完整藏文原文 · 德格版页 当前仅加载第 97 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན། །དེ་ཡིས་ཆོས་ཀྱི་དབྱིངས་དང་ནམ་མཁའི་ཁམས། །ཁམས་གསུམ་གནས་དང་སྲིད་པའི་ཆོས་བཤིག་ཀྱང་། །རང་སེམས་རང་བཞིན་གནས་པ་དེ་མི་རྙེད། །རང་གི་སེམས་ནི་ནམ་མཁའི་རང་བཞིན་ཏེ། །མཐའ་ལ་ཐུག་པ་མེད་པས་དབྱིངས་ལ་བྲི་བ་
D828.097.0061b01.01མེད། །རང་སེམས་ནམ་མཁའ་རང་བཞིན་དེ་མི་རིག །ཆོས་ཀྱི་རང་བཞིན་ཀུན་ཀྱང་དེ་ལྟ་སྟེ། །ཇི་བཞིན་པ་ལ་ཀུན་ཀྱང་བཅོས་པ་མེད། །འཆོས་པ་རོལ་པའི་ཏིང་འཛིན་ཅི་བྱས་ཀྱང་། །ཇི་བཞིན་པ་ལ་ངོ་བོ་འགྱུར་བ་མེད། །འགྱུར་ཏེ་ལྷག་པའི་སྟོབས་
D828.097.0061b02.01གཅིག་ཆེ་འགྱུར་ན། །ཏིང་འཛིན་གཅིག་གིས་འཁོར་བ་ལྷག་མ་མེད། །སྨྲ་ཡང་ཇི་བཞིན་པ་ལ་འགྱུར་བ་མེད། །རང་བཞིན་ཆེ་བའི་ཡུལ་ལ་རང་བཞིན་གནས། །རང་བཞིན་མ་བཅོས་པ་ཡི་མིང་ཡིན་ལ། །ཆེ་བ་མ་བཅོས་པ་ལ་ལམ་ཞེས་བརྗོད། །སངས་
D828.097.0061b03.01རྒྱས་རྣམས་ཀྱི་སྐུ་གསུང་ཐུགས་དང་ནི། །སེམས་ཅན་རྣམས་ཀྱི་ལུས་ངག་ཡིད་གསུམ་ལ། །བཟང་ངན་ཆེ་ཆུང་ཁྱད་པར་ཡོད་མ་གསུངས། །མི་རྟོག་ཆོས་ཉིད་མཉམ་པ་ཉིད་དུ་གནས། །མཉམ་པས་ཆོས་དང་ཆོས་མིན་གཅིག་ཀྱང་མེད། །སེམས་ཅན་
D828.097.0061b04.01རྒྱུ་མེད་སངས་རྒྱས་འབྲས་བུ་མེད། །རྒྱུ་འབྲས་སྟོན་པ་སྟོན་པ་ཉིད་ལུང་ནོར། །དེ་བས་ང་ལས་བྱུང་བའི་ཆོས་མཉམ་པས། །ང་ལས་བྱུང་བ་བཟང་ངན་མེད་མཉམ་གཅིག །ཅེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ཆོས་ཐམས་ཅད་
D828.097.0061b05.01ཀྱི་རང་བཞིན་གཡོས་པ་མེད་པའི་ལེའུ་སྟེ་ང་གསུམ་པའོ།། །།དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཉིད་ཀྱི་རང་བཞིན་རང་འབྱུང་གི་ཡེ་ཤེས་ཡིན་ལ། རང་འབྱུང་གི་ཡེ་ཤེས་དེ་དོན་གྱི་ངོ་བོ་ལྔ་དང་ལྡན་ཏེ་གང་ཞེ་ན། །དོན་ཆོས་
D828.097.0061b06.01ཐམས་ཅད་འབྱུང་བའི་སྙིང་པོ་དང་། །དོན་མ་ནོར་ངེས་པའི་ངོ་བོ་དང་། དོན་རྒྱུ་འབྲས་འདས་པའི་ངོ་བོ་དང་། །དོན་བྱར་མེད་པའི་ངོ་བོ་དང་། དོན་ཆོས་ཐམས་ཅད་གཏན་ལ་འབེབས་པའི་ངོ་བོ་དང་ལྔའོ། །དེ་ལ་རང་འབྱུང་གི་ཡེ་ཤེས་དེ་ལ་བསྡུས་པའི་མདོ་ལུང་
D828.097.0061b07.01