完整藏文原文 · 德格版页 当前仅加载第 97 函德格 43a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར། །ཀུན་བྱེད་ང་དང་ཡུན་དུ་མ་ཕྲད་ན། །ཁམས་གསུམ་རྒྱུད་དྲུག་གནས་པའི་སེམས་ཅན་གྱིས། །རང་གི་རང་བཞིན་རང་གིས་ངོ་མི་ཤེས། །ས་བཅུ་གནས་པའི་བྱང་ཆུབ་སེམས་དཔའ་ཡིས། །གྲངས་མེད་པ་ཡི་བསྐལ་
D828.097.0043a01.01པ་གསུམ་བགྲངས་ཀྱང་། །ཀུན་བྱེད་ང་དང་ཕྲད་པར་ཡང་མི་འགྱུར། །དེས་ཀྱང་རང་གི་རང་བཞིན་ཤེས་མི་འགྱུར། །ལུས་ལ་དབང་སྒྱུར་རིག་འཛིན་གསུམ་གྱིས་ཀྱང་། །ལུས་ཀྱིས་སངས་རྒྱས་ལོངས་སྤྱོད་སྐུ་བཟུང་ནས། །ཡིད་ཀྱི་དབང་པོ་རང་སེམས་
D828.097.0043a02.01མཐོང་མེད་ལྟ། །དེས་ཀྱང་ཀུན་བྱེད་རྒྱལ་པོ་ང་དང་ནི། །རང་གི་རང་བཞིན་གཉིས་མེད་དེ་མི་མཐོང་། །མ་མཐོང་བར་དུ་ཚི་ཆད་ནད་ཀྱིས་ཟིན། །དེ་བས་ང་ཡི་རང་བཞིན་ལུང་སྟོན་ཅིག །ཅེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་
D828.097.0043a03.01ལས་སྐུ་གསུང་ཐུགས་སུ་འདུས་པའི་ལེའུ་སྟེ་སུམ་ཅུ་རྩ་དྲུག་པའོ།། །།དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་རྫོགས་པ་ཆེན་པོའི་ཆོས་ཉིད་བསྒོམ་དུ་མེད་པ་འདི་བསྟན་ཏོ། །ཀྱེ་སེམས་དཔའ་ཆེན་པོ་རྡོ་རྗེ་ལ་སོགས་ཏེ། །རིག་འཛིན་གྱི་ནི་ས་
D828.097.0043a04.01ལ་གནས་པ་དང་། །ས་ལ་གནས་པའི་བྱང་ཆུབ་སེམས་དཔའ་དང་། །ཁམས་གསུམ་སེམས་ཅན་དུས་ལ་བབ་པ་ཡི། །ཀུན་གྱི་དོན་ཆེན་ཀུན་བྱེད་ང་ཡིན་གྱིས། །ང་ཡི་རང་བཞིན་ཆོས་ཉིད་བྱང་ཆུབ་སེམས། །ཆོས་ཉིད་སེམས་ལ་བསྒོམ་མེད་རྟོགས་
D828.097.0043a05.01པར་གྱིས། །རྒྱུ་འབྲས་སྟོན་པའི་སྐུ་གསུམ་སྟོན་པས་ནི། །ང་ཡི་རང་བཞིན་ཆོས་ཉིད་བསྒོམ་མེད་ལ། །འཇིག་རྟེན་རྒྱུ་འབྲས་ཆོས་དང་དོན་མཐུན་པར། །རྒྱུ་ལས་འབྲས་བུ་འབྱུང་བར་ལུང་བསྟན་ནས། །བསྒོམ་པའི་ལུང་ནི་འདི་ལྟར་སོ་སོར་བསྟན། །
D828.097.0043a06.01ཆོས་ཉིད་བྱང་ཆུབ་སེམས་གཅིག་ངོ་བོ་ལ། །སྡུག་བསྔལ་ཀུན་འབྱུང་བདེན་པ་རྣམ་པ་བཞིས། །སྡུག་བསྔལ་ཀུན་འབྱུང་ངན་སོང་རྒྱུ་ཟེར་ནས། །ཆོས་ཉིད་བྱང་ཆུབ་སེམས་དེ་སྤོང་བར་བྱེད། །དེ་ཡིས་ཆོས་ཉིད་མི་མཐོང་སྤངས་པ་ཡིན། །ཆོས་ཉིད་
D828.097.0043a07.01