完整藏文原文 · 德格版页 当前仅加载第 97 函德格 72b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཕྱིར། །ང་ལས་བྱུང་བའི་སྟོན་པ་སྐུ་གསུམ་གྱིས། །སྒྲིབ་པ་བསལ་ཞིང་ཡེ་ཤེས་བསྒྲུབ་པར་རྟོགས། །སྐུ་གསུམ་སྟོན་པས་འཁོར་ལ་དེ་ལྟར་བསྟན། །འཁོར་གྱིས་གོ་ཞིང་རྟོགས་པ་དེ་བཞིན་ཏེ། །རང་རང་མོས་པའི་དོན་ལ་ཞེན་པའི་ཕྱིར། །ཀུན་
D828.097.0072b01.01བྱེད་ང་ཡི་འཁོར་དུ་འདུ་མི་བྱེད། །ཀྱེ་ཀུན་བྱེད་ང་ཡིས་འཁོར་ལ་ལུང་ཕོག་པ། །ཇི་ལྟར་སྣང་གྲགས་གནས་པའི་ཆོས་རྣམས་ཀུན། །མ་སྐྱེས་དེ་བཞིན་ཉིད་དུ་ཀུན་གཅིག་ཕྱིར། །སྒྲིབ་དང་མི་སྒྲིབ་ཆོས་སུ་གནས་མི་བྱེད། །དེ་ཕྱིར་ཡེ་ཤེས་སྒྲིབ་པར་ང་
D828.097.0072b02.01མ་འབྱེད། །སྒྲིབ་དང་མི་སྒྲིབ་ཆོས་སུ་རིས་མི་ལྟ། །མཐར་ཐུག་མེད་པའི་དོན་ལ་གྲངས་མི་བགྲང་། །རྒྱུ་དང་འབྲས་བུས་སྙིང་པོའི་དོན་མི་སྐྱེད། །ཀྱེ་སྟོན་པ་ཀུན་བྱེད་རྒྱལ་པོ་ང་ཡི་བཀའ། །སྐུ་གསུམ་སྟོན་པའི་ལུང་དང་མི་མཐུན་པས། །སྐྱེ་མེད་གཅིག་ལ་
D828.097.0072b03.01མཚན་མའི་གྲངས་མི་བགྲང་། །ཡུལ་ཤེས་མི་བལྟ་གཉེན་པོའི་ཚོགས་མི་བསྟེན། །རིག་དང་མ་རིག་སྐྱེ་མེད་དབྱིངས་གཅིག་པས། །གཅིག་ལ་གཉིས་འཛིན་མཚན་མའི་གྲངས་མི་འདེབས། །རྣམ་པར་མི་རྟོག་འདུ་ཤེས་ནང་མི་འཇོག །དེས་འཇོག་མ་
D828.097.0072b04.01ཡིན་དུས་གཅིག་ཀུན་མཁྱེན་པས། །དེ་ལྟར་སེམས་དཔའ་རྡོ་རྗེས་རྟོགས་པར་གྱིས། །ཀྱེ་སྟོན་པ་ཀུན་བྱེད་ང་ཡི་ཡེ་ཤེས་ཉིད། །བགྲང་དུ་མེད་ལ་བགྲང་ན་མཐའ་ལས་འདས། །ཆེ་བ་རེ་ལ་ཡེ་ཤེས་གྲངས་བསྟན་པས། །བརྗོད་པས་དེ་དག་མི་རྫོགས་ལུང་
D828.097.0072b05.01བསྟན་ཏོ། །ཀྱེ་ཀུན་བྱེད་རྒྱལ་པོ་ང་ཡི་ཡེ་ཤེས་ནི། །རྣམ་པར་མི་རྟོག་སྤྲོས་པ་ཀུན་དང་བྲལ། །རབ་ཞི་གདུལ་མེད་མཁའ་ལྟར་གནས་པ་སྟེ། །སྐྱེ་བ་མེད་པ་ཞེས་སུ་བསྟན་པ་ཡིན། །རང་འབྱུང་ཡེ་ཤེས་གཅིག་ལས་མ་གཡོས་ཀྱང་། །རྣམ་པའི་ཁྱད་པར་མ་བཅོས་
D828.097.0072b06.01སོ་སོར་གསལ། །དེ་ལྟར་གང་གིས་རིག་ཅིང་རྟོགས་པ་ཉིད། །ཀུན་བྱེད་རྒྱལ་པོའི་སྲས་སུ་ལུང་བསྟན་ཏོ། །ཡེ་ཤེས་སྐྱེ་མེད་རྟོགས་པ་ཇི་ལྟ་བར། །སེམས་དཔའ་རྡོ་རྗེས་དེ་ལྟར་རྟོགས་པར་གྱིས། །ཀྱེ་ང་ནི་ཡེ་ཤེས་ཀུན་བྱེད་རྒྱལ་པོ་སྟེ། །མ་རིག་པ་ཡི་ལྟ་
D828.097.0072b07.01