完整藏文原文 · 德格版页 当前仅加载第 51 函德格 21a 版页；藏文 NFD、目录标记与异常页序保留在来源切片中，重复版页行以稳定序号区分。
ཐབས་ཀྱིས་དེ་ལ་ཤཱ་རིའི་བུ། །སྡུག་བསྔལ་མཐར་ཕྱུང་ཤིག་ཅེས་དེ་སྐད་རྨས། །སེམས་ཅན་སྡུག་བསྔལ་གཟིར་བ་མཐོང་བས་ན། །དེ་དག་མྱ་ངན་འདས་པ་ཉེ་བར་བསྟན། །འདི་ལྟར་ངས་ནི་ཆོས་རྣམས་འདི་དག་ཀུན། །གདོད་ནས་རབ་ཞི་མྱ་ངན་རྟག་
D113.051.0021a01.01འདས་བཤད། །སངས་རྒྱས་སྲས་དེ་སྤྱོད་པ་ཀུན་རྫོགས་ནས། །ཕྱི་མའི་དུས་ཀྱི་ཚེ་ལ་རྒྱལ་བར་འགྱུར། །ཐེག་པ་གསུམ་དུ་གང་རྣམས་བསྟན་པ་ནི། །ང་ཡི་ཐབས་མཁས་ཚུལ་ནི་དེ་འདྲ་སྟེ། །ཐེག་པ་གཅིག་སྟེ་དེ་བཞིན་ཚུལ་ཡང་གཅིག །དེ་ལྟར་འདྲེན་པ་རྣམས་ཀྱིས་བཤད་
D113.051.0021a02.01པ་གཅིག །གང་འདིར་ལ་ལ་ཐེ་ཚོམ་ཡོད་པ་དག །ཐེ་ཚོམ་ཟ་དང་དེ་བཞིན་སོམ་ཉི་སྤོངས། །གཞན་དུ་མི་གསུང་འཇིག་རྟེན་འདྲེན་པ་རྣམས། །ཐེག་པ་འདི་ནི་གཅིག་སྟེ་གཉིས་སུ་མེད། །སྔོན་གྱི་དེ་བཞིན་གཤེགས་པ་གང་བྱུང་བ། །སངས་རྒྱས་སྟོང་ངམ་མྱ་ངན་ཡོངས་
D113.051.0021a03.01འདས་ཤིང་། །འདས་པའི་དུས་ན་བསྐལ་པ་གྲངས་མེད་ལ། །གང་དག་ཚད་ནི་ནམ་ཡང་ཡོང་མེད་པ། །སྐྱེས་བུ་དམ་པ་དེ་དག་ཐམས་ཅད་ཀྱིས། །དཔེ་དང་གཞི་དང་རྒྱུ་དང་བཅས་པ་དང་། །ཐབས་ལ་མཁས་པ་བརྒྱ་ཕྲག་དུ་མ་ཡིས། །རྣམ་པར་དག་པའི་ཆོས་རྣམས་རབ་
D113.051.0021a04.01བཤད་པ། །དེ་དག་ཐམས་ཅད་ཐེག་པ་གཅིག་སྟོན་ཅིང་། །སྲོག་ཆགས་སྟོང་ཕྲག་བྱེ་བ་བསམ་ཡས་རྣམས། །ཐེག་པ་གཅིག་པོ་ལ་ཡང་རབ་འཛུད་དེ། །ཐེག་པ་གཅིག་ལ་ཡོངས་སུ་སྨིན་པར་བྱེད། །མོས་དང་དེ་བཞིན་བསམ་པ་རྣམས་མཁྱེན་ནས། །དེ་བཞིན་གཤེགས་
D113.051.0021a05.01པས་ལྷར་བཅས་འཇིག་རྟེན་དུ། །རྒྱལ་བའི་ཐབས་གཞན་རྣམ་པ་མང་པོ་དག །གང་གིས་ཆོས་མཆོག་འདི་ནི་རབ་བསྟན་པ། །སེམས་ཅན་གང་གིས་དེ་ལས་མངོན་སུམ་དེར། །ཆོས་ཉན་པ་དང་འོན་ཏེ་ཐོས་ལྡན་པ། །སྦྱིན་པ་སྦྱིན་ཞིང་ཚུལ་ཁྲིམས་སྤྱོད་པ་དང་། །བཟོད་
D113.051.0021a06.01པས་སྤྱོད་པ་ཐམས་ཅད་བསྒྲུབས་པ་དང་། །བརྩོན་འགྲུས་བསམ་གཏན་ལྷག་པར་བྱས་པ་དང་། །ཤེས་རབ་ཀྱིས་ནི་ཆོས་འདི་རྣམ་བསམས་ཏེ། །རྣམ་པ་ཐ་དད་བསོད་ནམས་སུས་བྱས་པ། །དེ་དག་ཐམས་ཅད་བྱང་ཆུབ་ཐོབ་པར་འགྱུར། །མྱ་ངན་འདས་པའི་རྒྱལ་བ་དེ་དག་
D113.051.0021a07.01