完整藏文原文 · 德格版页 当前仅加载第 97 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་རྟོགས་པ་བཤད་པ་ཞེས་བྱ་བའི་རྒྱུད་ཕྱི་མ་འདི་གསུངས་སོ། །ཀྱེ་སེམས་དཔའ་རྡོ་རྗེ་དོན་འདི་ལེགས་པར་ཉོན། །སྟོན་པའི་སྟོན་པ་ཀུན་བྱེད་རྒྱལ་པོ་ཡི། །ང་ལས་བྱུང་བའི་སྟོན་པ་སྐུ་གསུམ་གྱིས། །
D828.097.0066a01.01སོ་སོར་འདུལ་བའི་དོན་དུ་གང་གསུངས་པ། །སྟོན་པ་རེ་དང་གནས་དང་འཁོར་དག་དང་། །བསྟན་པ་སྡུད་པ་སོ་སོར་གནས་པར་རྟོགས། །ཀུན་བྱེད་ང་ཡི་རང་བཞིན་རྟོགས་པ་མིན། །ཀྱེ་ཀུན་བྱེད་ང་ཡི་རྟོགས་ཚུལ་བསྟན་པ་ནི། །ང་ཉིད་སྐྱེ་བ་མེད་པའི་
D828.097.0066a02.01རང་བཞིན་ཏེ། །དེ་ལས་བྱུང་བའི་ཆོས་ནི་ཐམས་ཅད་ཀུན། །རང་འབྱུང་སྐྱེ་བ་མེད་པའི་དབྱིངས་སུ་རྟོགས། །ཀྱེ་སེམས་དཔའ་ཆེན་པོ་ལེགས་པར་ད་ཉོན་ཅིག །ང་ཉིད་སྐྱེ་བ་མེད་པར་ངས་རྟོགས་པས། །སྟོན་པ་གསུམ་ཡང་སྐྱེ་བ་མེད་པར་རྟོགས། །
D828.097.0066a03.01བསྟན་པ་གསུམ་ཡང་སྐྱེ་བ་མེད་པར་རྟོགས། །འཁོར་གནས་དུས་ཀྱང་སྐྱེ་བ་མེད་པར་རྟོགས། །འདས་པའི་སངས་རྒྱས་སྐྱེ་བ་མེད་པར་རྟོགས། །ད་ལྟར་བྱུང་བའི་སངས་རྒྱས་བཞུགས་པ་ཡང་། །སྐྱེ་བ་མེད་པ་ཉིད་དུ་རབ་ཏུ་རྟོགས། །མ་བྱོན་སླད་
D828.097.0066a04.01ཀྱིས་འབྱུང་བའི་སངས་རྒྱས་ཡང་། །སྐྱེ་བ་མེད་པ་ཉིད་དུ་རབ་ཏུ་རྟོགས། །ཀྱེ་སྟོན་པ་ཀུན་བྱེད་ཉིད་ཀྱིས་རྟོགས་པ་ལྟར། །སེམས་དཔའ་རྡོ་རྗེ་ཁྱོད་ཀྱིས་རྟོགས་པར་གྱིས། །སེམས་དཔའ་རྡོ་རྗེས་དེ་ལྟར་མ་རྟོགས་ན། །ཀུན་བྱེད་ང་ཡི་རང་བཞིན་རྟོགས་
D828.097.0066a05.01མི་འགྱུར། །ང་ཡི་རང་བཞིན་ཁྱོད་ཀྱིས་མ་རྟོགས་ན། །སྙིང་པོའི་རང་བཞིན་བཅུ་དག་རྟོགས་མི་འགྱུར། །རང་བཞིན་བཅུ་ཡི་དོན་ལ་རྨོངས་པ་ཡིས། །བསྒོམ་དུ་མེད་པའི་ལུང་བཅུ་ཇི་ལྟར་རྟོགས། །ཀྱེ་ང་ཡིས་ཆོས་རྣམས་ཇི་ལྟར་བསྟན་པ་ལྟར། །
D828.097.0066a06.01སེམས་དཔའ་རྡོ་རྗེ་ཁྱོད་ཀྱིས་རྟོགས་པར་བྱོས། །ང་ཡི་རང་བཞིན་སྐྱེ་མེད་རྟོགས་པ་ལྟར། །ཀུན་གྱི་རང་བཞིན་སྐྱེ་མེད་རྟོགས་པར་གྱིས། །སྟོན་པ་གསུམ་ཡང་སྐྱེ་བ་མེད་པར་རྟོགས། །བསྟན་པ་གསུམ་ཡང་སྐྱེ་བ་མེད་པར་རྟོགས། །འཁོར་གནས་
D828.097.0066a07.01