完整藏文原文 · 德格版页 当前仅加载第 51 函德格 113b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་དེའི་གཙོ་བོ། བྱང་ཆུབ་སེམས་དཔའ་སེམས་དཔའ་ཆེན་པོ་བཞི་པོ་དེ་དག་ལ། རིགས་ཀྱི་བུ་དག་ལེགས་སོ་ལེགས་སོ། །རིགས་ཀྱི་བུ་དག་ཁྱེད་དེ་བཞིན་གཤེགས་པ་ལ་མངོན་པར་བསྟོད་པ་ཡང་ལེགས་སོ་ལེགས་སོ་ཞེས་བྱ་བ་བྱིན་ནོ། །དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་
D113.051.0113b01.01བྱམས་པ་དང་གཞན་ཡང་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་གང་གཱའི་ཀླུང་བརྒྱད་ཀྱི་བྱེ་མ་སྙེད་དག་འདི་སྙམ་དུ་སེམས་པར་གྱུར་ཏེ། བྱང་ཆུབ་སེམས་དཔའི་ཚོགས་ཆེན་པོ་དང་བྱང་ཆུབ་སེམས་དཔའི་ཕུང་པོ་ཆེན་པོ་གང་ས་རུམ་ནས་འཐོན་ཏེ། བཅོམ་ལྡན་འདས་ཀྱི་སྤྱན་སྔར་འདུག་ནས། བཅོམ་
D113.051.0113b02.01ལྡན་འདས་ལ་བསྟི་སྟང་དུ་བྱེད། བཙུན་པར་བྱེད། བཅོམ་ལྡན་འདས་ལ་དགྱེས་པར་བྱེད་པ་འདི་དག །བདག་ཅག་གིས་སྔོན་མ་མཐོང་སྔོན་མ་ཐོས་ན། བྱང་ཆུབ་སེམས་དཔའ་སེམས་དཔའ་ཆེན་པོ་འདི་དག་ག་ལས་ལྷགས་སྙམ་སེམས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་
D113.051.0113b03.01པོ་བྱམས་པས་བདག་ཉིད་ཐེ་ཚོམ་དང་སོམ་ཉིར་གྱུར་པ་ཡང་ཤེས། བྱང་ཆུབ་སེམས་དཔའ་སེམས་དཔའ་ཆེན་པོ་བྱེ་བ་ཁྲག་ཁྲིག་བརྒྱ་སྟོང་ཕྲག་གང་གཱའི་ཀླུང་བརྒྱད་ཀྱི་བྱེ་མ་སྙེད་དེ་དག་གི་སེམས་ཀྱི་རྣམ་པར་རྟོག་པ་ཡང་སེམས་ཀྱིས་རིག་ནས་དེའི་ཚེ་ཐལ་མོ་སྦྱར་ཏེ། བཅོམ་ལྡན་འདས་ལ་ཚིགས་སུ་
D113.051.0113b04.01བཅད་པའི་དབྱངས་ཀྱིས་དོན་དེ་ཞུས་པ། བྱང་ཆུབ་སེམས་དཔའ་སྔོན་མ་བྱུང་། །བརྒྱ་སྟོང་ཕྲག་ནི་མང་པོ་དང་། །བྱེ་བ་ཕྲག་ནི་མཐའ་ཡས་པ། །རྐང་གཉིས་མཆོག་གིས་བསྟན་དུ་གསོལ། །རྫུ་འཕྲུལ་ཆེན་པོ་འདི་དག་རྣམས། །གང་ནས་ཇི་ལྟར་ལྷགས་པར་གྱུར། །རབ་
D113.051.0113b05.01ཏུ་ཆེ་བའི་ལུས་ཀྱི་གཟུགས། །འདི་དག་གང་ནས་ཇི་ལྟར་ལྷགས། །འདི་དག་ཐམས་ཅད་བརྟན་ལྡན་ཞིང་། །དྲན་དང་ལྡན་ལ་དྲང་སྲོང་ཆེ། །ཤིན་ཏུ་བལྟ་ན་སྡུག་པའི་གཟུགས། །འདི་དག་གང་ནས་ལྷགས་པར་གྱུར། །བྱང་ཆུབ་སེམས་དཔའ་མཁས་གྱུར་པ། །རེ་རེའི་
D113.051.0113b06.01གཡོག་ཀྱང་དཔག་མི་ལང་། །གང་གཱའི་བྱེ་མ་ཇི་སྙེད་པ། །དེ་སྙེད་མཆིས་སོ་འཇིག་རྟེན་དབང་། །བྱང་ཆུབ་སེམས་དཔའི་གཡོག་རྣམས་ནི། །གྲགས་ལྡན་དྲུག་ཅུར་ཡོངས་ཚང་བ། །གང་གཱའི་ཀླུང་གི་བྱེ་མ་སྙེད། །ཀུན་ཀྱང་བྱང་ཆུབ་ཞུགས་པ་ལགས། །དཔའ་བོ་
D113.051.0113b07.01