完整藏文原文 · 德格版页 当前仅加载第 97 函德格 27b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོན་ཏན་སྒྲོས་ཀྱང་མེད། །སེམས་ཅན་ཞེས་བྱའི་སྐྱོན་གྱི་རྣམ་པ་མེད། །མི་རྟོག་མཉམ་པ་ཉིད་དུ་དེ་བཞིན་གནས། །འདི་ལས་མ་གཏོགས་པ་ནི་གཞན་མེད་པས། །སངས་རྒྱས་རྣམས་ཀྱིས་འདི་ལས་ལྷག་པ་ཡི། །ཀུན་བྱེད་ང་ལ་ངེས་ལུང་མནོས་པ་
D828.097.0027b01.01མེད། །བྱེད་མཁན་ཀུན་བྱེད་རྒྱལ་པོ་ང་ཡིས་ཀྱང་། །མི་རྟོག་མཉམ་ཉིད་དེ་བཞིན་ཉིད་འདི་ལས། །ཉིད་ལ་ཉིད་ཀྱིས་བསྟན་པ་རྡུལ་ཙམ་མེད། །ཅེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་མ་བཙལ་ལྷུན་གྱིས་གྲུབ་པའི་ལེའུ་སྟེ་བཅུ་
D828.097.0027b02.01དགུ་པའོ།། །།དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཆོས་ཐམས་ཅད་ཀྱི་བྱུང་ཁུངས་ཉིད་ལས་བྱུང་བ་འདི་གསུངས་སོ། །ཀྱེ་ཆོས་ཀུན་སྡུད་པའི་རྡོ་རྗེ་ཉོན། །ཀུན་བྱེད་རྒྱལ་པོ་བྱང་ཆུབ་སེམས། །ང་ནི་ཆོས་ཀུན་སྙིང་པོ་སྟེ། །ང་ནི་ཆོས་
D828.097.0027b03.01ཀུན་ས་བོན་ཡིན། །ང་ནི་ཆོས་ཀུན་རྒྱུ་ཡང་ཡིན། །ང་ནི་ཆོས་ཀུན་སྡོང་པོ་སྟེ། །ང་ནི་ཆོས་ཀྱི་གཞི་མ་ཡིན། །ང་ནི་ཆོས་ཀྱི་རྩ་བ་ཡིན། །ཇི་ལྟར་སྣང་བའི་ཆོས་རྣམས་ཀུན། །འདུས་པའི་ཕྱིར་ན་སྙིང་པོར་བཤད། །ཇི་ལྟར་སྣང་བའི་ཆོས་རྣམས་ཀུན། །
D828.097.0027b04.01སྐྱེ་བའི་ཕྱིར་ན་ས་བོན་ཡིན། །ཇི་ལྟར་སྣང་བའི་ཆོས་རྣམས་ཀུན། །འབྱུང་བའི་ཕྱིར་ན་རྒྱུ་ཡང་ཡིན། །ཇི་ལྟར་སྣང་བའི་ཆོས་རྣམས་ཀྱི། །ཡན་ལག་འབྱུང་བས་སྡོང་པོ་ཡིན། །ཇི་ལྟར་སྣང་བའི་ཆོས་རྣམས་ཀུན། །ང་ལ་གནས་པས་གཞི་མ་ཡིན། །ཇི་
D828.097.0027b05.01ལྟར་སྣང་བའི་ཆོས་རྣམས་ཀུན། །ང་ཡིན་པས་ན་རྩ་བར་བཤད། །ཀྱེ་སེམས་དཔའ་ཆེན་པོ་རྡོ་རྗེ་ཉོན་ཅིག །ཀུན་བྱེད་བྱང་ཆུབ་སེམས་ང་ནི། །རང་བཞིན་མ་བཅོས་རྣམ་གསུམ་ལས། །མིང་ཙམ་སྐུ་གསུམ་བྱུང་ཚུལ་བསྟན། །ངེས་པར་སྐུ་གསུམ་སྟོན་པ་
D828.097.0027b06.01ཡང་། །དེ་བཞིན་ཉིད་ལས་གཡོས་པ་མེད། །ཀུན་བྱེད་བྱང་ཆུབ་སེམས་ང་ནི། །མ་སྐྱེས་གཟུང་འཛིན་བྲལ་བ་ལས། །ཆོས་སྐུ་སྐྱེ་མེད་མིང་ཙམ་བྱུང་། །ངེས་པར་ཆོས་སྐུ་མིང་ཙམ་སྟེ། །དེ་བཞིན་ཉིད་ལས་གཡོས་པ་མེད། །ཀུན་བྱེད་བྱང་ཆུབ་སེམས་ང་ཡི། །
D828.097.0027b07.01