སངས་རྒྱས་པ་ལ་ཤར་ཕྱོགས་སུ། །པདྨ་འཛིན་ལ་བྱང་ཕྱོགས་སུ། །གསང་བའི་བདག་པོས་བཤད་པ་ཡི། །གསང་སྔགས་རྣམས་ལ་ལྷོ་ཕྱོགས་སུ། །དེ་ལྟར་བྱས་ན་རིགས་གསུམ་གྱི། །གསང་སྔགས་འཁོར་དང་བཅས་པ་ཀུན། །མཆོད་པ་བྱས་
D806.096.0153a02.01པ་འདི་རུ་ནི། །དགྱེས་པར་གྱུར་པ་གདོན་མི་ཟ། །ཆོ་ག་འདི་ཡིས་ནུབ་ཕྱོགས་སུ། །འཇིག་རྟེན་པ་ཡི་ལྷ་རྣམས་ནི། །ཀུན་ལ་དབུལ་ལོ་ཞེས་བརྗོད་ཅིང་། །ཕྱི་རོལ་སྟེགས་བུ་སྟེང་དུ་མཆོད། །ཞི་བ་དག་གི་ཆོ་ག་ལ། །བྱང་ཆུབ་སེམས་དཔའ་དཀོན་མཆོག་གསུམ། །གཙང་
D806.096.0153a03.01མའི་གནས་ན་འཁོད་པ་ཡི། །ལྷ་རྣམས་ཀྱང་ནི་དགོད་པར་བྱ། །རྒྱས་པ་ལ་ནི་ཁྱད་པར་དུ། །རིག་སྔགས་གསང་སྔགས་ཐམས་ཅད་དང་། །བསྟན་པ་ལ་ནི་དགའ་བ་ཡི། །གནོད་སྦྱིན་རྣམས་ཀྱང་དགོད་པར་བྱ། །དྲག་ཤུལ་སྤྱོད་པའི་དཀྱིལ་འཁོར་དུ། །ཁྲོ་བོ་རྣམས་ཀྱི་
D806.096.0153a04.01ཕྱག་རྒྱ་ནི། །དྲག་ཤུལ་ཆེན་པོའི་རྣམ་དག་དང་། །མངག་གཞུག་ཕོ་མོ་མང་པོ་དགོད། །དཀྱིལ་འཁོར་དག་ནི་ཐམས་ཅད་ལའང་། །ལས་རྣམས་གསུམ་དུ་ཤེས་པར་བྱ། །དེ་བས་ཆོ་ག་འདི་རྣམས་ཀྱིས། །དཀྱིལ་འཁོར་རྣམ་པ་གསུམ་དུ་བརྟགས། །དཀྱིལ་འཁོར་དག་གི་
D806.096.0153a05.01དབུས་དག་ན། །ས་སྟོང་གར་ཡང་མ་གཏོགས་པ། །གང་ན་ཡོད་པ་དེ་རུ་ནི། །ཤེས་རབ་ཕ་རོལ་ཕྱིན་པ་བཞག །ཡང་ན་སྒོ་ཡི་གཡས་རོལ་དུ། །སློབ་མ་བཟང་པོའི་སྟེང་དུ་བཞག །གཡོན་གྱི་ཕྱོགས་སུ་སྦྱིན་སྲེག་ཕྱིར། །མེ་ནི་ཡམ་སྲེག་ཤིང་གིས་སྦར། །ཡང་ན་ཤར་
D806.096.0153a06.01ལྷོ་མཚམས་དག་ཏུ། །མེ་ནི་རབ་ཏུ་སྦར་བར་བྱ། །ཡང་ན་ལས་ཀྱི་རྗེས་མཐུན་པར། །ཕྱོགས་ཀྱི་{གོ་རིམས་,གོ་རིམ་}བཞིན་དུ་བཞག །དྲི་གཙང་ཁང་ངམ་གནས་ཁང་ངམ། །ཕུག་གམ་ཡང་ན་གོ་སྐབས་དག །དོག་པ་བཞིན་དུ་བྱེད་ན་ནི། །དེར་ནི་ཇི་ལྟར་འདོད་པར་བྱ། །གོ་སྐབས་དོག་
D806.096.0153a07.01