完整藏文原文 · 德格版页 当前仅加载第 97 函德格 8a 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ལ་བདེན་པ་གཉིས་བྱུང་ནས། །ཀུན་བྱེད་ང་ཡིས་བྱས་པའི་ཆོས་ཉིད་ལ། །དོན་དམ་ཀུན་རྫོབ་བདེན་པ་གཉིས་བྱུང་བས། །བདེན་པ་གཉིས་ཀྱི་རྒྱུ་འབྲས་ཡོང་མི་མངའ། །རྒྱུ་འབྲས་འདས་པའི་འབྲས་བུད་ལ་མེད། །མེད་པར་
D828.097.0008a01.01ཚོལ་བ་དག་པའི་ཏིང་འཛིན་དང་། །མི་འབྱུང་ཆོ་འཕྲུལ་ཡན་ལག་བསྒོམ་མངའ་བས། །བླང་དོར་མེད་པའི་འབྲས་བུ་ཐོབ་པ་མེད། །དོན་གཅིག་ཏིང་འཛིན་རྣམ་གསུམ་སྒོམ་བྱེད་པས། །བསྙེན་སྒྲུབ་རྣམ་བཞི་རིམ་པར་སྒོམ་བྱེད་པས། །རྩོལ་སྒྲུབ་
D828.097.0008a02.01འདས་པའི་འབྲས་བུ་དེ་ལ་མེད། །ལྷུན་གྱིས་གྲུབ་པས་བྱ་བྱེད་ཀུན་དང་བྲལ། །སྐྱེ་མེད་མཚོན་མེད་གདགས་མེད་དེ་བརྗོད་པས། །སྒྲོས་སྐུར་བྲལ་བའི་བརྗོད་མེད་དེ་རིག་བྱེད། །ཆོས་ཀུན་བྱང་ཆུབ་སེམས་ཡིན་དེ་དཔེ་ནི། །ཀུན་དཔེ་ནམ་མཁའ་ལྟ་བུའི་རང་
D828.097.0008a03.01བཞིན་དུ། །བྱང་ཆུབ་སེམས་ཀྱི་དོན་ཡང་དེ་བཞིན་ནོ། །ནམ་མཁའ་རླུང་ཆུ་ས་མེ་སྣང་བ་ལྔ། །བྱང་ཆུབ་སེམས་ལས་རྨད་བྱུང་མངོན་སངས་རྒྱས། །སྲིད་གསུམ་ལམ་ལྔ་འགྲོ་དྲུག་སྣང་བ་ཡང་། །རྣམ་སྨིན་ལས་ཀྱིས་མི་བསྐྱོད་མངོན་སངས་རྒྱས། །
D828.097.0008a04.01ཁམས་གསུམ་ཡེ་ནས་བྱང་ཆུབ་སྐུ་གསུང་ཐུགས། །དེ་བས་སྣང་སྲིད་སྣོད་བཅུད་ཐམས་ཅད་ཀུན། །ནམ་མཁའི་ངང་ན་མི་གནས་མེད་པ་བཞིན། །བྱང་ཆུབ་སེམས་ཀྱི་ཀློང་ཆེན་ཡུལ་ཆེ་བས། །སངས་རྒྱས་སེམས་ཅན་སྣོད་བཅུད་ཀུན་ཀྱང་གནས། །
D828.097.0008a05.01ཐམས་ཅད་རྣམ་པར་དག་པའི་ཆོས་ཉིད་ལ། །གཉིས་སུ་མེད་དེ་སྒྲོ་སྐུར་ཀུན་དང་བྲལ། །གང་གིས་མེད་པའི་སྙིང་པོ་སེམས་མ་མཐོང་། །བསྐལ་པ་དུ་མར་དོན་དང་ཕྲད་མི་འགྱུར། །ཆོས་ཀུན་རྩ་བ་བྱང་ཆུབ་སེམས་སུ་གཅིག །སངས་རྒྱས་སེམས་ཅན་
D828.097.0008a06.01སྣང་སྲིད་སྣོད་བཅུད་ཀུན། །ཐམས་ཅད་འབྱུང་བའི་བྱང་ཆུབ་སྙིང་པོ་ལ། །གཅིག་ཏུ་མེད་ལས་བགྲངས་ན་བརྗོད་མི་ལང་། །སངས་རྒྱས་སྐུ་གསུང་སེམས་ཅན་ལུས་ངག་ཀྱང་། །བྱང་ཆུབ་སེམས་ཡིན་ཡེ་ནས་གཟུང་འཛིན་བྲལ། །གཟུང་འཛིན་བྲལ་བ་
D828.097.0008a07.01