完整藏文原文 · 德格版页 当前仅加载第 97 函德格 28a 版页；藏文 NFD、目录标记与异常页序保留在来源切片中，重复版页行以稳定序号区分。
ངོ་བོ་མིང་ཙམ་མངོན་ཕྱུང་བ། །ལོངས་སྤྱོད་རྫོགས་སྐུ་མིང་ཙམ་ཚུལ། །ངེས་པར་ལོངས་སྤྱོད་རྫོགས་སྐུ་དེ། །དེ་བཞིན་ཉིད་ལས་གཡོས་པ་མེད། །ཀུན་བྱེད་བྱང་ཆུབ་སེམས་ང་ནི། །ཐུགས་རྗེ་སྤྲུལ་སྐུ་མངོན་ཕྱུང་བ། །ཐུགས་རྗེ་མ་བཅོས་
D828.097.0028a01.01རང་བཞིན་ལས། །མིང་ཙམ་སྤྲུལ་སྐུ་ཚུལ་བྱུང་བ། །ངེས་པར་སྤྲུལ་པའི་སྐུ་དེ་ཡང་། །དེ་བཞིན་ཉིད་ལས་གཡོས་པ་མེད། །དེ་བཞིན་ཉིད་ཀྱི་རང་བཞིན་ལས། །སྐུ་གསུམ་གཡོས་པ་མེད་པ་བཞིན། །སྐུ་གསུམ་བསྟན་པའི་ཆོས་རྣམས་དང་། །སྐུ་གསུམ་
D828.097.0028a02.01འདུས་པའི་འཁོར་རྣམས་དང་། །ཆོས་རྣམས་ཀུན་ལའང་གཡོས་པ་མེད། །མ་གཡོས་པ་ཡི་ཆོས་ཉིད་ལ། །རྒྱུ་དང་འབྲས་བུར་བཏགས་བྱས་ནས། །རྩོལ་དང་བསྒྲུབ་པ་བྱས་ནས་ནི། །རྒྱུ་ལས་འབྲས་བུ་འབྱུང་འདོད་པ། །ཀུན་བྱེད་ང་ལས་བྱས་པ་ཡི། །
D828.097.0028a03.01རྒྱུ་འབྲས་འདས་ལས་གོལ་བ་ཡིན། །ཞེས་གསུངས་སོ། །ཀྱེ་སེམས་དཔའ་ཆེན་པོ་ཁྱོད་ཉོན་ཅིག །ང་ལས་བྱུང་བའི་སྐུ་གསུམ་སྟོན་པ་དང་། །ང་ལས་བྱུང་བའི་དུས་གསུམ་སངས་རྒྱས་དང་། །ང་ལས་བྱུང་བའི་འཁོར་གནས་དུས་ལ་སོགས། །ཀུན་ཀྱང་
D828.097.0028a04.01ང་ཡི་བྱང་ཆུབ་སེམས་ཡིན་ན། །སེམས་དཔའ་རྡོ་རྗེ་དེ་ལ་རྟོག་མི་རྟོག །སེམས་དཔའ་རྡོ་རྗེ་དེ་ལ་མ་རྟོག་ཤིག །ང་ནི་ཡེ་ནས་ཀུན་བྱེད་རྒྱལ་པོ་བྱང་ཆུབ་སེམས། །ང་ཡིས་བྱས་པ་ཀུན་ཀྱང་བྱང་ཆུབ་སེམས། །ང་ཡི་རང་བཞིན་ཡེ་ནས་རྣམ་དག་བྱང་། །ང་
D828.097.0028a05.01ཡིས་ཀུན་ལ་ཁྱབ་པ་ཡེ་ནས་ཆུབ། །ང་ཡིས་རང་བཞིན་གསལ་བས་ཡེ་ནས་སེམས། །ང་ནི་ནམ་མཁའ་ལྟ་བུའི་རང་བཞིན་གྱིས། །ཡེ་ནས་ཡིན་པའི་བྱང་ཆུབ་སེམས་ཀྱིས་ནི། །འཇིག་རྟེན་སྒྱུ་མར་སྣང་བའི་ཆོས་བཞིན་དུ། །སྐུ་གསུམ་སྟོན་པ་དུས་གསུམ་
D828.097.0028a06.01སངས་རྒྱས་རྣམས། །བུ་དང་ཚ་བོ་འཁོར་གྱི་ཚུལ་བྱུང་ནས། །མ་ནོར་བདེན་པའི་གདམས་ངག་འབོགས་པ་བཞིན། །བྱང་ཆུབ་སེམས་ནི་ནམ་མཁའ་བཞིན་བསྟན་ནས། །ཀུན་བྱེད་བྱུང་ཚུལ་ནམ་མཁའ་བཞིན་དུ་བསྟན། །ཅེས་གསུངས་སོ། །བྱང་ཆུབ་
D828.097.0028a07.01