完整藏文原文 · 德格版页 当前仅加载第 97 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། །དམ་བཅས་མ་གྲུབ་བཤགས་པས་སེམས་མི་འདག །བསྲུང་མེད་ང་དང་ཡུན་དུ་ཐག་རིང་ཉམས། །ཀྱེ་རྡོ་རྗེ་གསང་བ་གསུམ་གྱི་དམ་ཚིག་ནི། །རྩ་བ་གསུམ་དང་ཡན་ལག་ལྔ་རྣམས་ཏེ། །རྩ་བ་གསུམ་ནི་སྐུ་གསུང་ཐུགས་འདུས་ཏེ། །
D828.097.0053a01.01སྐུ་ནི་ལྷ་ཡི་སྐུར་བསྒོམ་ལུས་ཀྱང་འཆིང་། །ངག་ནི་འཛབ་དང་ཏིང་འཛིན་ཞི་བ་མིན། །ཡིད་ཀྱི་ཏིང་འཛིན་འཕྲོ་འདུས་བཟུང་ནས་ནི། །རྩ་བ་མི་རྟོག་དམ་ཚིག་བདེ་དང་བྲལ། །ཡན་ལག་རྣམ་པ་ལྔ་ནི་འདི་ལྟ་སྟེ། །དང་པོར་ཤེས་པར་བྱ་བའི་དམ་ཚིག་ནི། །ཕུང་
D828.097.0053a02.01པོ་ལྔ་དང་འབྱུང་བ་རྣམ་པ་ལྔ། །རྣམ་ཤེས་དབང་པོ་ཡུལ་ལ་སོགས་པ་རྣམས། །ལྷ་དང་དཀྱིལ་འཁོར་རང་བཞིན་ཤེས་པར་བྱ། །ཤེས་བྱ་ཤེས་བྱེད་མེད་པ་དེས་མ་མཐོང་། །སྤྱད་པར་བྱ་བའི་དམ་ཚིག་རྣམ་ལྔ་ནི། །སྟ་ན་ག་ན་མ་བྱིན་བླངས་པ་དང་། །
D828.097.0053a03.01མི་ཚངས་སྤྱོད་དང་{བརྫུན་,རྫུན་}དུ་སྨྲ་བ་དང་། །རྣམ་པ་ལྔ་ནི་ཐབས་མཁས་སྤྱོད་བྱེད་པ། །མ་སྤྱད་ཉམས་མཐོང་རྟོག་དང་བཅས་ནས་སྤྱོད། །དེ་ཡང་མི་རྟོག་མཉམ་དང་བྲལ་བ་ཡིན། །དང་དུ་བླང་བའི་དམ་ཚིག་རྣམ་ལྔ་ནི། །དྲི་ཆེན་དྲི་ཚུ་ལ་སོགས་དམ་རྫས་ལྔས། །
D828.097.0053a04.01རྒྱལ་བའི་སྐུ་ལྔ་འདི་ལས་འགྲུབ་ཟེར་ནས། །དཔའ་བོ་འབྲུ་ལྔས་འཕྲོ་འདུ་བྱས་ནས་ནི། །རྒྱལ་བའི་སྐུ་ལྔ་དང་དུ་ལེན་བྱེད་པ། །དང་དུ་མ་བླངས་སྐུ་ལྔ་མི་གྲུབ་རྟོག །བླང་དོར་བྲལ་བའི་རྟོགས་འདས་དེ་མ་གྲུབ། །མི་སྤོང་བ་ཡི་དམ་རྫས་རྣམ་ལྔ་ནི། །འདོད་ཆགས་ཞེ་
D828.097.0053a05.01སྡང་ལ་སོགས་དུག་ལྔ་པོ། །གསང་བ་རྡོ་རྗེའི་དམ་ཚིག་ཆེན་པོ་རུ། །ཉོན་མོངས་ལྔ་བསྒྱུར་ཡེ་ཤེས་རྣམ་པ་ལྔར། །དུག་ལྔ་མི་སྤོང་ཡེ་ཤེས་རྣམ་ལྔར་ལེན། །བླང་དོར་མེད་པའི་བདེ་བ་དེས་མ་གྲུབ། །གྲུབ་པར་བྱ་བའི་དམ་ཚིག་རྣམ་ལྔ་ནི། །ཕུང་པོ་ལྔ་དང་འབྱུང་
D828.097.0053a06.01བ་ལྔ་རྣམས་དང་། །རྣམ་ཤེས་ཡུལ་རྣམས་དཀྱིལ་འཁོར་གྲུབ་བྱེད་པ། །ཏིང་འཛིན་གསུམ་དང་ཆོ་ག་ལྔ་རྫོགས་ནས། །རྒྱལ་བའི་རིགས་ལྔའི་དཀྱིལ་འཁོར་གྲུབ་བྱེད་པ། །ཏིང་འཛིན་ཆོ་ག་ལྔ་ཡིས་སེམས་རྩོལ་བྱེད། །མི་རྟོག་མ་བཙལ་ལྷུན་གྱིས་གྲུབ་དང་
D828.097.0053a07.01