完整藏文原文 · 德格版页 当前仅加载第 97 函德格 55b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་ཆེན་པོ་ཉོན་ཅིག །ང་ཡི་རང་བཞིན་ཆོས་ཉིད་གཅིག་པུ་ལ། །ང་མ་འགགས་པའི་སྟོན་པ་རྣམ་གསུམ་གྱིས། །སྐྱེ་བའི་ཆོ་འཕྲུལ་འབྱུང་བའི་འཁོར་གསུམ་ལས། །ང་ཡི་ཆོས་ཉིད་དེ་བཞིན་ཉིད་གཅིག་ལ། །རྟོགས་པར་བྱ་བའི་ཐབས་ཀྱི་གཞི་
D828.097.0055b01.01མ་དྲུག །ལྟ་བ་ཆོས་ཉིད་མཐོང་བའི་གཞི་མ་བྱེད། །དེས་ནི་མཐོང་བར་བྱ་བའི་ཐབས་ཡིན་ཏེ། །མ་སྐྱེས་དམིགས་པར་བྱ་བའི་ཡུལ་མེད་པས། །བལྟས་པས་དེ་བཞིན་ཉིད་ལ་མཐོང་བ་མེད། །དམ་ཚིག་རང་སྐྱོན་སེལ་བའི་གཞི་མ་བྱེད། །དེས་ནི་བར་ཆད་
D828.097.0055b02.01མེད་པའི་ཐབས་ཡིན་ཏེ། །དེ་བཞིན་ཉིད་ལ་བསྲུང་བའི་ཡུལ་མེད་པས། །བསྲུངས་པས་དེ་བཞིན་ཉིད་ལ་ཐུབ་པ་མེད། །ལས་ནི་གྲུབ་པར་བྱེད་པའི་གཞི་མ་བྱེད། །བཙལ་བས་གྲུབ་པར་བྱེད་པའི་ཐབས་ཡིན་ཏེ། །དེ་བཞིན་ཉིད་ལ་བཙལ་བའི་ཡུལ་མེད་པས། །
D828.097.0055b03.01དེ་བཞིན་ཉིད་ལ་ལས་ཀྱི་གྲུབ་པ་མེད། །ལམ་གྱིས་བགྲོད་པས་ཕྱིན་པའི་གཞི་མ་བྱེད། །དེས་ནི་གནས་སུ་ཕྱིན་པའི་ཐབས་ཡིན་ཏེ། །དེ་བཞིན་ཉིད་ལ་ལམ་གྱིས་བགྲོད་མེད་ཕྱིར། །བགྲོད་པས་ཕྱིན་པའི་དེ་བཞིན་ཉིད་མ་ཡིན། །ས་ནི་གནས་པར་བྱེད་པའི་
D828.097.0055b04.01གཞི་མ་བྱེད། །དེས་ནི་སྦྱང་མི་དགོས་པའི་ཐབས་ཡིན་ཏེ། །དེ་བཞིན་ཉིད་ལ་ཐམས་ཅད་ཀུན་གནས་པས། །གནས་པར་བྱ་བའི་ས་ལ་སྦྱང་དུ་མེད། །ཡེ་ཤེས་རྟོགས་པར་བྱེད་པའི་གཞི་མ་བྱེད། །ངས་ནི་ཆོས་ཉིད་རིག་པའི་ཐབས་ཡིན་ཏེ། །དེ་བཞིན་ཉིད་
D828.097.0055b05.01ལ་རྟོགས་པའི་ཡུལ་མེད་པས། །རང་འབྱུང་ཡེ་ཤེས་ཡུལ་ལ་རྟོག་པ་མེད། །ཀྱེ་སེམས་དཔའ་ཆེན་པོ་ཉོན་ཅིག །བྱང་ཆུབ་སེམས་ནི་ཆོས་ཀྱི་གཞི་ཡིན་པས། །ཐེག་པ་སོ་སོ་ལྟ་སྤྱོད་དྲུག་དྲུག་གིས། །རྒྱུ་འབྲས་ལྟོས་པའི་འཁོར་ལ་དེ་བསྟན་པས། །དེ་རེ་རང་
D828.097.0055b06.01འཐད་བསམ་པ་རེ་རེ་ཡིས། །ལྟ་སྤྱོད་གཞི་མ་དྲུག་ལ་བཙལ་བྱས་ཀྱང་། །དེ་བཞིན་ཉིད་ལ་བཙལ་བའི་ཡུལ་མེད་པས། །བཙལ་བས་དེ་བཞིན་ཉིད་ལ་བཅོས་པའི་ཕྱིར། །རང་སེམས་གཞི་མ་བཅོས་མེད་དེ་མི་ཕྲད། །ཀྱེ་སེམས་དཔའ་ཆེན་པོ་ཉོན་ཅིག །ལྟ་བ་
D828.097.0055b07.01