完整藏文原文 · 德格版页 当前仅加载第 97 函德格 22a 版页；藏文 NFD、目录标记与异常页序保留在来源切片中，重复版页行以稳定序号区分。
ང་ལས་བྱུང་བའི་སྐུ་གསུམ་སྟོན་པ་ལ། །ང་ཡི་རང་བཞིན་རྣམ་གསུམ་མི་བསྟན་གསང་། །ང་ལ་གནས་པའི་དུས་གསུམ་སངས་རྒྱས་ལ། །ང་ཡི་རང་བཞིན་མི་བསྟན་གསང་བར་བྱ། །ང་ལ་འདུས་པའི་འཁོར་ཚོགས་ཐམས་ཅད་ལ། །ང་ཡི་རང་བཞིན་མི་བསྟན་གསང་
D828.097.0022a01.01བར་བྱ། །ང་ཡིས་བྱས་པའི་ཁམས་གསུམ་སེམས་ཅན་ལ། །ང་ཡི་རང་བཞིན་མི་བསྟན་གསང་བར་བྱ། །ང་ཡི་རང་བཞིན་མ་གསང་བསྟན་བྱས་ནས། །སྐུ་གསུམ་སྟོན་པ་ང་ལས་འབྱུང་མི་འགྱུར། །སྐུ་གསུམ་སྟོན་པ་ང་ལས་མ་བྱུང་ན། །བསྟན་གསུམ་ཐེག་གསུམ་འཁོར་གསུམ་ཚོགས་མི་འགྱུར། །
D828.097.0022a02.01བསྟན་གསུམ་ཐེག་གསུམ་འཁོར་གསུམ་མ་ཚོགས་ན། །སངས་རྒྱས་ཆོས་དང་དགེ་འདུན་དཀོན་མཆོག་གསུམ། །བླ་མེད་བྱང་ཆུབ་ཀུན་གྱི་རིག་པ་མེད། །ང་ལས་བྱུང་བའི་དུས་གསུམ་སངས་རྒྱས་ལ། །ང་ཡི་རང་བཞིན་མ་གསང་བསྟན་གྱུར་ན། །སྐུ་གསུམ་སྟོན་
D828.097.0022a03.01གསུམ་མེད་པའི་སྐྱོན་དུ་འགྱུར། །ང་ལ་འདུས་པ་འཁོར་གྱི་ཚོགས་རྣམས་ལ། །ང་ཡི་རང་བཞིན་མ་གསང་བསྟན་གྱུར་ན། །སྟོན་གསུམ་ཐེག་པ་ཁྱད་པར་ཕྱེད་མི་འགྱུར། །ང་ཡིས་བྱས་པའི་ཁམས་གསུམ་སེམས་ཅན་ལ། །ང་ཡི་རང་བཞིན་ཐུགས་རྗེས་
D828.097.0022a04.01བསྟན་གྱུར་ན། །སྟོན་པ་གསུམ་གྱིས་བསྟན་པའི་གནས་མེད་འགྱུར། །སྟོན་པ་གསུམ་གྱི་བསྟན་པའི་གནས་མེད་ན། །ཀུན་བྱེད་ང་ཡིས་བྱས་པའི་ཆོས་རྣམས་ལ། །ཕུན་སུམ་ཚོགས་པ་ཞེས་སུ་སུ་ཞིག་འདོགས། །དེས་ན་ཀུན་བྱེད་རྒྱལ་པོ་ང་ཡིས་ནི། །ང་
D828.097.0022a05.01ཡི་རང་བཞིན་ང་ཡིས་ཕྱུང་ནས་ནི། །ང་ལ་ང་ཡི་རང་བཞིན་ང་ཡིས་བསྟན། །ང་ལས་བྱུང་བའི་སྟོན་པ་འཁོར་རྣམས་ལ། །བསྟན་པའི་ལུང་ནི་ཀུན་བྱེད་ངས་མ་ཕོག །ཤིན་ཏུ་རྣལ་འབྱོར་ཀུན་བྱེད་ང་ཡིན་པས། །དེ་ལ་ཀུན་བྱེད་རང་བཞིན་བསྟན་པར་བྱ། །
D828.097.0022a06.01ཞེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་སྐལ་མེད་ལ་གསང་བའི་ལེའུ་སྟེ་བཅུ་བཞི་པའོ།། །།དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་ཉིད་ཀྱི་ལུང་ཆེན་པོ་མངོན་དུ་ཕྱུང་བའི་ལུང་འདི་བསྟན་ཏོ། །ཀྱེ་སེམས་དཔའ་ཆེན་པོ་ཉོན་
D828.097.0022a07.01