完整藏文原文 · 德格版页 当前仅加载第 51 函德格 29a 版页；藏文 NFD、目录标记与异常页序保留在来源切片中，重复版页行以稳定序号区分。
ངའི་ཆོས་འདུལ་བའི་མཐར་ཐུག་པ་ཡིན་ནོ་ཞེས་དེ་སྐད་གཏམས་ཤིང་དེ་སྐད་རྗེས་སུ་བསྟན་པ་འདི་དག་དང་། བཅོམ་ལྡན་འདས་སློབ་པ་དང་མི་སློབ་པའི་དགེ་སློང་བདག་ཏུ་ལྟ་བ་དང་འབྱུང་བར་ལྟ་བ་དང་འཇིག་པར་ལྟ་བའི་ལྟ་བ་ཐམས་ཅད་རྣམ་པར་སྤངས་པ། བཅོམ་ལྡན་འདས་ཀྱི་ཉན་ཐོས་ཉིས་
D113.051.0029a01.01སྟོང་པོ་འདི་དག་ཐམས་ཅད་ཀྱང་བདག་མྱ་ངན་ལས་འདས་པའི་ས་ལ་གནས་སོ་སྙམ་བགྱིད་དེ། འདི་དག་སྔོན་མ་ཐོས་པའི་ཆོས་འདི་ལྟ་བུ་འདི། བཅོམ་ལྡན་འདས་ལས་ཐོས་ནས། ཐེ་ཚོམ་འཚལ་བར་གྱུར་ན། བཅོམ་ལྡན་འདས་ཅི་ནས་འཁོར་བཞི་པོ་འདི་དག་ཐེ་ཚོམ་མ་མཆིས། སོམ་ཉི་མ་མཆིས་པར་
D113.051.0029a02.01གནས་པར་འགྱུར་བར། དགེ་སློང་འདི་དག་གི་དོགས་པ་བསལ་བའི་སླད་དུ། བཅོམ་ལྡན་འདས་ཀྱིས་ལེགས་པར་བཀའ་སྩལ་དུ་གསོལ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རིའི་བུ་སེམས་ཅན་མོས་པ་ཐ་དད་པ་དང་།
D113.051.0029a03.01བསམ་པ་དང་ཁམས་ཐ་དད་པ་རྣམས་ཀྱི་བསམ་པ་མཁྱེན་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འདི་ལྟར་སྣ་ཚོགས་མངོན་པར་བསྒྲུབ་པ་དང་། རྒྱུ་དང་གཞི་དང་དཔེ་དང་དམིགས་པ་དང་ངེས་པའི་ཚིག་དང་ཐབས་མཁས་པ་རྣམ་པ་སྣ་ཚོགས་ཀྱིས་ཆོས་སྟོན་ཏོ། །
D113.051.0029a04.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་ལས་བརྩམས་ཏེ། ཆོས་བསྟན་པ་ཐམས་ཅད་ཀྱིས་བྱང་ཆུབ་སེམས་དཔའི་ཐེག་པ་འདི་ཉིད་ལ་ཡང་དག་པར་འཛུད་དོ་ཞེས་ངས་ཁྱོད་ལ་བསྟན་ཟིན་པ་མ་ཡིན་ནམ། ཤཱ་རིའི་བུ་འོན་ཀྱང་དོན་དེ་རྒྱས་པར་བསྟན་པའི་ཕྱིར་ཁྱོད་ལ་དཔེ་བསྟན་པར་བྱའོ། །
D113.051.0029a05.01དེ་ཅིའི་ཕྱིར་ཞེ་ན། སྐྱེས་བུ་མཁས་པ་ལ་ལ་ནི་སྨྲས་པའི་དོན་དཔེས་ཤེས་པར་འགྱུར་བའི་ཕྱིར་རོ། །ཤཱ་རིའི་བུ་འདི་ལྟ་སྟེ་དཔེར་ན་གྲོང་ངམ་གྲོང་ཁྱེར་རམ་གྲོང་རྡལ་ལམ་ལྗོངས་སམ་ཡུལ་འཁོར་རམ། རྒྱལ་པོའི་ཕོ་བྲང་འཁོར་ལ་ལ་ཞིག་ན་ཁྱིམ་བདག་རྒན་པོ་འཁོགས་པ་གཏུགས་པ་དུས་
D113.051.0029a06.01ཡོལ་བ་དགོག་ཏུ་ཕྱིན་པ་ཕྱུག་པ་ནོར་ཆེ་བ་ལོངས་སྤྱོད་ཆེ་བ་ཞིག་འདུག་ལ། དེའི་ཁང་པ་ཡང་མཐོ་ཞིང་ཡངས་ལ་བརྩིགས་ནས་རིང་དུ་ལོན་པ་འགྲུམས་པ། སྲོག་ཆགས་བརྒྱ་ཕྲག་གཅིག་གམ་གཉིས་སམ་གསུམ་མམ་བཞི་འམ་ལྔའི་གནས་སྒོ་གཅིག་པ་ཞིག་ཡོད་དེ། རྩྭས་གཡོགས་
D113.051.0029a07.01