完整藏文原文 · 德格版页 当前仅加载第 97 函德格 48b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་རྣམས། །རང་འབྱུང་སེམས་ཉིད་འདི་ལ་ནི། །སྔ་བར་འཆོས་པར་ལུང་མ་བསྟན། །ད་ལྟར་ཏིང་འཛིན་སེམས་མི་འཆོས། །མ་བཅོས་ལམ་དུ་ཞུགས་ནས་བྱོན། །ཇི་ལྟར་སྣང་བའི་ཆོས་རྣམས་ལ། །བྱང་ཆུབ་སེམས་སུ་མ་རྟོགས་ཏེ། །བཅོས་
D828.097.0048b01.01ཤིང་བསྒྲུབས་པས་འགྲུབ་མི་འགྱུར། །མ་རྟོགས་བཅོས་པས་གྲུབ་པར་བྱེད། །བསྐལ་པ་དུ་མའི་གྲངས་པ་གྲངས་ཀྱང་། །མི་རྩོལ་བདེ་བ་ཕྲད་མི་འགྱུར། །ཀྱེ་སྐུ་གསུམ་སེམས་ལས་མ་བཅོས་ཕྱིར། །སྐུ་གསུམ་སྟོན་པའི་མདོ་ལུང་ལས། །འཆོས་པར་
D828.097.0048b02.01བྱེད་པའི་དོན་འབྱུང་བ། །དེ་ནི་སྟོན་པ་སྐུ་གསུམ་ཡང་། །ཉིད་ཀྱི་སྟོན་པ་རང་བཞིན་སྟོན་པ་མིན། །དེ་བཞིན་འཆོས་པར་བྱེད་པ་ཡི། །སྟོན་པས་བདེན་ཚུལ་ཇི་བསྟན་ཡང་། །ངེས་ལུང་མ་ཡིན་དྲང་ལུང་ཡིན། །ཞེས་གསུངས་སོ། །བྱང་ཆུབ་ཀྱི་སེམས་
D828.097.0048b03.01ཀུན་བྱེད་རྒྱལ་པོ་ལས་བཅོས་སུ་མེད་པའི་ལེའུ་སྟེ་ཞེ་གཉིས་པའོ།། །།དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཆོས་ཐམས་ཅད་ཀྱི་སྟོན་པ་ཉིད་ཡིན་པར་ཞལ་གྱིས་བཞེས་པ་འདི་གསུངས་སོ། །ཀྱེ་སེམས་དཔའ་ཆེན་པོ་ཉོན་ཅིག །ང་ནི་
D828.097.0048b04.01ཆོས་རྣམས་ཀུན་གྱི་སྟོན་པ་སྟེ། །ང་ཡི་རང་བཞིན་རྣམ་པ་གསུམ་ལས་ནི། །སྟོན་པ་ཡང་ནི་རྣམ་པ་གསུམ་དུ་བསྟན། །བསྟན་པ་ཡང་ནི་རྣམ་གསུམ་ང་ཡིས་བསྟན། །དེ་འཛིན་འཁོར་ཚོགས་གསུམ་ཡང་ང་ཡིས་བསྟན། །སྟོན་པ་གསུམ་ཡང་གང་དང་གང་
D828.097.0048b05.01ཞེ་ན། །ཆོས་ཀྱི་རང་བཞིན་སྟོན་པའི་སྟོན་པ་དང་། །ཆོས་ཀྱི་ངོ་བོ་སྟོན་པའི་སྟོན་པ་དང་། །དོན་གྱི་སྒྲ་ཚིག་སྟོན་པའི་སྟོན་པའོ། །ཆོས་ཀྱི་རང་བཞིན་སྟོན་པའི་སྟོན་པ་ནི། །སྐྱེ་བ་མེད་ལས་བྱིན་གྱིས་བརླབས་ཕྱུང་སྟེ། །ཇི་ལྟར་སྣང་བའི་ཆོས་རྣམས་ཐམས་
D828.097.0048b06.01ཅད་ཀུན། །ཆོས་ཀྱི་དེ་བཞིན་ཉིད་དུ་སྟོན་པར་བྱེད། །ཆོས་ཀྱི་ངོ་བོ་སྟོན་པའི་སྟོན་པ་ནི། །ཇི་ལྟར་སྣང་བའི་ཆོས་རྣམས་ཐམས་ཅད་ཀུན། །སྟོན་པ་ཉིད་ཀྱི་སྐུ་རུ་ཕྱུང་ནས་ནི། །ཆོས་ཀྱི་ངོ་བོར་དེ་ལས་མེད་པར་སྟོན། །ཆོས་ཀྱི་སྒྲ་ཚིག་སྟོན་པའི་སྟོན་པས་ནི། །
D828.097.0048b07.01