完整藏文原文 · 德格版页 当前仅加载第 51 函德格 4b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་བྱུང་བ་ཆེན་པོ་བསམ་གྱིས་མི་ཁྱབ་པ་འདི་ལྟ་བུ་འདི་དག་ཀྱང་སྣང་བར་གྱུར་པ་འདིའི་དོན་བདག་གིས་སུ་ལ་དྲི་འདི་ན་དོན་འདིའི་ལན་ལྡོན་ནུས་པ་ནི་སུ་ཡོད་སྙམ་མོ། །དེ་ཡང་འདི་སྙམ་དུ་འཇམ་དཔལ་གཞོན་ནུར་གྱུར་པ་འདི་སྔོན་གྱི་རྒྱལ་བ་རྣམས་ལ་ལྷག་པར་བྱ་བ་བྱས་པ། དགེ་བའི་རྩ་
D113.051.0004b01.01བ་བསྐྱེད་པ། སངས་རྒྱས་མང་པོ་ལ་བསྙེན་བཀུར་བྱས་པ་སྟེ། འཇམ་དཔལ་གཞོན་ནུར་གྱུར་པ་འདིས་སྔོན་ཆད་ཀྱང་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ལྟས་འདི་ལྟ་བུ་བྱུང་བ་རྣམས་མཐོང་ཞིང་སྔོན་ཆད་ཆོས་ཆེན་པོའི་
D113.051.0004b02.01འབེལ་བའི་གཏམ་དག་ཀྱང་མྱོང་བས་ན། བདག་གིས་འཇམ་དཔལ་གཞོན་ནུར་གྱུར་པ་ལ་དེའི་དོན་དྲིའོ་སྙམ་དུ་སེམས་སོ། །དགེ་སློང་དང་དགེ་སློང་མ་དང་། དགེ་བསྙེན་དང་དགེ་བསྙེན་མའི་འཁོར་བཞི་པོ་དེ་དག་དང་། ལྷ་དང་ཀླུ་དང་གནོད་སྦྱིན་དང་། དྲི་ཟ་དང་ལྷ་མ་ཡིན་དང་། ནམ་
D113.051.0004b03.01མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་མང་པོ་དེ་དག་ཀྱང་། བཅོམ་ལྡན་འདས་ཀྱི་ལྟས་ཀྱི་རྫུ་འཕྲུལ་གྱི་ཆོ་འཕྲུལ་ཆེན་པོའི་སྣང་བ་འདི་ལྟ་བུ་འདི་མཐོང་ནས། ངོ་མཚར་དུ་གྱུར་རྨད་དུ་གྱུར་ལྟད་མོར་གྱུར་ཏེ། འདི་སྙམ་དུ། བཅོམ་ལྡན་
D113.051.0004b04.01འདས་ཀྱིས་རྫུ་འཕྲུལ་གྱི་ཆོ་འཕྲུལ་ཆེན་པོའི་སྣང་བ་འདི་ལྟ་བུ་འདི་བསྟན་པ་བདག་ཅག་གིས་སུ་ལ་དྲི་སྙམ་དུ་སེམས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་སྐད་ཅིག་ཐང་ཅིག་ཡུད་ཙམ་དེ་ཉིད་ལ་འཁོར་བཞི་པོ་རྣམས་ཀྱི་སེམས་ཀྱི་རྣམ་པར་རྟོག་པ་
D113.051.0004b05.01སེམས་ཀྱིས་ཤེས་ནས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་བཅོམ་ལྡན་འདས་ཀྱིས་ལྟས་ངོ་མཚར་རྨད་དུ་བྱུང་བ་རྫུ་འཕྲུལ་གྱི་སྣང་བ་འདི་ལྟ་བུ་འདི་བསྟན་ཏེ། སངས་རྒྱས་ཀྱི་ཞིང་ཁྲི་བརྒྱད་སྟོང་པོ་འདི་དག་རྣམ་པར་བཀྲ་བ། མཆོག་ཏུ་བལྟ་ན་སྡུག་
D113.051.0004b06.01པ། དེ་བཞིན་གཤེགས་པ་སྔོན་དུ་བཞུད་པ། དེ་བཞིན་གཤེགས་པ་ཡོངས་སུ་འདྲེན་པར་སྣང་བ་འདིའི་རྒྱུ་གང་རྐྱེན་གང་། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་འཇམ་དཔལ་གཞོན་ནུར་གྱུར་པ་ལ་ཚིགས་སུ་བཅད་པ་འདི་དག་སྨྲས་སོ། །འཇམ་
D113.051.0004b07.01