完整藏文原文 · 德格版页 当前仅加载第 97 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
ངེས་པར་མིང་དུ་བཏགས་པ་མེད། །སེམས་ཞེས་བྱ་བའི་ངེས་ཚིག་བསྟན་པ་ནི། །རྒྱུ་རྐྱེན་མེད་པའི་རང་འབྱུང་ཡེ་ཤེས་དེས། །མ་འགགས་ཀུན་ལ་དབང་པོ་སྒོ་ལྔར་གསལ། །དེ་ལ་སེམས་ཞེས་བྱ་བར་གསལ་བར་བཤད། །སྣང་སྲིད་སྣོད་
D828.097.0063a01.01བཅུད་བསྡུས་པ་ཐམས་ཅད་ཀུན། །སྐྱེ་བ་མེད་ལས་ཆོ་འཕྲུལ་སྣང་བ་དེ། །སྣ་ཚོགས་སྲིད་པས་སྣང་སྲིད་ཅེས་སུ་བཏགས། །སྣོད་དང་བཅུད་ཅེས་བྱ་བར་བསྟན་པ་ནི། །འབྱུང་ལྔ་སྣོད་ཀྱི་ནང་ན་རྒྱུད་དྲུག་བཅུད། །གནས་པས་སྣོད་བཅུད་ཅེས་སུ་བཏགས་
D828.097.0063a02.01པ་ཡིན། །ཀུན་བྱེད་བྱ་བ་ལྷག་མ་མ་ལུས་པ། །བསྡུས་པས་ཀུན་བྱེད་རྒྱལ་པོའི་རང་བཞིན་ལྔར། །མདོ་ལུང་ལྔ་བཅུ་རྩ་བདུན་བྱུང་ནས་བསྡུས། །ཀུན་བྱེད་རང་བཞིན་ལྔ་རུ་འདུས་པར་བསྟན། །སྙིང་པོ་མངོན་དུ་འབྱིན་པའི་རང་བཞིན་དང་། །མ་ནོར་ངེས་
D828.097.0063a03.01པར་སྟོན་པའི་རང་བཞིན་དང་། །རང་འབྱུང་རྒྱུ་འབྲས་འདས་པའི་རང་བཞིན་དང་། །བྱ་བྱེད་རྩོལ་སྒྲུབ་འདས་པའི་རང་བཞིན་དང་། །མཐུན་པར་གཏན་ལ་འབེབས་པའི་རང་བཞིན་དང་ལྔའོ་ཞེས་གསུངས་སོ། །ཀྱེ་སྟོན་པ་ཀུན་བྱེད་རྒྱལ་པོ་ལགས། །སེམས་དཔའ་
D828.097.0063a04.01རྡོ་རྗེ་བདག་གི་རིག་པ་ཡིས། །ཀུན་བྱེད་རང་འབྱུང་ཡེ་ཤེས་གཅིག་ངོ་ལ། །དགོས་པ་ཕུན་སུམ་ཚོགས་པ་ལྔ་བྱུང་སྟེ། །རང་འབྱུང་ཡེ་ཤེས་ཆོས་ཀྱི་སྙིང་པོ་ལས། །སྣང་ཞིང་སྲིད་པའི་ཆོས་རྣམས་ཐམས་ཅད་ཀུན། །མི་སྣང་བ་ལ་མངོན་དུ་འབྱིན་ནུས་པས། །ཆོས་
D828.097.0063a05.01ཀྱི་སྙིང་པོ་ཡིན་པར་ཡིད་ཀྱང་ཆེས། །རང་འབྱུང་ཡེ་ཤེས་གཅིག་གི་ངོ་བོ་དེ། །དོན་དམ་ཀུན་རྫོབ་བདེན་{བརྫུན་,རྫུན་}གཉིས་མེད་པར། །མ་ནོར་ངེས་པའི་བྱང་ཆུབ་སེམས་སྟོན་པས། །ཐེ་ཚོམ་སོམ་ཉི་མེད་པར་ཡིད་ཀྱང་ཆེས། །རང་འབྱུང་ཡེ་ཤེས་གཅིག་གི་ངོ་བོ་
D828.097.0063a06.01དེ། །རྒྱུ་ལ་མི་བརྟེན་རྐྱེན་ལ་མི་སྒྲུབ་པས། །གཞན་ལ་རག་མ་ལས་པའི་རང་བཞིན་གྱིས། །རང་འབྱུང་ཡེ་ཤེས་ཡིན་པར་ཡིད་ཀྱང་ཆེས། །རང་འབྱུང་ཡེ་ཤེས་གཅིག་གི་ངོ་བོ་དེ། །རྒྱུ་རྐྱེན་མེད་པར་ལྷུན་གྱིས་གྲུབ་པའི་ཕྱིར། །ཕྲིན་ལས་བཙལ་ཞིང་བྱ་
D828.097.0063a07.01