完整藏文原文 · 德格版页 当前仅加载第 96 函德格 149b 版页；藏文 NFD、目录标记与异常页序保留在来源切片中，重复版页行以稳定序号区分。
མོ་གཉིས་བཙུགས་མཆོད་ཡོན་དབུལ། །ཡང་ན་དཀྱིལ་འཁོར་ཐམས་ཅད་ཀྱི། །ལས་ལ་མཆོད་ཡོན་དོན་དུ་ནི། །མེ་ཏོག་དཀར་པོའམ་བདུག་སྤོས་ནི། །བཟང་པོའམ་དྲི་ཞིམ་བྱུག་སྤོས་དབུལ། །བདུག་སྤོས་དག་དང་བྱུག་སྤོས་ནི། །སྲོག་ཆགས་ཡན་ལག་བཅས་པ་སྤང་། །
D806.096.0149b01.01ལས་སུ་བྱ་བ་ཐམས་ཅད་ལ། །ཆུ་ནི་གཙང་མ་བཙག་པར་བྱ། །དཀྱིལ་འཁོར་དག་ཏུ་ཚིག་རྐྱང་བའི། །བྱུག་སྤོས་དག་གམ་བདུག་སྤོས་དག །མེ་ཏོག་སྐམ་ལས་སྐྱེས་པ་ནི། །དྲི་ཞིམ་པ་དང་དཀར་པོ་ཤིས། །དེ་ནས་སློབ་མ་བསོགས་ནས་ནི། །སྤོས་ཀྱི་ཆུ་ཡིས་བསང་གཏོར་བྱ། །
D806.096.0149b02.01ཚོགས་པ་བསྲུང་བ་བྱས་པ་རྣམས། །ཕྱོགས་གཅིག་ཏུ་ནི་བཀོད་ནས་སུ། །ཤེས་རབ་ཕ་རོལ་ཕྱིན་བཀླགས་ཏེ། །གུས་པར་ཡང་ནི་ཕྱག་བྱས་ནས། །འཕགས་པའི་ཚོགས་ཀུན་བསམས་ནས་སུ། །དེ་ནས་དཀྱིལ་འཁོར་བྲི་བར་བྱ། །མཁས་པས་ལྕགས་ནི་རྣམ་ལྔའམ། །ཕྱེ་མ་
D806.096.0149b03.01དཀར་པོ་ལ་སོགས་པའམ། །དད་ཅིང་ཡོན་ཏན་ལྡན་པ་ཡི། །སློབ་མས་རིན་ཆེན་ཕྱེ་མས་བྲི། །རིན་ཆེན་ལྕགས་རྣམས་མ་འབྱོར་ན། །ས་ལུ་བཏགས་པའི་ཕྱེ་མས་བྱ། །ཚོན་རྩི་ལྔར་བཤད་ཞིབ་མོ་དང་། །འབྱུང་ཁུངས་ནས་བྱུང་ཕྱེ་མ་དང་། །རྡོ་ཡི་ཁམས་ནི་སྣ་ཚོགས་
D806.096.0149b04.01དག །ཕྱེ་མའི་ལས་ལ་སྦྱར་བར་བྱ། །དེ་ལྟར་རྣམ་པ་བཞི་པོ་དག །ཕྱེ་མའི་རྒྱུར་ནི་བསྒྲགས་པ་ཡིན། །ལྕགས་རྣམས་ཀུན་དང་རིན་ཆེན་དང་། །འབྱུང་ཁུངས་ས་དང་འབྲས་བཏགས་པ། །དཀྱིལ་འཁོར་ཀུན་གྱི་ལས་རྣམས་ལ། །ཕྱེ་མའི་དོན་དུ་སྦྱར་བར་བྱ། །ཡང་ན་ལས་
D806.096.0149b05.01ཀྱི་ཆོ་ག་ལ། །ཕྱེ་མ་དམར་པོ་སོ་ཕག་བསྲེགས། །ནག་པོ་ཐལ་བ་དཀར་པོ་ནི། །ནས་དང་གྲོ་ལས་བྱས་པ་གནང་། །བྱ་བ་རིངས་པ་འབྱུང་བ་དང་། །བགེགས་རྣམས་ཚར་གཅད་བྱ་བ་དང་། །དྲག་ཤུལ་སྤྱད་པའི་ལས་དག་གི། །དཀྱིལ་འཁོར་ལས་ལ་ཐལ་བ་གནང་། །
D806.096.0149b06.01དཀྱིལ་འཁོར་གྱི་ནི་ཆོ་ག་ལ། །ཕྱེ་མའི་རྒྱུ་ནི་སྔར་བཤད་པ། །ཀུན་ཀྱང་རུང་སྟེ་ཁྱད་པར་དུ། །དང་པོ་ལ་སོགས་རིམ་བཞིན་ཤིས། །ད་མ་ཚིག་ལས་ལ་ལྕགས་ཀྱི་བཟང་། །རིན་ཆེན་ལས་བྱུང་དབང་བསྐུར་ལ། །སཱ་ལུའི་ཕྱེ་མ་ཞི་བ་ལ། །འབྱུང་ཁུངས་ལས་བྱུང་རྒྱས་པ་ལ། །
D806.096.0149b07.01