完整藏文原文 · 德格版页 当前仅加载第 97 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག །ཀུན་བྱེད་རྒྱལ་པོ་ང་ཡིས་ནི། །མངོན་དུ་ཕྱུང་བ་གསུམ་བསྟན་ཏེ། །ང་ཡི་རང་བཞིན་རྣམ་གསུམ་ངས་བསྟན་པ། །དོན་རྣམས་སྟོན་པའི་སྟོན་པ་དང་། །དོན་རིག་འདོད་པའི་འཁོར་རྣམས་དང་། །མ་ནོར་ངེས་པའི་དོན་དང་གསུམ། །ཀུན་བྱེད་ང་
D828.097.0022b01.01ཡིས་མངོན་དུ་ཕྱུང་། །དོན་སྟོན་མངོན་དུ་ཕྱུང་བ་ནི། །ཆོས་ཀྱི་སྐུ་དང་ལོངས་སྤྱོད་རྫོགས། །སྤྲུལ་པའི་སྐུ་དང་རྣམ་པ་གསུམ། །འཁོར་གྱི་དང་པོ་སྟོན་པ་སྐུ་གསུམ་སྟེ། །དོན་སྟོན་པ་ཡི་སྟོན་པ་དེ། །གཟུང་འཛིན་བྲལ་བའི་རང་བཞིན་དང་། །ང་ཡི་ངོ་བོ་སྟོན་
D828.097.0022b02.01པ་དང་། །ཐུགས་རྗེའི་རང་བཞིན་དོན་མཛད་གསུམ། །རང་བཞིན་གསུམ་ལས་མངོན་དུ་ཕྱུང་། །སྟོན་པ་གསུམ་ཡང་མངོན་ཕྱུང་བའོ། །དོན་རིག་འདོད་པ་མངོན་ཕྱུང་བ། །སྟོན་པ་གསུམ་གྱི་འཁོར་གསུམ་སྟེ། །ང་བསྟན་པ་ཡི་བྱེ་བྲག་ནི། །དུས་གསུམ་
D828.097.0022b03.01བཞུགས་པའི་སངས་རྒྱས་དང་། །ཁམས་གསུམ་གནས་པའི་སེམས་ཅན་ཀུན། །མི་རྟོག་མཉམ་ཉིད་གནས་པ་དེ། །ཀུན་བྱེད་ང་ཡིས་མངོན་ཕྱུང་འཁོར། །དབང་པོ་ཡུལ་གྱི་རྣམ་པ་ལ། །ཉོན་མོངས་མི་སྐྱེ་རྣམ་མི་རྟོག །རང་གི་བྱང་ཆུབ་སེམས་ཉིད་
D828.097.0022b04.01ལ། །ཆོས་དང་ཆོས་ཉིད་རྟོག་བྱེད་པ། །དང་པོ་ས་ནས་བཅུ་པར་བསྒྲིབས། །ས་བཅུ་བྱང་ཆུབ་སེམས་དཔའ་དང་། །ལོངས་སྤྱོད་འདོད་ཡོན་རྣམ་པ་ལྔར། །མཐོང་བའི་སྟོན་འཁོར་རྣམ་གཉིས་ཀྱང་། །ང་ཡི་ངོ་བོར་མངོན་ཕྱུང་ཡིན། །དེ་བཞིན་ཉིད་
D828.097.0022b05.01ཀྱི་རང་བཞིན་ལ། །རིག་པ་ཡིད་ཀྱི་དབང་པོ་དེས། །བརྟགས་པས་མཐོང་བའི་ཤེས་པ་དེ། །ལ་ལས་རྟག་པ་ཉིད་དུ་མཐོང་། །ལ་ལས་སྟོང་པ་ཆད་པར་མཐོང་། །རྒྱུ་འབྲས་ལོག་པར་མཐོང་བ་ཡི། །མུ་སྟེགས་རྣམ་བཞིས་བྱིན་བརླབས་ནས། །རྒྱུ་དང་
D828.097.0022b06.01འབྲས་བུ་ལུང་བསྟན་པའི། །སྡིག་སྤོང་སེམས་དགེ་རྣམ་བཞི་ནི། །བསྐལ་པ་ཆེན་པོ་གསུམ་བར་དུ། །གནས་པའི་འཁོར་དང་སྟོན་པ་ཡང་། །ང་ཡིས་མངོན་དུ་ཕྱུང་བ་ཡིན། །ཡེ་ཤེས་རིག་པའི་ཡུལ་ཅན་ལ། །ཡང་དག་ངེས་པར་མངོན་དུ་ཕྱུང་། །
D828.097.0022b07.01