完整藏文原文 · 德格版页 当前仅加载第 97 函德格 17b 版页；藏文 NFD、目录标记与异常页序保留在来源切片中，重复版页行以稳定序号区分。
བགྲངས་པ། །ཀུན་བྱེད་ང་དང་ང་ཡི་རང་བཞིན་དང་། །ང་ཡིས་བྱས་པའི་ཆོས་དང་རྣམ་པ་གསུམ། །ང་ནི་སྟོན་པ་ཀུན་བྱེད་ཀུན་གྱི་མེས། །ང་ཡི་རང་བཞིན་རྣམ་པ་བཅུར་བསྟན་པ། །དེ་ནི་བསྟན་པ་ཀུན་གྱི་སྙིང་པོར་བཤད། །ཀུན་བྱེད་ང་
D828.097.0017b01.01ཡིས་བྱས་པའི་ཆོས་རྣམས་ནི། །དུས་གསུམ་གཅིག་ན་བཞུགས་པའི་སངས་རྒྱས་དང་། །ཁམས་གསུམ་གནས་པའི་འགྲོ་བ་ཐམས་ཅད་ཀུན། །དབྱེ་བ་མེད་པར་འཁོར་གྱི་དམ་པར་བྱས། །ཀུན་བྱེད་གཅིག་གིས་ཕུན་སུམ་ཚོགས་བྱས་པས། །
D828.097.0017b02.01སེམས་ཀྱི་དགོས་པ་ཀུན་བྱས་ཕུན་སུམ་ཚོགས། །གང་ལ་གང་དགོས་དགོས་པ་ཚོགས་པ་ལ། །ཀུན་བྱེད་ང་ཡིས་ཕུན་སུམ་ཚོགས་པར་བཤད། །སྟོན་པའི་རང་བཞིན་རྣམ་པ་གསུམ་བསྟན་པ། །འཁོར་གྱི་དང་པོ་སྟོན་པ་སྐུ་གསུམ་ཤར། །མ་སྐྱེས་
D828.097.0017b03.01གཟུང་འཛིན་བྲལ་བའི་རང་བཞིན་དེ། །འཁོར་གྱི་དང་པོ་སྟོན་པ་ཆོས་སྐུར་ཤར། །སྐྱེ་བའི་ཆོ་འཕྲུལ་ཀུན་བཟང་རོལ་པ་དེ། །འདོད་སྤྱོད་ལོངས་སྤྱོད་རྫོགས་པའི་སྐུ་རུ་ཤར། །སྣ་ཚོགས་ཇི་ལྟར་འདོད་པ་བྱུང་ནས་ནི། །དེ་དང་མཐུན་པར་ཀུན་ཀྱང་ཚིམ་བྱེད་
D828.097.0017b04.01པ། །དེ་ནི་སྣ་ཚོགས་སྤྲུལ་སྐུ་ཞེས་སུ་བཤད། །སྐུ་གསུམ་སྟོན་པ་གྲགས་ཕྱོགས་མཐོང་བ་ནི། །སངས་རྒྱས་བྱང་ཆུབ་སེམས་དཔའ་བཟོད་ཐོབ་གསུམ། །གང་འཐད་སྟོན་པའི་སྐུ་ལ་དེ་འདུས་ནས། །དེ་དང་མཐུན་པའི་གནས་སུ་དོན་སྟོན་བཞུགས། །བསྟན་
D828.097.0017b05.01པའི་རང་བཞིན་ཡང་ནི་དེ་འདྲ་སྟེ། །སྐུ་གསུམ་གང་གིས་འཁོར་ལ་གང་སྟོན་པ། །གང་ལ་གང་གིས་འདུལ་བའི་དོན་རྣམས་ཀྱིས། །སངས་རྒྱས་ལྷ་མི་འཇིག་རྟེན་ལས་དག་ལ། །བསྟན་པས་འདུལ་ཕྱིར་ཕུན་སུམ་ཚོགས་ཞེས་བཤད། །མི་གནས་ཆོས་སྐུ་
D828.097.0017b06.01དབྱིངས་ན་བཞུགས་པ་ཡིས། །དུས་གསུམ་སངས་རྒྱས་ཁམས་གསུམ་སེམས་ཅན་ལ། །སྤྲོས་མེད་བྱང་ཆུབ་སེམས་ནི་ཆོས་སྐུས་བསྟན། །ཡེ་ཤེས་ལོངས་སྤྱོད་འོག་མིན་བཞུགས་པ་ཡིས། །ས་བཅུ་པ་ཡི་བྱང་ཆུབ་སེམས་དཔའ་ལ། །བྱང་ཆུབ་སེམས་
D828.097.0017b07.01