完整藏文原文 · 德格版页 当前仅加载第 51 函德格 157a 版页；藏文 NFD、目录标记与异常页序保留在来源切片中，重复版页行以稳定序号区分。
མནོས་པ་དང་ཁ་དོན་བྱས་པ་དང་བསྒོམས་པ་དང་བསམས་པ་དང་ཡིད་ལ་བྱས་པ་དང་སེམས་ཅན་གཞན་དག་ལ་ཡང་རབ་ཏུ་བསྟན་པ། རིགས་ཀྱི་བུ་ལེགས་སོ་ལེགས་སོ། །རིགས་ཀྱི་བུ་ཁྱོད་ཀྱི་བསོད་ནམས་མངོན་པར་འདུ་བྱེད་པ་འདི་ནི་མེས་ཚིག་པའམ་ཆུས་ཁྱེར་བར་
D113.051.0157a01.01མི་ནུས་སོ། །རིགས་ཀྱི་བུ་ཁྱོད་ཀྱི་བསོད་ནམས་མངོན་པར་འདུ་བྱེད་པ་འདི་ནི་སངས་རྒྱས་བརྒྱ་སྟོང་གིས་ཀྱང་བཤད་པར་མི་ནུས་སོ། །རིགས་ཀྱི་བུ་ཁྱོད་ཀྱིས་བདུད་ཕྱིར་རྒོལ་བ་བཅོམ་མོ། །སྲིད་པའི་རྒྱ་མཚོ་ལས་བརྒལ་ཏོ། །དགྲའི་ཚེར་མ་དཀྲུགས་སོ། །སངས་རྒྱས་བརྒྱ་སྟོང་གིས་བྱིན་
D113.051.0157a02.01གྱིས་བརླབས་སོ། །རིགས་ཀྱི་བུ་ལྷ་དང་བཅས་པའི་འཇིག་རྟེན་ན་ཁྱོད་འདྲ་བ་མེད་དོ། །དེ་བཞིན་གཤེགས་པ་གཅིག་པུ་མ་གཏོགས་པར་གཞན་ཉན་ཐོས་སམ་རང་སངས་རྒྱས་སམ་བྱང་ཆུབ་སེམས་དཔའ་གང་གིས་ཀྱང་། ཁྱོད་ལ་བསོད་ནམས་ཀྱིས་ཀྱང་རུང་། ཡེ་ཤེས་ཀྱིས་ཀྱང་
D113.051.0157a03.01རུང་། ཤེས་རབ་ཀྱིས་ཀྱང་རུང་། ཏིང་ངེ་འཛིན་གྱིས་ཀྱང་རུང་སྟེ། ཟིལ་གྱིས་གནོན་པར་མི་ནུས་སོ། །སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཡེ་ཤེས་ཀྱི་སྟོབས་བསྐྱེད་པ་འདི་ལྟ་བུ་ཐོབ་པར་འགྱུར་རོ། །སྐར་མའི་
D113.051.0157a04.01རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། གང་ལ་ལས་སྨན་གྱི་རྒྱལ་པོའི་སྔོན་གྱི་སྦྱོར་བའི་ལེའུ་འདི་བཤད་པ་ཐོས་ནས། ལེགས་སོ་ལེགས་སོ་ཞེས་བྱ་བ་བྱིན་པ་དེའི་ཁ་ནས་ཨུད་པ་ལའི་དྲི་འབྱུང་བར་འགྱུར། དེའི་ལུས་ལས་ཀྱང་ཙན་དན་གྱི་དྲི་འབྱུང་བར་འགྱུར་རོ། །གང་
D113.051.0157a05.01གིས་ཆོས་ཀྱི་རྣམ་གྲངས་འདི་འཆད་པ་ན་ལེགས་སོ་ཞེས་བྱ་བ་བྱིན་པ་དེའི་ཆོས་ཅན་གྱི་ཡོན་ཏན་གྱི་ཕན་ཡོན་དེ་དག་ནི། ངས་ད་ལྟར་གང་དག་བཤད་པ་དེ་འདྲ་བར་འགྱུར་རོ། །སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། དེ་ལྟ་བས་ན་བྱང་ཆུབ་སེམས་དཔའ་སེམས་
D113.051.0157a06.01དཔའ་ཆེན་པོ་སེམས་ཅན་ཐམས་ཅད་ཀྱིས་མཐོང་ན་དགའ་བའི་སྔོན་གྱི་སྦྱོར་བའི་ལེའུ་འདི་ཅི་ནས། ཕྱི་མའི་ཚེ་ཕྱི་མའི་དུས་ལྔ་བརྒྱ་པ་ཐ་མ་ལ་འཛམ་བུའི་གླིང་འདི་ན་སྤྱོད་ཅིང་ནུབ་པར་མི་འགྱུར་བ་དང་། བདུད་སྡིག་ཅན་གྱིས་གླགས་མི་རྙེད་པ་དང་བདུད་ཀྱི་རིས་ཀྱི་ལྷ་དང་ཀླུ་དང་གནོད་
D113.051.0157a07.01