完整藏文原文 · 德格版页 当前仅加载第 51 函德格 177a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་བ་དང་། དེ་དག་ལ་མིའམ་མི་མ་ལགས་པས་གླགས་མི་རྙེད་པར་འགྱུར་བ་དང་། བུད་མེད་ཀྱིས་འཕྲོགས་པར་མི་འགྱུར་བར་དེ་དག་ལ་བསྲུང་བར་བགྱིའོ། །བདེ་ལེགས་སུ་འགྱུར་བར་བགྱིའོ། །ཆད་པ་སྤང་བར་བགྱིའོ། །དུག་གཞིལ་བར་བགྱིའོ། །
D113.051.0177a01.01བཅོམ་ལྡན་འདས་ཆོས་སྨྲ་བ་དེ་དག་ལ་བདག་གིས་གཟུངས་སྔགས་ཀྱི་ཚིག་འདི་དག་སྩལ་བར་བགྱིའོ། །བཅོམ་ལྡན་འདས་གཟུངས་སྔགས་ཀྱི་ཚིག་འདི་དག་གསན་དུ་གསོལ། ཏདྱ་ཐཱ། སུ་དཎ་ཌེ། དཎ་ཌ་བ་ཏི་དཎ་ཌཱ་བརྟ་ནི། དཎ་ཌ་ཀུ་ཤ་ལེ། དཎ་ཌ་སུ་དྷཱ་རི།
D113.051.0177a02.01སུ་དྷཱ་ར་པ་ཏི། བུད་དྷ་པ་ཤྱ་ནི། དྷ་ར་ཎི། ཨཱ་བརྟ་ནི། ཨཱ་བརྟ་ནི། སང་གྷ་པ་རཱི་ཀྵི་ཏེ། སང་གྷ་ནི་ར་གྷ་ས་ཏེ། དྷ་རྨ་པ་རཱི་ཀྵི་ཏེ། སརྦ་སཏྭ་རུ་ཧེ། ཀཽ་ཤ་ལྱེ། ཀཽ་ཤ་ལྱཱ་ནུ་ག་ཏེ། སིང་ཧ་བི་ཀྲཱི་ཌི་ཏེ། །ཨ་ནུ་བརྟེ། བརྟ་ནི། བརྟ་ལི་སྭཱ་ཧཱ། བཅོམ་ལྡན་འདས་གཟུངས་སྔགས་ཀྱི་ཚིག་འདི་
D113.051.0177a03.01དག་བྱང་ཆུབ་སེམས་དཔའ་གང་གི་རྣ་བའི་དབང་པོ་ལ་གྲགས་པ་དེ་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོའི་བྱིན་གྱིས་བརླབས་སུ་རིག་པར་བགྱིའོ། །བཅོམ་ལྡན་འདས་དམ་པའི་ཆོས་པད་མ་དཀར་པོའི་ཆོས་ཀྱི་རྣམ་གྲངས་འདི་ཡང་འཛམ་
D113.051.0177a04.01བུའི་གླིང་འདི་ན་སྤྱོད་པ་ན། བྱང་ཆུབ་སེམས་དཔའ་གང་དག་གི་ལག་ཏུ་ཐོབ་པར་གྱུར་པ་ན། བཅོམ་ལྡན་འདས་ཆོས་སྨྲ་བ་དེ་དག་གིས་བྱང་ཆུབ་སེམས་དཔའ་ཀུན་ཏུ་བཟང་པོའི་མཐུ་དང་། བྱང་ཆུབ་སེམས་དཔའ་ཀུན་ཏུ་བཟང་པོའི་གཟི་བརྗིད་ཀྱིས། དམ་པའི་ཆོས་
D113.051.0177a05.01པད་མ་དཀར་པོའི་ཆོས་ཀྱི་རྣམ་གྲངས་འདི་བདག་ཅག་གི་ལག་ཏུ་ཐོབ་བོ་སྙམ་དུ་དེ་ལྟར་རིག་པར་བགྱིའོ། །བཅོམ་ལྡན་འདས་གང་དག་མདོ་སྡེ་འདི་ཡི་གེར་འདྲི་བ་དང་འཛིན་པའི་སེམས་ཅན་དེ་དག་གིས་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་ཐོབ་པར་འགྱུར་རོ། །སེམས་
D113.051.0177a06.01ཅན་དེ་དག་གིས་སངས་རྒྱས་མང་པོ་ལ་དགེ་བའི་རྩ་བ་བསྐྱེད་པར་འགྱུར་རོ། །བཅོམ་ལྡན་འདས་སེམས་ཅན་དེ་དག་ནི། དེ་བཞིན་གཤེགས་པའི་ཕྱག་གིས་སྤྱི་བོ་ལ་བྱུགས་པར་འགྱུར་རོ། །བཅོམ་ལྡན་འདས་དེ་དག་གིས་བདག་ཀྱང་དགའ་བར་བགྱིས་པར་འགྱུར་རོ། །
D113.051.0177a07.01