完整藏文原文 · 德格版页 当前仅加载第 97 函德格 58b 版页；藏文 NFD、目录标记与异常页序保留在来源切片中，重复版页行以稳定序号区分。
བཏགས། །ལ་ལས་ཡེ་ཤེས་བཞི་དང་གསུམ་དུ་བཏགས། །ལ་ལས་ཡེ་ཤེས་ལྔ་རུ་མིང་བཏགས་ལ། །ལ་ལས་དབྱིངས་དང་ཡེ་ཤེས་མིང་བཏགས་པ། །རང་འབྱུང་བྱང་ཆུབ་སེམས་ནི་གཅིག་ལ་བཏགས། །རང་འབྱུང་ང་ལ་མཐོང་ཚད་སྨྲས་
D828.097.0058b01.01པ་ཡིན། །ཞེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་རང་འབྱུང་ཡེ་ཤེས་བསྟན་པའི་ལེའུ་སྟེ་ལྔ་བཅུ་པའོ།། །།དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་རྫོགས་པ་ཆེན་པོའི་ལམ་ལ་བགྲོད་དུ་མེད་པ་འདི་
D828.097.0058b02.01གསུངས་སོ། །ཀྱེ་སེམས་དཔའ་ཆེན་པོ་ཉོན་ཅིག །ཀུན་བྱེད་རྒྱལ་པོ་ང་ནི་བྱང་ཆུབ་སེམས། །བྱང་ཆུབ་སེམས་ནི་ཀུན་གྱི་ལམ་ཆེན་ཏེ། །གནས་དང་ཡུལ་དང་སངས་རྒྱས་ས་དང་གསུམ། །གཞན་ན་མེད་དེ་འདི་ན་རང་བཞིན་གནས། །ཆོས་ཀྱི་
D828.097.0058b03.01དབྱིངས་དང་ཆོས་ཉིད་འདི་ན་གནས། །ནམ་མཁའི་ཁམས་དང་གཞལ་ཡས་འདི་ན་གནས། །སངས་རྒྱས་ས་དང་ཡུལ་ནི་བྱང་ཆུབ་སེམས། །གཞན་དུ་བགྲོད་པའི་ལམ་དང་གནས་མེད་དེ། །བགྲོད་པས་ནམ་མཁའི་ལམ་ལ་ཕྱིན་པ་མེད། །ཀྱེ་
D828.097.0058b04.01སེམས་དཔའ་ཆེན་པོ་ཉོན་ཅིག །ལམ་ལ་བགྲོད་པ་ཡོད་པར་ལུང་སྟོན་པ། །ང་ལས་བྱུང་བའི་སྟོན་པ་སྐུ་གསུམ་གྱིས། །བགྲོད་པའི་ལམ་ནི་ལྔ་དང་གསུམ་བསྟན་ཏེ། །དེ་ལ་བགྲོད་པས་ཕྱིན་པར་འདོད་པ་ནི། །རྒྱུ་དང་འབྲས་བུ་ཐོབ་པར་འདོད་
D828.097.0058b05.01ཡིན་ན། །རྫོགས་ཆེན་བགྲོད་དུ་མེད་དང་མི་མཐུན་ཏེ། །ཚོགས་དང་སྦྱོར་བསྒོམ་མཐོང་པ་ལྔར། །ཚོགས་གཉིས་བསགས་ནས་གཟུང་འཛིན་གཉིས་ཆོམས་ཏེ། །བསྒོམས་པས་ཆོས་མཐོང་ཐོབ་པའི་འབྲས་བུ་དེ། །བགྲོད་དུ་མེད་པའི་
D828.097.0058b06.01ལམ་དང་མ་ཕྲད་པས། །བདེ་ཆེན་རྩོལ་སྒྲུབ་འདས་པ་མིང་མི་གྲག །འབྲས་བུ་གསང་བར་བསྟན་པ་ལམ་གསུམ་ནི། །དེ་བཞིན་ཉིད་དང་ཀུན་དུ་སྣང་ལ་སོགས། །སྐུ་གསུམ་ལམ་ཞེས་གོམས་པར་བསྒོམས་པ་དེས། །རང་བྱུང་ཆོས་ལ་རྒྱུ་འབྲས་བསྙེན་
D828.097.0058b07.01