完整藏文原文 · 德格版页 当前仅加载第 97 函德格 46a 版页；藏文 NFD、目录标记与异常页序保留在来源切片中，重复版页行以稳定序号区分。
ས་པ་རྣམས། །རང་འབྱུང་བྱང་ཆུབ་སེམས་དེ་ནི། །བལྟས་པས་མཐོང་བ་མ་ཡིན་ན། །རང་སེམས་སྙིང་པོ་དེ་རུ་ཕྲད། །ཁམས་གསུམ་སེམས་ཅན་ཐམས་ཅད་ཀྱི། །རང་འབྱུང་ཡེ་ཤེས་བཀག་མེད་པས། །དབང་པོ་ཡུལ་
D828.097.0046a01.01ལ་རིག་གསལ་བ། །མ་བཅོས་པ་ཡི་བྱང་ཆུབ་སེམས། །དེ་ཉིད་སྙིང་པོ་ཡང་དག་བཤད། །སྣང་སྲིད་སྣོད་བཅུད་ཐམས་ཅད་ཀྱང་། །ང་ཡིས་མ་བསྐྱེད་གཅིག་ཀྱང་མེད། །ཀུན་རྒྱུ་ང་ལས་མ་བྱུང་མེད། །དེས་ན་ཀུན་གྱི་སྙིང་པོར་བཤད། །
D828.097.0046a02.01ང་ནི་ཀུན་ལས་རྒྱལ་བ་སྟེ། །སྐུ་གསུམ་ལས་ཀྱང་ང་རྒྱལ་ལ། །སངས་རྒྱས་གསུམ་ལས་ང་རྒྱལ་ལོ། །རིག་འཛིན་བྱང་ཆུབ་སེམས་དཔའ་དང་། །ཁམས་གསུམ་གནས་པའི་སེམས་ཅན་དང་། །སྣང་སྲིད་སྣོད་བཅུད་ཐམས་ཅད་ཀུན། །བྱེད་
D828.097.0046a03.01པ་ང་ཡིན་ཀུན་ལས་རྒྱལ། །ཀུན་བྱེད་བྱང་ཆུབ་སེམས་ང་ཡིས། །བསྟན་པ་ཀུན་གྱི་སྔོན་རོལ་དུ། །བྱང་ཆུབ་སེམས་ཀྱི་བསྟན་པ་བཀོད། །བྱང་ཆུབ་སེམས་ཀྱི་བསྟན་པ་འདི། །ཀུན་གྱིས་དགོད་པར་མི་ནུས་ཏེ། །དེ་ཡང་ཇི་ལྟར་དགོད་ཅེ་ན། །ཆོས་
D828.097.0046a04.01ལ་བྱ་རུ་མེད་པའི་ཕྱིར། །བཙལ་བ་མེད་པའི་སྒོ་ནས་འཇུག །བྱང་ཆུབ་སེམས་ལས་མེད་པའི་ཕྱིར། །བྱང་ཆུབ་སེམས་ཀྱི་ཆོས་ཉིད་ལ། །སེམས་ཀྱིས་བསྒོམ་དུ་མེད་པའི་ཕྱིར། །ལྟ་བ་བསྒོམ་དུ་མེད་པ་བཀོད། །གཟུང་འཛིན་འདས་པའི་ཆོས་ཉིད་ལ། །
D828.097.0046a05.01དམ་ཚིག་བསྲུང་དུ་མེད་པ་དགོད། །ཡེ་ནས་ལྷུན་གྱིས་གྲུབ་པས་ན། །ཕྲིན་ལས་བཙལ་དུ་མེད་པ་བཀོད། །བྱང་ཆུབ་སེམས་ལ་ཀུན་གནས་པས། །ས་ལ་སྦྱང་དུ་མེད་པ་བཀོད། །བྱང་ཆུབ་སེམས་ནི་བགྲོད་པའི་གནས། །སེམས་ཀྱི་ས་ལ་བགྲོད་མེད་
D828.097.0046a06.01པས། །ལམ་ལ་བགྲོད་དུ་མེད་པར་བསྟན། །ཆོས་ཉིད་བྱང་ཆུབ་སེམས་ཡིན་པས། །ཆོས་ཉིད་གཞན་དུ་ལྟ་མི་བྱེད། །ཡེ་ཤེས་རང་འབྱུང་ཡེ་ཤེས་ཏེ། །ཡུལ་ལ་རྟོག་པའི་ཡེ་ཤེས་མིན། །ཀུན་བྱེད་བྱང་ཆུབ་སེམས་ང་ནི། །ལྟ་སྤྱོད་ཀུན་ལས་
D828.097.0046a07.01