完整藏文原文 · 德格版页 当前仅加载第 97 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
བཟང་། །རྡོ་རྗེ་སེམས་ལ་སོགས་པ་ཡི། །དུས་གསུམ་སངས་རྒྱས་མ་ལུས་པའི། །སྙིང་པོ་རྟགས་ནི་སེམས་སུ་འདུས། །དེས་ན་དཔེ་དོན་གསུམ་དུ་འདུས། །ཀྱེ་ཀུན་བྱེད་རྒྱལ་པོ་ང་ལ་ནི། །སྤྱི་འདུས་སྒོ་འདུས་དགོངས་པ་འདུས། །སྤྱི་
D828.097.0041a01.01འདུས་དཔེ་དོན་རྟོགས་འདུས་ལ། །སྒོ་འདུས་རྣམ་པ་ལྔ་འདུས་ཏེ། །ཆོས་སྐུ་དགོངས་པ་འདུས་པ་ནི། །མི་རྟོག་མཉམ་པ་ཉིད་འདུས་ལ། །མི་གཡོ་ཆོ་འཕྲུལ་འབྱིན་པར་ནུས། །ལོངས་སྤྱོད་སྐུ་ཡི་དགོངས་འདུས་པ། །མངོན་སུམ་རང་བཞིན་སྣང་བ་དང་། །
D828.097.0041a02.01འདོད་པ་ཚོགས་པས་འབྱིན་པར་འདུས། །ཀུན་བཟང་དགོངས་པ་འདུས་པ་ནི། །ཇི་ལྟར་སྣང་བ་ཐམས་ཅད་ཀུན། །བཟང་ངན་བླང་དོར་མེད་པ་རུ། །ཀུན་བྱེད་མངོན་དུ་ཕྱུང་བར་འདུས། །རྡོ་རྗེ་སེམས་དགོངས་འདུས་པ་ནི། །མི་སྐྱེ་མི་འགག་དགོངས་པ་
D828.097.0041a03.01འདུས། །རབས་བདུན་ཤཱཀྱ་ཐུབ་པ་དང་། །སྟོང་རྩ་གཉིས་དང་རྡུལ་སྙེད་དང་། །སྐུ་གསུང་ཐུགས་ཀྱིས་དོན་མཛད་པའི། །བྱུང་ཡང་སྐུ་གསུང་ཐུགས་ལས་བྱུང་། །སྐུ་གསུང་ཐུགས་ཀྱི་ཆོས་ཉིད་ལ། །སྐུ་གསུང་ཐུགས་ཀྱིས་དོན་མཛད་ཚུལ། །དེ་
D828.097.0041a04.01ཡང་ཀུན་བྱེད་ཉིད་དུ་འདུས། །ཆོས་ཀྱི་དབྱིངས་ཀྱི་ཕོ་བྲང་ན། །ང་རུ་མ་འདུས་གཅིག་ཀྱང་མེད། །ནམ་མཁའི་ཁམས་ཀྱི་གཞལ་ཡས་ན། །ང་རུ་མ་འདུས་གཅིག་ཀྱང་མེད། །ཅེས་གསུངས་པས་དེར་སེམས་དཔའ་རྡོ་རྗེ་སྔངས་ཏེ་བརྒྱལ་ལོ། །དེར་
D828.097.0041a05.01བརྒྱལ་བ་སངས་ནས་ཞུས་པ། ཀྱེ་འདུས་པའི་རྒྱལ་པོ་དེ་ཉོན་ཅིག །བྱས་པའི་ཆོས་དང་ཀུན་འདུས་ན། །མ་བྱས་པ་ཡང་ཀུན་འདུས་སམ། །མ་བྱུང་བ་ཡང་ཀུན་འདུས་སམ། །ཆོས་ཀྱི་དབྱིངས་དང་ནམ་མཁའི་ཁམས། །མུ་སྟེགས་ཕྱིན་ཅི་
D828.097.0041a06.01ལོག་ལྟ་བ། །རྟག་ཆད་གཉིས་སུ་ལྟ་བ་ཡང་། །ཁྱོད་ཀྱིས་མ་ནོར་དགོངས་ཡིན་ན། །སངས་རྒྱས་སེམས་ཅན་ཅི་ལ་གདགས། །མུ་སྟེགས་སངས་རྒྱས་ཅི་ལ་རྒྱ། །ཅེས་གསུངས་སོ། །དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་ཐམས་ཅད་
D828.097.0041a07.01