完整藏文原文 · 德格版页 当前仅加载第 96 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་དང་སྦྲང་རྩི་འོ་མ་དང་། །མར་དང་འབྲས་ཡོས་འོ་ཐུག་དང་། །དུར་བ་མྱུ་གུ་ཀུན་དད་དང་། །ཙུ་ཏའི་ལོ་མ་ཙནྡན་དང་། །ཨུ་དུམ་ཨ་ཤྭད་པ་ལ་ཤ། །དེ་བཞིན་ཤ་མྱའི་ཡམ་སྲེག་ཤིང་། །དེ་ལ་སོགས་པ་ཐམས་ཅད་ནི། །ཞི་བའི་སྦྱིན་སྲེག་རྫས་ཡིན་ནོ། །འོ་
D806.096.0162b01.01ཐུག་ཞོ་དང་ལག་པན་དང་། །འོ་མ་དང་ནི་ནས་དཀར་ཅན། །ཏིལ་ནི་རྣམ་པ་གསུམ་སྦྱར་དང་། །སྒྲོན་ཤིང་ཤུ་ཏེ་ཉེའུ་ཤིང་དང་། །ནག་པུཥྤ་བིལ་བའི་འབྲས། །འབྲུ་རྣམས་དང་ནི་ཡམ་སྲེག་ཤིང་། །དེ་ལ་སོགས་པའི་རྫས་རྣམས་ནི། །རྒྱས་པའི་སྦྱིན་སྲེག་རྣམས་ལ་
D806.096.0162b02.01བཤད། །ཡུངས་ཀར་དང་ནི་སྐེ་ཚེ་ཁྲག །ཡུངས་ཀར་མར་དང་དེ་བཞིན་དུ་ག །རུས་ཕྱེ་དུར་ཁྲོད་ཐལ་བ་དང་། །དེ་བཞིན་སྐྲ་ནི་གཏུབས་པ་དང་། །ཀོ་བི་ད་ར་མགལ་དུམ་དང་། །སེང་ལྡེང་དང་ནི་ཨ་རི་སྟ། །ཡམ་ཤིང་ཚེར་མ་ཅན་ལ་སོགས། །དྲག་ཤུལ་ཅན་གྱི་
D806.096.0162b03.01རྫས་སུ་བཤད། །སྔགས་ཀྱི་རྒྱུད་ལས་མ་གསུངས་ཀྱང་། །བློ་དང་ལྡན་པས་རྫས་འདི་རྣམས། །རབ་ཏུ་དྲག་པོའི་ལས་དག་ལ། །ཆོ་ག་བཞིན་དུ་སྦྱར་བར་བྱ། །སྦྱིན་སྲེག་ཆོ་ག་བྱས་ནས་ནི། །སློབ་མ་དབང་བསྐུར་འོས་རིག་ནས། །ཆོ་ག་བཞིན་དུ་ནན་ཏན་དུ། །
D806.096.0162b04.01དབང་བསྐུར་བ་ཡི་ཆོ་ག་བྱ། །ལས་ཀུན་བྱེད་པའི་གསང་སྔགས་ཀྱིས། །བཏབ་པའི་སྟན་ནི་གསར་བཞག་སྟེ། །བཀྲ་ཤིས་ལ་སོགས་ཀུན་བྱས་ལ། །བསྲུང་བ་ནན་ཏན་ཆེར་བྱས་ཏེ། །དཀྱིལ་འཁོར་གྱི་ནི་སྔགས་བཟླས་ཤིང་། །སྤྱི་བོར་གདུགས་དཀར་བཟང་
D806.096.0162b05.01པོ་ལ། །མེ་ཏོག་ཕྲེང་བ་དཀར་པོས་བརྒྱན། །རས་ཕྲན་དཀར་པོ་དཔྱངས་པ་གཟུང་། །སློབ་མ་ཡོན་ནི་ཆེར་ཕུལ་ཞིང་། །བླ་མ་བསྙེན་བསྐུར་བྱས་པ་དག །སྟན་ལ་དེ་ནི་བཞག་ནས་སུ། །སྔགས་ཀྱིས་སྐྱོན་བསལ་བཀྲ་ཤིས་བྱ། །བདུག་པ་ལེགས་པར་སྦྱར་བ་
D806.096.0162b06.01ཡི། །བདུག་པ་ཁྲོ་བོའི་རྒྱལ་པོས་བདུག །རྔ་ཡབ་ལ་སོགས་གཟུང་བ་དང་། །སྤྱི་བོ་སྟེང་དུ་གདུགས་ཀྱང་གཟུང་། །རྔ་མའི་བསིལ་ཡབ་བདུག་སྤོས་དང་། །ཞྭ་དང་གོས་ཀྱིས་སློབ་མ་དག་བ། །འདི་དག་དང་ནི་དེ་བཞིན་དུ། །བུམ་པ་བཞི་ཡང་བཤམས་ཏེ་དགོད། །
D806.096.0162b07.01