完整藏文原文 · 德格版页 当前仅加载第 51 函德格 143a 版页；藏文 NFD、目录标记与异常页序保留在来源切片中，重复版页行以稳定序号区分。
བསྒྲགས་དབྱངས་རྒྱལ་རྒྱལ་བ་གང་བྱུང་བ། །ལྷ་མི་གནོད་སྦྱིན་སྲིན་པོའི་འདྲེན་པ་སྟེ། །མཐུ་ཆེན་དེ་ལ་ལྷ་དང་མི་ཡིས་མཆོད། །རྒྱལ་བ་དེ་ནི་མྱ་ངན་ཡོངས་འདས་ནས། །དམ་ཆོས་འཁྲུགས་པར་གྱུར་པ་ཐ་མ་ལ། །དེ་ན་བྱང་ཆུབ་སེམས་དཔའ་དགེ་
D113.051.0143a01.01སློང་བྱུང་། །དེ་ཡི་མིང་ནི་རྟག་ཏུ་བརྙས་ཞེས་བྱ། །དེ་ན་དགེ་སློང་གཞན་དང་དེ་བཞིན་དུ། །དམིགས་པར་ལྟ་བའི་དགེ་སློང་དེ་གན་སོང་། །ཁོ་བོས་ཁྱེད་ལ་ནམ་ཡང་བརྙས་པ་མེད། །ཁྱེད་ཀྱིས་བྱང་ཆུབ་མཆོག་ཕྱིར་སྤྱད་པ་སྤྱོད། །དེ་བཞིན་རྟག་ཏུ་ཡང་དག་བསྒྲགས་པ་ན། །
D113.051.0143a02.01གཤེ་ཞིང་བརྒྱད་པ་དེ་དག་བཟོད་པར་བྱེད། །འཆི་བའི་དུས་བྱེད་ཉེ་བར་གནས་པ་དང་། །དེ་ཡིས་མདོ་སྡེ་འདི་ནི་ཐོས་གྱུར་ནས། །དེ་ཚེ་མཁས་པས་འཆི་བའི་དུས་མ་བྱས། །ཚེ་ཡང་ཤིན་ཏུ་རིང་པོར་བྱིན་བརླབས་ཏེ། །རྣམ་པར་འདྲེན་པ་དེ་ཡི་བསྟན་པ་ལ། །དེ་ཚེ་མདོ་འདི་ཡང་ནི་རབ་
D113.051.0143a03.01ཏུ་བཤད། །དམིགས་ཅན་མང་པོ་དེ་དག་ཐམས་ཅད་ཀྱང་། །དེ་ཡིས་བྱང་ཆུབ་ཏུ་ནི་ཡོངས་སྨིན་བྱས། །དེ་ནས་བྱང་ཆུབ་སེམས་དཔའ་ཤི་འཕོས་ནས། །སངས་རྒྱས་བྱེ་བ་ཕྲག་སྟོང་མཉེས་བྱས་ཏེ། །མཐར་གྱིས་བསོད་ནམས་བྱས་པ་དེ་དག་གིས། །མདོ་འདི་ཡང་ནི་རྟག་པར་
D113.051.0143a04.01རབ་ཏུ་བཤད། །རྒྱལ་བའི་སྲས་དེས་བྱང་ཆུབ་ཡང་དག་ཐོབ། །ཤཱཀྱ་ཐུབ་པ་ང་ཉིད་དེ་ཡིན་ནོ། །དེ་ཚེ་གང་དག་དམིགས་ཅན་དགེ་སློང་དང་། །དགེ་སློང་མ་དང་དགེ་བསྙེན་གང་རྣམས་དང་། །དེ་ན་དགེ་བསྙེན་མ་རྣམས་གང་བྱུང་བ། །མཁས་པས་དེ་ཚེ་བྱང་ཆུབ་བསྒྲགས་གྱུར་པ། །
D113.051.0143a05.01དེ་དག་རྣམས་ཀྱི་སངས་རྒྱས་བྱེ་མང་མཐོང་། །དེ་དག་ལྔ་བརྒྱ་མི་ཉུང་འདི་རྣམས་དང་། །དེ་བཞིན་དགེ་སློང་ཕ་དང་དགེ་སློང་མ། །ང་ཡི་མངོན་སུམ་དགེ་བསྙེན་འདི་དག་སྟེ། །ཐམས་ཅད་ང་ཡིས་ཆོས་མཆོག་ཐོས་བྱས་ནས། །ངས་ནི་འདི་དག་ཐམས་ཅད་ཡོངས་སྨིན་བྱས། །མྱ་ངན་
D113.051.0143a06.01ང་འདས་དཔའ་བོ་འདི་ཀུན་ནི། །འདི་ན་མདོ་སྡེ་མཆོག་འདི་འཛིན་པར་འགྱུར། །བསྐལ་པ་མཐའ་ཡས་བྱེ་བ་མང་པོར་ཡང་། །འདི་འདྲའི་ཆོས་ནི་ནམ་ཡང་མི་ཐོས་ཏེ། །སངས་རྒྱས་བྱེ་བ་ཕྲག་བརྒྱ་འབྱུང་ན་ཡང་། །དེ་དག་ཀྱང་ནི་མདོ་འདི་མི་འཆད་དོ། །དེ་ཕྱིར་རང་བྱུང་ཉིད་ཀྱིས་
D113.051.0143a07.01