完整藏文原文 · 德格版页 当前仅加载第 97 函德格 19a 版页；藏文 NFD、目录标记与异常页序保留在来源切片中，重复版页行以稳定序号区分。
རང་བཞིན་ཡིན་པར་བཤད། །ཀུན་བྱེད་ང་ཡི་རང་བཞིན་རྣམ་ལྔ་ནི། །ང་ཡི་ངོ་བོ་རྣམ་ལྔ་ཕྱུང་བ་སྟེ། །ནམ་མཁའ་རླུང་ཆུ་ས་མེ་སྣང་བ་ལྔ། །ཀུན་བྱེད་ང་ཡི་རང་བཞིན་བསྟན་པ་ཡིན། །ཀུན་བྱེད་ང་ཡི་ཐུགས་རྗེས་མངོན་བྱུང་ནས། །རང་
D828.097.0019a01.01འབྱུང་ཡེ་ཤེས་རྣམ་ལྔ་བསྟན་པ་ནི། །འགྲོ་བ་རིགས་དྲུག་སེམས་ཅན་སྣང་བ་ཡང་། །ཀུན་བྱེད་ང་ཡི་རང་བཞིན་བསྟན་པ་ཡིན། །ཀུན་བྱེད་རྒྱལ་པོ་ང་ཡི་རང་བཞིན་ལས། །སྣང་སྲིད་སྣོད་བཅུད་བསྡུས་པ་ཐམས་ཅད་ཀུན། །ཐམས་ཅད་ངས་བྱས་ང་ལས་བྱུང་
D828.097.0019a02.01བའི་ཕྱིར། །ངར་མ་འདུས་པའི་ཆོས་ནི་གཅིག་ཀྱང་མེད། །ང་ལས་བྱུང་བའི་སྟོན་པ་སྐུ་གསུམ་ཡང་། །ཀུན་བྱེད་ང་ཡི་རང་བཞིན་རྣམ་གསུམ་སྟོན། །སྔ་པ་ད་ལྟ་ཕྱི་པ་དུས་གསུམ་གྱི། །རྣམ་གསུམ་གཅིག་ཏུ་གནས་པའི་སངས་རྒྱས་ཀྱང་། །སྔ་ཕྱི་
D828.097.0019a03.01མེད་པར་ཀུན་བྱེད་རང་བཞིན་གནས། །གཟུང་འཛིན་བྲལ་བའི་བྱང་ཆུབ་སེམས་དཔའ་ཡང་། །ཀུན་བྱེད་ང་ཡི་རང་བཞིན་སེམས་དཔར་བྱེད། །རྣལ་འབྱོར་རྣམ་བཞི་རྣལ་མར་འཇོག་པ་ཡང་། །ཀུན་བྱེད་ང་ལ་རྣལ་དུ་འཇོག་པར་བྱེད། །ཀུན་བྱེད་རྒྱལ་པོས་
D828.097.0019a04.01ཐམས་ཅད་བྱས་པ་བཞིན། །ཐམས་ཅད་ཀུན་བྱེད་རྒྱལ་པོ་ཉིད་དུ་འདུས། །ཞེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ཆོས་ཐམས་ཅད་ཀྱི་རྩ་བ་བྱང་ཆུབ་ཀྱི་སེམས་ཀུན་བྱེད་རྒྱལ་པོ་ཉིད་ཁོ་ནར་འདུས་པའི་ལེའུ་སྟེ་བཅུ་གཅིག་པའོ།། །།
D828.097.0019a05.01དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་ང་ཡིས་ཆོས་ཐམས་ཅད་ཀྱི་ཁུངས་ཀྱི་མདོ་འདི་གསུངས་སོ། །ཀྱེ་སེམས་དཔའ་ཆེན་པོ། །ང་ནི་ཀུན་གྱི་ལུང་ཁུངས་ཡིན་པ་སྟེ། །ཇི་ལྟར་སྣང་བའི་ཆོས་རྣམས་ཐམས་ཅད་ཀུན། །ཐམས་ཅད་ང་ལས་བྱུང་བར་ཤེས་པར་
D828.097.0019a06.01གྱིས། །ཆོས་ཀྱི་སྤྱི་ཁུངས་ཆེན་པོ་འདི་ཉོན་ལ། །ཆོས་རྣམས་ཐམས་ཅད་འདི་ལྟར་ལུང་སྟོན་ཅིག །ཀུན་བྱེད་རྒྱལ་པོ་བྱང་ཆུབ་སེམས་ང་ནི། །ལུང་ཆེན་ཀུན་གྱི་རྒྱལ་པོ་ང་ཡིན་པས། །སྟོན་པ་གསུམ་ཡང་དང་པོ་ང་ལས་བྱུང་། །ལུང་ཞེས་བྱ་བ་སྟོན་
D828.097.0019a07.01