完整藏文原文 · 德格版页 当前仅加载第 51 函德格 134a 版页；藏文 NFD、目录标记与异常页序保留在来源切片中，重复版页行以稳定序号区分。
ནང་ལོགས་དག་དང་ཕྱི་ལོགས་དག་ནས་ཀྱང་། །སེམས་ཅན་གང་གིས་སྒྲ་མང་ཕྱུང་བ་དང་། །སེམས་ཅན་ཀུན་གྱི་སྒྲ་རྣམས་ཐོས་གྱུར་ཀྱང་། །འོན་ཀྱང་དེ་ཡི་རྣ་བ་འགག་པ་མེད། །དབང་པོ་གསལ་ཞིང་གནས་དང་གནས་ཀྱང་ཤེས། །རྣ་བའི་དབང་པོ་ཐ་
D113.051.0134a01.01མལ་དེ་ཙམ་མོ། །རེ་ཞིག་ལྷ་ཡི་ལ་ནི་འབད་མི་བྱེད། །ཐ་མལ་རྣ་བ་དེ་ནི་དེ་ལྟར་འདུག །འཇིགས་མེད་གང་གིས་མདོ་འདི་བཟུང་བ་ནི། །དེ་ཡི་ཡོན་ཏན་དག་ནི་དེ་འདྲར་འགྱུར། །རྟག་པར་རྒྱུན་དུ་བརྩོན་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱི་རྣམ་གྲངས་
D113.051.0134a02.01འདི་འཛིན་ཏམ། རབ་ཏུ་སྟོན་ཏམ། ཁ་ཏོན་བྱེད་དམ། ཡི་གེར་འདྲི་བ་དེ། སྣའི་ཡོན་ཏན་བརྒྱད་བརྒྱ་དང་ལྡན་ཞིང་སྣའི་དབང་པོ་ཡོངས་སུ་དག་པར་འགྱུར་ཏེ། དེའི་སྣའི་དབང་པོ་ཡོངས་སུ་དག་པ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ཕྱི་ནང་གི་དྲི་རྣམ་པ་
D113.051.0134a03.01མང་པོ་ཡོད་པ་འདི་ལྟ་སྟེ། རུལ་བའི་དྲིའམ་ཡིད་དུ་འོང་བའི་དྲིའམ་ཡིད་དུ་མི་འོང་བའི་དྲིའམ་མེ་ཏོག་རྣམ་པ་ཐ་དད་པའི་དྲི་འདི་ལྟ་སྟེ། སྣ་མའི་མེ་ཏོག་དང་། མ་ལི་ཀ་དང་། ཙམ་པ་ཀ་དང་། སྐྱ་སྣར་གྱི་དྲི་རྣམས་ཀྱང་ཚོར་རོ། །ཆུ་ལས་སྐྱེས་པའི་མེ་ཏོག་རྣམ་པ་མང་པོའི་དྲི་
D113.051.0134a04.01རྣམས་ཀྱང་ཚོར་ཏེ་འདི་ལྟ་སྟེ། ཨུད་པ་ལ་དང་། པད་མ་དང་། ཀུ་མུ་ཏ་དང་། པད་མ་དཀར་པོ་རྣམས་ཀྱི་དྲི་དག་ཀྱང་ཚོར་རོ། །མེ་ཏོག་དང་འབྲས་བུའི་ཤིང་རྣམ་པ་མང་པོའི་མེ་ཏོག་དང་། འབྲས་བུའི་དྲི་རྣམས་ཀྱང་ཚོར་ཏེ། འདི་ལྟ་སྟེ། ཙན་དན་དང་། ཏ་མ་ལའི་འདབ་མ་དང་།
D113.051.0134a05.01རྒྱ་སྤོས་དང་། ཨ་ག་རུའི་དྲི་ཞིམ་པོ་རྣམས་ཀྱང་ཚོར་རོ། །སྤོས་རྣམ་པ་ཐ་དད་པ་བརྒྱ་སྟོང་གནས་གཅིག་ན་འདུག་པ་ཐམས་ཅད་ཀྱང་ཚོར་རོ། །ཐམས་ཅད་ཀྱང་ཤེས་སོ། །སེམས་ཅན་གྱི་དྲི་རྣམ་པ་མང་པོ་ཡང་ཚོར་ཏེ་འདི་ལྟ་སྟེ། གླང་པོ་ཆེ་དང་། རྟ་དང་། བ་ལང་དང་། ར་ལུག་
D113.051.0134a06.01དང་། ཕྱུགས་ཀྱི་དྲི་རྣམས་ཀྱང་ཚོར་རོ། །དུད་འགྲོའི་སྐྱེ་གནས་སུ་སོང་བའི་སྲོག་ཆགས་རྣམ་པ་མང་པོའི་ལུས་ཀྱི་དྲི་རྣམས་ཀྱང་ཚོར་རོ། །སྐྱེས་པ་དང་བུད་མེད་ཀྱི་ལུས་ཀྱི་དྲི་རྣམས་ཀྱང་ཚོར་རོ། །ཁྱེའུ་དང་བུ་མོའི་ལུས་ཀྱི་དྲི་རྣམས་ཀྱང་ཚོར་རོ། །རྩྭ་དང་ཤིང་གེལ་པ་དང་
D113.051.0134a07.01