完整藏文原文 · 德格版页 当前仅加载第 97 函德格 34b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་སེམས་དཔའ་གྲོགས་མཉམ་དེས། །བདག་འདོད་པ་ཡི་དངོས་གྲུབ་སྟེར་རེ་བ། །རང་འབྱུང་ཆོས་ཉིད་དེ་ལ་འདོད་ལེན་མེད། །རང་སེམས་བྱ་མེད་མི་ཚེ་གསུམ་མི་ཕྲད། །ཀུན་བྱེད་ང་ཡིས་ལུང་བསྟན་མ་ཡིན་ནོ། །ཀྱེ་སེམས་དཔའ་ཆེན་
D828.097.0034b01.01པོ་ཉོན་ཅིག །ངང་ལས་བྱུང་བའི་ཆོས་ཉིད་ལྷར་བྱས་ནས། །ཕྱག་རྒྱ་བཞི་དང་སྙིང་པོ་འཕྲོ་འདུ་ཡིས། །མི་འགྱུར་བ་ཡི་ཆོས་ཉིད་རྒྱུར་སྒྲུབ་བྱེད། །སེམས་ཀྱི་ཏིང་འཛིན་དབང་གིས་ཐོབ་སེམས་པ། །དེས་ཀྱང་ཐོབ་པར་ང་ཡིས་ལུང་མ་བསྟན། །
D828.097.0034b02.01ཀྱེ་སེམས་དཔའ་ཆེན་པོ་ཉོན་ཅིག །གཞི་མ་དབྱིངས་ལ་འགྱུར་བ་མེད་པའི་ཕྱིར། །དབྱིངས་དེ་འགྱུར་བར་ང་ཡིས་ལུང་མ་བསྟན། །དབྱིངས་ལ་དབང་སྒྱུར་བྱེད་པའི་སྐུ་གསུམ་གྱིས། །རང་འཁོར་ཞི་གནས་ཚོལ་བའི་ཏིང་འཛིན་བསྟན། །དེས་ན་
D828.097.0034b03.01འདྲེན་པའི་ལུང་དུ་བསྟན་པ་ཡིན། །དེ་བཞིན་ནམ་མཁའ་འགྱུར་བ་མེད་པ་དེ། །རང་ཉིད་ནམ་མཁའ་ནམ་མཁའ་འགྲུབ་མི་འགྱུར། །དེ་བཞིན་ཆོས་ཉིད་འགྱུར་བ་མེད་པ་དེ། །རང་ཉིད་ཆོས་ཀྱིས་ཆོས་ཉིད་འགྲུབ་མི་འགྱུར། །དེ་བཞིན་སེམས་
D828.097.0034b04.01ཉིད་འགྱུར་བ་མེད་པ་དེ། །སེམས་ཉིད་རང་གིས་སེམས་ཉིད་འགྲུབ་མི་འགྱུར། །མི་འགྱུར་སྒྱུར་བར་བྱེད་པའི་ཏིང་འཛིན་ནི། །དུས་དང་སྨོན་ལམ་རེ་བ་འཇོག་པ་ཡི། །དུས་ལ་ལྟོས་པས་ཏིང་འཛིན་ཚེ་ཆད་འགྱུར། །ཀུན་བྱེད་ང་ཡིས་ངེས་ལུང་བསྟན་
D828.097.0034b05.01པ་མེད། །ཅེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་བྱ་མེད་རྫོགས་པ་འགྱུར་མེད་བཙལ་མི་རྙེད་པའི་ལེའུ་སྟེ་རྩ་བརྒྱད་པའོ།། །།དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་སེམས་རྣལ་དུ་བཞག་པ་འདི་གསུངས་སོ། །ཀྱེ་
D828.097.0034b06.01སེམས་དཔའ་ཆེན་པོ་ཉོན་ཅིག །ང་ནི་ཀུན་བྱེད་བྱང་ཆུབ་སེམས། །ཆོས་རྣམས་ཐམས་ཅད་ང་ཡིན་ཏེ། །ང་ཡི་རང་བཞིན་ཐམས་ཅད་ནི། །ཡེ་ནས་རྣལ་དུ་བཞག་པ་ཡིན། །ང་ཡི་རང་བཞིན་བསྟན་པ་ནི། །རྣམ་པ་ལྔ་རུ་ཤེས་པར་བྱ། །སྟོན་པ་
D828.097.0034b07.01