完整藏文原文 · 德格版页 当前仅加载第 51 函德格 152b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ང་ཡོངས་སུ་མྱ་ངན་ལས་འདའ་བའི་དུས་ལ་བབ་སྟེ། རིགས་ཀྱི་བུ་ང་ཚེ་ཟད་པའི་དུས་ལ་བབ་ཀྱིས་རིགས་ཀྱི་བུ་ཁྱོད་སོང་ལ། ངའི་ཁྲི་ཤོམས་ཤིག་དང་ང་ཡོངས་སུ་མྱ་ངན་ལས་འདའོ། །
D113.051.0152b01.01སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་ཟླ་དྲི་མ་མེད་པའི་འོད་དཔལ་གྱིས། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་
D113.051.0152b02.01དགའ་བ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་བསྟན་པ་འདི་ངས་ཁྱོད་ལ་ཡོངས་སུ་གཏད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་འདི་དག་དང་། ཉན་ཐོས་ཆེན་པོ་འདི་དག་དང་སངས་རྒྱས་ཀྱི་བྱང་ཆུབ་འདི་དག་དང་། འཇིག་རྟེན་གྱི་ཁམས་འདི་དག་དང་། རིན་པོ་
D113.051.0152b03.01ཆེའི་མཁའ་རྟེན་འདི་དག་དང་། རིན་པོ་ཆེའི་ཤིང་ལྗོན་པ་འདི་དག་དང་ངའི་བསྙེན་བཀུར་བྱེད་པའི་ལྷའི་བུ་འདི་རྣམས་ཀྱང་ཡོངས་སུ་གཏད་དོ། །རིགས་ཀྱི་བུ་ང་ཡོངས་སུ་མྱ་ངན་ལས་འདས་པའི་རིང་བསྲེལ་གང་ཡིན་པ་དེ་དག་ཀྱང་ཡོངས་སུ་གཏད་དོ། །རིགས་ཀྱི་བུ་ངའི་རིང་བསྲེལ་ལ་
D113.051.0152b04.01ཁྱོད་ཀྱིས་ཀྱང་མཆོད་པ་རྒྱ་ཆེར་གྱིས་ཤིག །རིང་བསྲེལ་དེ་དག་ཀྱང་རྒྱས་པར་གྱིས་ཤིག །མཆོད་རྟེན་སྟོང་ཕྲག་མང་པོ་གྱིས་ཤིག །སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་
D113.051.0152b05.01རྫོགས་པའི་སངས་རྒྱས་ཉི་ཟླ་དྲི་མ་མེད་པའི་འོད་དཔལ་གྱིས། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བ་དེ་ལ་དེ་ལྟར་རྗེས་སུ་བསྟན་ནས། དེའི་ནུབ་མོ་ནམ་གྱི་ཆ་སྨད་ལ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་
D113.051.0152b06.01སུ་མྱ་ངན་ལས་འདས་སོ། །སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བས། བཅོམ་ལྡན་འདས་དེ་བཞིན་གཤེགས་པ་ཉི་ཟླ་དྲི་མ་མེད་པའི་འོད་དཔལ་དེ་ཡོངས་སུ་
D113.051.0152b07.01