完整藏文原文 · 德格版页 当前仅加载第 97 函德格 42b 版页；藏文 NFD、目录标记与异常页序保留在来源切片中，重复版页行以稳定序号区分。
ཞུས་པས། །ཀྱེ་སེམས་དཔའ་ཆེན་པོ་ཉོན་ཅིག །ང་ནི་སྐུ་གསུང་ཐུགས་ཀྱི་རང་བཞིན་ཏེ། །སྐུ་ནི་ཆོས་ཉིད་མངོན་དུ་ཕྱུང་བ་དེས། །ཀུན་བཟང་རོལ་པ་རྨད་དུ་འབྱུང་བ་བྱས། །གསུང་གི་སྒྲ་ཚིག་མངོན་དུ་བསྒྲགས་ནས་ནི། །དོན་གྱི་ཆོས་ཉིད་ཚིག་གིས་
D828.097.0042b01.01གོ་བར་བསྟན། །ཐུགས་ནི་རང་འབྱུང་ཡེ་ཤེས་འགག་མེད་ཀྱིས། །སྟོན་པ་ཡེ་ཤེས་སྒྲོན་མ་བྱས་ནས་ནི། །ཆོས་ཉིད་དོན་གྱི་ངོ་བོ་མ་ནོར་སྟོན། །ཀྱེ་སེམས་དཔའ་ཆེན་པོས་དོན་འདི་རྟོགས་པར་གྱིས། །སྣང་སྲིད་སྣོད་བཅུད་དེ་ལྟར་སྣང་བ་ལས། །ང་ལ་སྐུ་
D828.097.0042b02.01ཡི་ངོ་བོ་གཞན་མེད་པས། །རང་གི་ངོ་བོས་འཆད་ཅིང་སྟོན་པ་ཡིན། །སེམས་དཔའ་ཆེན་པོ་ཁྱོད་ཀྱིས་ཀྱང་། །མ་རྟོགས་གཞན་ལ་ཁྱོད་ཀྱིས་ལུང་སྟོན་ཅིག །ཀྱེ་སེམས་དཔའ་ཆེན་པོ་ཉོན་ཅིག །ས་ཆུ་མེ་རླུང་ནམ་མཁའི་སྒྲ་གྲག་དང་། །རྒྱུད་དྲུག་
D828.097.0042b03.01སེམས་ཅན་རྣམས་ཀྱི་སྒྲ་ཚིག་འདི། །ཀུན་བྱེད་ང་ཡི་གསུང་ལས་གཞན་མེད་པས། །ཚིག་སྒྲ་དོན་གྱིས་བསྡེབས་བཤད་དེ་ལ་བྱ། །ཀྱེ་སེམས་དཔའ་རྡོ་རྗེ་ཁྱོད་ཀྱིས་ཀྱང་། །མ་རྟོགས་གཞན་ལ་ཁྱོད་ཀྱིས་ལུང་སྟོན་ཅིག །ཀྱེ་སེམས་དཔའ་
D828.097.0042b04.01ཆེན་པོ་ཉོན་ཅིག །ཁམས་གསུམ་རྒྱུད་དྲུག་སེམས་ཅན་ཐམས་ཅད་དང་། །འབྱུང་ཆེན་ལྔ་ཡི་མི་རྟོག་མཉམ་ཉིད་དང་། །ཆོས་ཉིད་མི་སྐྱེ་མི་རྟོག་མི་འགག་སྟེ། །ཀུན་བྱེད་ང་ཡི་ཐུགས་སུ་དེ་ལས་མེད། །སེམས་དཔའ་ཆེན་པོ་རྡོ་རྗེ་ཁྱོད་ཀྱིས་ནི། །
D828.097.0042b05.01མ་རྟོགས་གཞན་ལ་ཁྱོད་ཀྱིས་ལུང་སྟོན་ཅིག །སེམས་དཔའ་ཆེན་པོས་འདི་ལུང་མ་བསྟན་ན། །ང་ཡི་རང་བཞིན་ཤིན་ཏུ་མི་རྟོགས་ཏེ། །མ་རྟོགས་ང་དང་ཕྲད་པར་མི་འགྱུར་ན། །དུས་གསུམ་སངས་རྒྱས་རྣམས་ཀྱི་གདུང་འཚོབ་པ། །ཁམས་
D828.097.0042b06.01གསུམ་གནས་པའི་སེམས་ཅན་ཐམས་ཅད་དང་། །ལ་དགུ་ལུང་དགུ་རྒལ་བའི་ས་བཅུ་དང་། །ཚེ་ལ་དབང་སྒྱུར་ཕྱག་རྒྱ་ལྷུན་གྱིས་གྲུབ་པ་དང་། །རིག་འཛིན་གསུམ་ལ་སོགས་པའི་གདུང་འཚོབ་ཀྱིས། །ཀུན་བྱེད་ང་དང་ཡུན་དུ་ཕྲད་མི་
D828.097.0042b07.01