完整藏文原文 · 德格版页 当前仅加载第 97 函德格 8b 版页；藏文 NFD、目录标记与异常页序保留在来源切片中，重复版页行以稳定序号区分。
གང་གིས་གྲུབ་པ་དེ། །དེས་ནི་ཀུན་གྲུབ་ཆོས་ཀྱི་རྩ་བ་གྲུབ། །བྱང་ཆུབ་སེམས་ཀྱི་མདོ་རྩ་གཅིག་པུ་ལ། །སེམས་ཤིང་རྟོག་ལ་དགའ་བས་རྣམ་པར་བགྲངས། །གཉིས་དང་གྲངས་ལ་དགའ་ལ་ང་ཡིས་བསྟན། །ཇི་བཞིན་རང་བཞིན་ཆོས་ཉིད་སེམས་གཅིག་
D828.097.0008b01.01ལ། །སེམས་ལ་རང་བཞིན་རྣམ་པ་གསུམ་སྣང་བས། །རང་བཞིན་གསུམ་ནི་བཀོད་པའི་མཆོག་གསུམ་སྟེ། །དེ་ནི་ཕུན་སུམ་ཚོགས་པའི་ཆོས་ཉིད་དོ། །གཉིས་མེད་གཅིག་གི་རང་བཞིན་ཀུན་འབྲེལ་བས། །རྣལ་མ་གཅིག་ལ་འབྱོར་པ་རྣམ་པ་བཞི། །རྣལ་
D828.097.0008b02.01འབྱོར་རྣམ་པ་བཞི་ཡི་ཡུལ་དུ་བསྟན། །སེམས་ཉིད་གཅིག་ལ་ཆེ་བ་ལྔར་བསྟན་པ། །སེམས་ཀྱི་རང་བཞིན་ཡོན་ཏན་ལྔ་ལྡན་པས། །རང་བཞིན་ལྔ་ལ་ཆེ་ལྔར་མིང་དུ་བཏགས། །ངེས་པ་གཅིག་ལ་ཡིན་མིན་སྒྲོས་བྱུང་བས། །གོལ་སྒྲིབ་ཐེ་ཚོམ་རྟོག་པ་
D828.097.0008b03.01བསམ་ཡས་ནི། །ཀུན་བྱེད་རྩོལ་སྒྲུབ་རྟོག་འདས་སེལ་བར་བྱེད། །ཡོད་མེད་སྒྲོ་སྐུར་ཐེ་ཚོམ་བསལ་བའི་ཕྱིར། །དེ་བཞིན་ཉིད་ཀྱི་བྱང་ཆུབ་མི་རྟོག་པས། །མ་ནོར་ངེས་པའི་ལུང་དེ་གཏན་ལ་འབེབས། །དེ་ཉིད་ཡིད་ཆེས་མངོན་དུ་བསྟན་པའི་ཕྱིར། །ལ་དོར་
D828.097.0008b04.01ཡིད་ཆེས་པ་ཡི་ལུང་བཅུ་ཡིས། །རྩོལ་སྒྲུབ་བྱ་མེད་དོན་བསྟན་དེ་ཡིད་ཆེས། །མེད་པར་བདེན་པའི་ཚིག་དགུ་སྨྲས་པ་ནི། །སྙིང་པོ་གཅིག་ལ་མཐོང་བའི་ཡུལ་དགུ་བྱུང་། །རང་རེས་མཐོང་བའི་བདེན་པའི་ཚིག་དགུ་སྨྲས། །ཀུན་བྱེད་ང་ལ་ཐམས་ཅད་རྫོགས་པའི་
D828.097.0008b05.01ཕྱིར། །བྱང་ཆུབ་སེམས་ཀྱི་དོན་འདི་ཆེ་བར་གྱིས། །ཆོས་ཀུན་རྩ་བ་ཀུན་བྱེད་བྱང་ཆུབ་སེམས། །ཇི་ལྟར་སྣང་བ་ང་ཡི་ངོ་བོ་ཡིན། །ཇི་ལྟར་བྱུང་བ་ང་ཡི་ཆོ་འཕྲུལ་ཡིན། །སྒྲ་ཚིག་ཇི་ལྟར་བྱུང་བ་ཐམས་ཅད་ཀུན། །ང་ཡི་དོན་ཉིད་ཚིག་སྒྲར་ཕྱུང་བ་ཡིན། །སངས་
D828.097.0008b06.01རྒྱས་སྐུ་དང་ཡེ་ཤེས་ཡོན་ཏན་དང་། །སེམས་ཅན་ལུས་དང་བག་ཆགས་ལ་སོགས་པ། །སྣང་སྲིད་སྣོད་བཅུད་བསྡུས་པ་ཐམས་ཅད་ཀུན། །བྱང་ཆུབ་སེམས་ཀྱི་ངོ་བོ་ཡེ་ནས་ཡིན། །སེམས་ལས་མ་གཏོགས་པ་ཡི་ཆོས་རྣམས་ནི། །ང་ལས་བྱུང་བའི་སངས་
D828.097.0008b07.01