完整藏文原文 · 德格版页 当前仅加载第 97 函德格 16b 版页；藏文 NFD、目录标记与异常页序保留在来源切片中，重复版页行以稳定序号区分。
ཕོ་མོ་དགེ་བསྙེན་ཕོ་མོ་བཞི། །སྟོན་པ་སྤྲུལ་པའི་སྐུ་ཡི་འཁོར་དུ་བསྟན། །ཞེས་གསུངས་སོ། །ཀྱེ་སེམས་དཔའ་ཆེན་པོ་ཉོན་ཅིག །ང་ལས་བྱུང་བའི་སྟོན་པ་སྐུ་གསུམ་གྱི། །སྐུ་གསུམ་སོ་སོ་རང་རེ་གནས་བསྟན་པ། །སྟོན་པ་ཆོས་སྐུའི་གནས་ནི་འདི་
D828.097.0016b01.01ལྟ་སྟེ། །འོག་མིན་ཆོས་ཀྱི་དབྱིངས་ཀྱི་ཕོ་བྲང་སྟེ། །ཡང་དག་དོན་གྱི་འོག་མིན་དེ་རུ་བཤད། །སྟོན་པ་ལོངས་སྤྱོད་རྫོགས་པའི་གནས་བསྟན་པ། །འཇིག་རྟེན་མཚན་མ་ཀུན་གྱི་སྟེང་གྱུར་པ། །གནས་ཀྱི་འོག་མིན་ཁང་བུ་བརྩེགས་པ་ཡི། །གཞལ་ཡས་ཁང་
D828.097.0016b02.01དེ་གནས་ཀྱི་འོག་མིན་བཤད། །སྟོན་པ་སྤྲུལ་པའི་སྐུ་ཡི་གནས་བསྟན་པ། །སྤྲུལ་པའི་སྐུ་ནི་རབས་བདུན་ཤཱཀྱ་ཐུབ། །གནས་ནི་བྱ་རྒོད་ཕུང་པོའི་གནས་བསྟན་ཏེ། །ཡང་དག་ཐུགས་རྗེ་སྤྲུལ་པ་ངེས་མེད་གནས། །ཞེས་གསུངས་སོ། །ཀྱེ་སེམས་དཔའ་ཆེན་
D828.097.0016b03.01པོ་ཉོན་ཅིག །ང་ལས་བྱུང་བའི་སྐུ་གསུམ་སྟོན་པ་ཡི། །འདུལ་བའི་ཞིང་ཁམས་ཁྱད་པར་བསྟན་པ་ནི། །ཆོས་སྐུ་སྟོན་པའི་འདུལ་བའི་ཞིང་ཁམས་ནི། །ཆོས་ཀྱི་དབྱིངས་ཀྱི་མཐའ་ཡིས་ཀླས་པ་དང་། །ནམ་མཁའི་ཁམས་ཀྱིས་ཇི་ལྟར་ཁྱབ་པ་དེ། །ཆོས་
D828.097.0016b04.01ཀྱི་སྐུ་ཡི་འདུལ་བའི་ཞིང་ཁམས་ཡིན། །ལོངས་སྤྱོད་རྫོགས་སྐུའི་འདུལ་བའི་ཞིང་ཁམས་ནི། །ང་ལས་བྱུང་བའི་གཟུགས་སྒྲ་དྲི་རོ་རེག །ཇི་ལྟར་འདོད་པའི་ལོངས་སྤྱོད་རྫོགས་པས་འདུལ། །སྤྲུལ་པའི་སྐུ་ཡི་འདུལ་བའི་ཞིང་ཁམས་ནི། །འཛམ་བུའི་གླིང་ནི་བྱེ་བ་ཕྲག་
D828.097.0016b05.01བརྒྱ་ལས། །རང་འབྱུང་ཡེ་ཤེས་ཐུགས་རྗེས་རྒྱུད་དྲུག་འདུལ། །དེ་ནི་མཐུན་པའི་བྱེ་བྲག་བསྟན་པ་ཡིན། །ང་ལས་བྱུང་བའི་སྟོན་པ་སྐུ་གསུམ་དེ། །རྒྱུ་མཐུན་འབྲས་བུ་མཐུན་ལ་རང་བཞིན་གཅིག །རྒྱུ་ནི་བྱང་ཆུབ་སེམས་སུ་ཀུན་མཐུན་ལ། །འབྲས་བུ་སངས་
D828.097.0016b06.01རྒྱས་ཡིན་པར་ཀུན་ཀྱང་མཐུན། །རང་བཞིན་ཆོས་ཉིད་ངོ་བོ་གཅིག་པར་བསྟན། །འདུལ་བའི་དུས་ལ་སྔ་ཕྱི་ཕྱེ་བ་མེད། །ཅེས་གསུངས་སོ། །ཀྱེ་སེམས་དཔའ་ཆེན་པོ་ཡང་ཉོན་ཅིག །ཀུན་བྱེད་རྒྱལ་པོ་ང་ལས་བྱུང་བ་ཡི། །སྐུ་གསུམ་སྟོན་པ་དེ་ཡི་བཤད་
D828.097.0016b07.01