完整藏文原文 · 德格版页 当前仅加载第 97 函德格 18b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་རྩ་བ་བསྡུས་པ་འདི་གསུངས་སོ། །ཀྱེ་སེམས་དཔའ་ཆེན་པོ་ཉོན་ཅིག །ཆོས་ཐམས་ཅད་ཀྱི་རང་བཞིན་དང་རྩ་བ་ནི་འདི་ལྟ་སྟེ། ང་ནི་ཆོས་ཀུན་རང་བཞིན་ཡིན་པ་སྟེ། །ང་ཡི་རང་བཞིན་ལས་ནི་ཆོས་གཞན་མེད། །སྟོན་པ་སྐུ་གསུམ་ང་
D828.097.0018b01.01ཡི་རང་བཞིན་ཡིན། །དུས་གསུམ་སངས་རྒྱས་ང་ཡི་རང་བཞིན་ཡིན། །བྱང་ཆུབ་སེམས་དཔའ་ང་ཡི་རང་བཞིན་ཡིན། །རྣལ་འབྱོར་རྣམ་བཞི་ང་ཡི་རང་བཞིན་ཡིན། །འདོད་ཁམས་གཟུགས་ཁམས་གཟུགས་མེད་ཁམས་གསུམ་ཡང་། །ཀུན་བྱེད་ང་
D828.097.0018b02.01ཡི་རང་བཞིན་བསྟན་པ་ཡིན། །འབྱུང་ཆེན་ལྔ་ཡང་ང་ཡི་རང་བཞིན་ཡིན། །རྒྱུད་དྲུག་སེམས་ཅན་ང་ཡི་རང་བཞིན་ཡིན། །སྣང་བ་ཐམས་ཅད་ང་ཡི་རང་བཞིན་ཡིན། །སྲིད་པ་ཐམས་ཅད་ང་ཡི་རང་བཞིན་ཡིན། །སྣོད་བཅུད་བསྡུས་པ་ང་ཡི་རང་བཞིན་
D828.097.0018b03.01ཡིན། །ང་ཡི་རང་བཞིན་ལས་ནི་གཞན་མེད་པས། །ཆོས་རྣམས་ཀུན་གྱི་རྩ་བ་ང་ལ་འདུས། །ང་ལས་མ་འདུས་པ་ནི་གཅིག་ཀྱང་མེད། །མ་སྐྱེས་པ་དང་སྐྱེ་བའི་ཆོ་འཕྲུལ་དང་། །ཐུགས་རྗེའི་རང་བཞིན་རྣམ་པ་གསུམ་བྱུང་བ། །དེ་ནི་སྟོན་པ་གསུམ་
D828.097.0018b04.01གྱི་རང་བཞིན་ཡིན། །སྔ་པ་ད་ལྟ་ཕྱི་པ་དུས་གསུམ་ཡང་། །ང་ཉིད་གཅིག་ཏུ་གནས་པའི་རང་བཞིན་ལས། །སངས་རྒྱས་ཐམས་ཅད་གཅིག་ཏུ་གནས་པའི་ཕྱིར། །དེ་ཡང་ང་ཡི་རང་བཞིན་བསྟན་པ་ཡིན། །ང་ཉིད་གཟུང་འཛིན་བྲལ་བས་བྱང་བ་དང་། །
D828.097.0018b05.01ནམ་མཁའ་བཞིན་དུ་ཀུན་ལ་ཁྱབ་པ་དང་། །ཆོས་རྣམས་ཀུན་གྱི་སྙིང་པོ་བྱེད་པའི་ཕྱིར། །བྱང་ཆུབ་སེམས་ཀྱང་ང་ཡི་རང་བཞིན་ཡིན། །ཀུན་བྱེད་ང་ནི་གཅིག་ཏུ་གནས་པ་ལ། །ང་ཡི་རང་བཞིན་དེ་བཞིན་རྣལ་མ་ལ། །རྣམ་བཞི་འབྱོར་པ་རྣལ་མ་
D828.097.0018b06.01གཅིག་ཏུ་འབྱོར། །དེས་ན་ང་ཡི་རང་བཞིན་ཡིན་པར་བཤད། །ཀུན་བྱེད་ང་ཡི་ལུས་ངག་ཡིད་གསུམ་ལས། །འབྱུང་ཡང་ང་ཡི་རང་བཞིན་དེ་ལས་འབྱུང་། །འདུས་ཀྱང་ང་ཡི་རང་བཞིན་དེ་ལ་འདུས། །ཡིན་ཡང་ང་ཡི་ངོ་བོ་དེ་ཡིན་པས། །ཁམས་གསུམ་ང་ཡི་
D828.097.0018b07.01