完整藏文原文 · 德格版页 当前仅加载第 97 函德格 46b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་བ་དང་། །བྱེད་པའི་སྙིང་པོ་ཡིན་པའི་ཕྱིར། །རྒྱལ་བའི་སྙིང་པོ་ཞེས་སུ་བཤད། །ཅེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་རྒྱལ་བའི་སྙིང་པོའི་ལེའུ་སྟེ་སུམ་ཅུ་རྩ་དགུ་པའོ།། །།དེ་ནས་བྱང་ཆུབ་ཀྱི་སེམས་ཀུན་བྱེད་
D828.097.0046b01.01རྒྱལ་པོ་དེས་བྱང་ཆུབ་ཀྱི་སེམས་ཉིད་ཀྱི་རང་བཞིན་བསྟན་པ་འདི་གསུངས་སོ། །ཀྱེ་སེམས་དཔའ་ཆེན་པོ་ཉོན་ཅིག །བདག་གི་བསྟན་པ་འདི་བཀོད་པས། །དུས་གསུམ་སངས་རྒྱས་ཐམས་ཅད་དང་། །རིག་འཛིན་བྱང་ཆུབ་སེམས་དཔའ་དང་། །ཁམས་
D828.097.0046b02.01གསུམ་སེམས་ཅན་ཐམས་ཅད་ཀུན། །རྩོལ་དང་སྒྲུབ་པ་མ་བྱས་པར། །ཡེ་ནས་སངས་རྒྱས་ལུང་བསྟན་པས། །འཁོར་གྱི་སྟོན་པ་རྣམ་གསུམ་གྱི། །རྩོལ་སྒྲུབ་བྱེད་པའི་བརྟན་པ་གསུམ། །གོལ་ས་སྒྲིབ་པས་ཞིག་པར་འགྱུར། །ཞེས་
D828.097.0046b03.01གསུངས་སོ། །དེ་ནས་སེམས་དཔའ་རྡོ་རྗེས་སླར་ཞུས་པ། ཀྱེ་སྟོན་པ་ཀུན་བྱེད་རྒྱལ་པོ་ལགས། །ཁྱོད་ཀྱི་བསྟན་པ་བྱང་ཆུབ་སེམས། །བྱང་ཆུབ་སེམས་འདི་སངས་རྒྱས་ན། །ཁམས་གསུམ་སེམས་ཅན་སངས་རྒྱས་སམ། །ཁམས་གསུམ་
D828.097.0046b04.01སེམས་ཅན་སངས་རྒྱས་ན། །ཁམས་གསུམ་གནས་སུ་ཅི་སྟེ་འཁོར། །ཞེས་ཞུས་སོ། །དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་སླར་གསུངས་པ། ཀྱེ་སེམས་དཔའ་ཆེན་པོ་འདི་ཉོན་ཅིག །བྱང་ཆུབ་སེམས་ལས་བྱུང་བ་ཡི། །ཇི་ལྟར་
D828.097.0046b05.01སྣང་བའི་ཆོས་རྣམས་ཀུན། །ཆོས་ཉིད་མངོན་དུ་བྱུང་བ་སྟེ། །དེ་བཞིན་ཉིད་དུ་གཅིག་པ་ཡི། །ཆོས་ཉིད་ཡུལ་ནི་ལྔ་སྣང་ལ། །འདོད་མི་འདོད་ནི་ལྔ་ལྔ་ལས། །ཉོན་མོངས་སྡུག་བསྔལ་སྐྱེ་ཟེར་ནས། །ཆོས་ཉིད་ཡུལ་ལྔ་སྤོང་བྱེད་པ། །རང་
D828.097.0046b06.01འབྱུང་ཡེ་ཤེས་སྣང་བ་དེ། །བསྐལ་པ་གསུམ་དུ་མི་སྤོང་བས། །ཁམས་གསུམ་གནས་སུ་འཁོར་བ་ཡིན། །དེ་བཞིན་ཉིད་དུ་གཅིག་པ་ཡི། །ཆོས་ཉིད་ཡུལ་ནི་ལྔ་སྣང་ལ། །འདོད་དང་མི་འདོད་ལྔ་སྣང་ལ། །འཁོར་བའི་རྒྱུ་ནི་ཡིན་ཟེར་
D828.097.0046b07.01