完整藏文原文 · 德格版页 当前仅加载第 96 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ནས། །ངུ་འབོད་སེམས་ཅན་དམྱལ་བར་འགྲོ། །ཇི་སྐད་བཤད་པའི་དམ་ཚིག་རྣམས། །གལ་ཏེ་ཉམས་པར་གང་གྱུར་པ། །དེས་ནི་རང་གི་སྙིང་པོའི་སྔགས། །གཅིག་འབུམ་དུ་ནི་བཟླས་བརྗོད་བྱ། །ཡང་ན་མེས་རྨོངས་བྱེད་པའི་གཟུངས། །སྟོང་དུ་བཟླས་བརྗོད་བྱས་ཀྱང་
D806.096.0167b01.01རུང་། །ཡང་ན་ཞི་བའི་སྦྱིན་སྲེག་བྱ། །ཡང་ན་དཀྱིལ་འཁོར་དུ་ཡང་འཇུག །གཏི་མུག་དབང་གིས་མི་ཤེས་པར། །མི་གང་དཀྱིལ་འཁོར་འདྲི་བྱེད་པ། །དེ་ནི་མཚམས་མེད་ལྔ་རྣམས་དང་། །འདྲ་བའི་གནས་སུ་འགྲོ་བར་འགྱུར། །གང་ཞིག་བསོད་ནམས་ལས་བྱེད་པ། །ཆོ་ག་ལེགས་པར་འདྲི་
D806.096.0167b02.01ན་ནི། །བྱང་ཆུབ་སེམས་དཔའ་མཐུ་ཆེན་ཏེ། །འདོད་པའི་གནས་ནི་དམ་པར་སྐྱེ། །གཤེད་བྱེད་རྣམས་དང་རོ་ལངས་དང་། །ཤ་ཟ་ལྟོ་འཕྱེ་ཆེན་པོ་དང་། །རྣམ་པ་སྣ་ཚོགས་གདོན་རྣམས་དང་། །འཇིགས་པར་འགྱུར་བའི་བགེགས་རྣམས་ཀྱིས། །ལྷ་ཡི་རིགས་མཐོང་དམ་ཚིག་ཤེས། །
D806.096.0167b03.01རྟག་ཏུ་ཚུགས་པར་མི་འགྱུར་ཞིང་། །དེ་ཡི་མི་དགེའི་ལས་འབྱང་ཞིང་། །ངན་སོང་དུ་ཡང་ཡོང་མི་ལྟུང་། །དེ་ཡིས་བསྒྲུབས་ན་ངེས་པར་ནི། །གསང་སྔགས་ཐམས་ཅད་འགྲུབ་པར་འགྱུར། །དེ་ལ་བྱང་ཆུབ་ས་བོན་ནི། །བརྟན་པར་འགྱུར་བར་དོགས་པ་མེད། །སློབ་དཔོན་བློ་གྲོས་ཆེན་པོ་ཡིས། །
D806.096.0167b04.01གསང་སྔགས་རྒྱུད་ནི་འཛིན་པ་པོ། །སློབ་མ་བསྡམས་པ་སྙིང་རྗེ་ཅན། །གཅིག་ནི་ནན་ཏན་བསྐྱེད་དེ་བསྒྲུབ། །དཀྱིལ་འཁོར་རྣམས་ནི་ཐམས་ཅད་ཀྱི། །ཆོ་ག་འདི་ནི་དམ་པ་སྟེ། །བློ་དང་ལྡན་པས་ཆོ་ག་འདིས། །དཀྱིལ་འཁོར་རྣམས་ནི་བྲི་བར་བྱ། །རིག་སྔགས་རྒྱལ་དང་ཕྱག་རྒྱ་ཆེ། །
D806.096.0167b05.01དཀྱིལ་འཁོར་རྣམས་ནི་ཐམས་ཅད་ཀྱང་། །སློབ་མ་ལ་ནི་སྔགས་བྱིན་ནས། །དེ་ནས་བླ་མས་རྒྱུད་འདི་བྱིན། །དབང་གི་དཀྱིལ་འཁོར་གཤེགས་སུ་གསོལ། །བསྒྲུབ་པ་ཆེན་པོ་བྱ་བའི་རྒྱུད་ཀྱི་བཞེད་ལུགས་ཀྱིས་དཀྱིལ་འཁོར་གྱི་མཛད་བྱང་མ་ལུས་པར་ཡོངས་སུ་རྫོགས་
D806.096.0167b06.01པར་བསྟན་པ་ཡིན་ནོ།། །།དཀྱིལ་འཁོར་ཆེན་པོ་བཀོད་པ་རིམ་པར་ཕྱེ་བ། ཕྱག་ན་རྡོ་རྗེ་དབང་ཕྱུག་ཆེན་པོ་བདག་ཉིད་ཀྱིས་བསྟན་པ་ལས། དཀྱིལ་འཁོར་ཐམས་ཅད་ཀྱི་སྤྱིའི་ཆོ་ག་གསང་བ་སྤྱིའི་རྒྱུད་རྫོགས་{སྷོ,སོ}།། །།
D806.096.0167b07.01