完整藏文原文 · 德格版页 当前仅加载第 97 函德格 3b 版页；藏文 NFD、目录标记与异常页序保留在来源切片中，重复版页行以稳定序号区分。
ལུས་རྒྱན་གྱི་ལུས་ཅན་གྱི་ཆོས་ཉིད་བཀོད་དོ། །བྱང་ཆུབ་ཀྱི་སེམས་དཔའ་ཀུན་བྱེད་རྒྱལ་པོ་དེ་ཉིད་ཀྱང་ཉིད་ཀྱི་རང་བཞིན་གྱི་ཆོས་ཉིད་བཀོད་པ་དེ་བཞིན་དུ་བཞུགས་སོ། །དེ་ནས་སེམས་དཔའ་རྡོ་རྗེ་དེ་བྱང་ཆུབ་ཀྱི་སེམས་ཀུན་བྱེད་རྒྱལ་པོའི་སྤྱན་སྔར་ཡང་
D828.097.0003b01.01འདུག་ནས། ཀྱེ་སྟོན་པ་ཀུན་བྱེད་རྒྱལ་པོ་ལགས། །ཉིད་ཀྱི་ཐུགས་གཅིག་རང་འབྱུང་ཡེ་ཤེས་ལས། །རང་འབྱུང་ཡེ་ཤེས་རྣམ་པ་ལྔ་བྱུང་ནས། །དེ་ལས་རྒྱན་གྱི་རྒྱུ་ལྔ་བྱུང་ནས་ནི། །ཡེ་ཤེས་ལྔ་ཡི་ལུས་ལྔ་བླངས་པ་འདིས། །ཀུན་
D828.097.0003b02.01བྱེད་རྒྱལ་པོའི་དགོས་པ་ཅི་ཞིག་ཆེ། །ཞེས་ཞུས་སོ། །དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་སླར་གསུངས་པ། ཀྱེ་སེམས་དཔའ་ཆེན་པོ་དགོས་པ་ནི། །ཀུན་བྱེད་རྒྱལ་པོ་བྱེད་མཁན་ང་ལས་ནི། །མ་གཏོགས་པ་ཡི་བྱེད་
D828.097.0003b03.01མཁན་གཞན་ན་མེད། །ཆོས་ཉིད་བྱེད་པ་ཡང་ནི་ང་ལས་མེད། །སྟོན་པ་གསུམ་ཡང་འགོད་པ་ང་ལས་མེད། །འཁོར་གྱི་ཚོགས་ཡང་འགོད་པ་ང་ལས་མེད། །དེ་བཞིན་ཆོས་ཉིད་འགོད་པ་ང་ལས་མེད། །སེམས་དཔའ་རྡོ་རྗེ་ཁྱོད་ལ་ང་ཡིས་
D828.097.0003b04.01ནི། །ང་ཡི་རང་བཞིན་ཁྱོད་ལ་བསྟན་པར་བྱ། །ང་ལ་རང་བཞིན་རྣམ་པ་གསུམ་ཡོད་དེ། །ང་ཡི་རང་བཞིན་བྱང་ཆུབ་སེམས་ཡིན་ནོ། །བྱང་བ་དག་གི་རང་བཞིན་བསྟན་པ་ནི། །ཕུན་སུམ་ཚོགས་པ་རྣམ་གསུམ་ཆོས་ཉིད་བྱང་། །ཆུབ་པ་
D828.097.0003b05.01དག་གི་རང་བཞིན་བསྟན་པ་ནི། །དགོས་པ་ཚོགས་པ་རྣམ་པ་གསུམ་གྱིས་ནི། །ནམ་མཁའ་བཞིན་དུ་ཀུན་ལ་ཁྱབ་པར་གནས། །སེམས་ཞེས་བྱ་བའི་རང་བཞིན་བསྟན་པ་ནི། །མི་འགག་མ་ལུས་ཀུན་བྱེད་རྒྱལ་པོ་སྟེ། །ཀུན་བྱས་བྱང་ཆུབ་
D828.097.0003b06.01སེམས་སུ་མ་ལུས་བྱས། །ཞེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ཆོས་ཉིད་མངོན་དུ་ཕྱུང་ནས་བསྟན་པའི་ལེའུ་སྟེ་གཉིས་པའོ།། །།དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཆོས་ཐམས་ཅད་ཀྱི་
D828.097.0003b07.01