完整藏文原文 · 德格版页 当前仅加载第 51 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
སྨིན་པར་བྱ་བ་དང་གཟུད་པའི་དོན་མ་གཏོགས་པར་ཆོས་ཀྱི་རྣམ་གྲངས་འདི་དག་མ་བཤད་དོ། །རིགས་ཀྱི་བུ་དག་ཆོས་ཀྱི་རྣམ་གྲངས་དེ་དག་ཐམས་ཅད་ཀྱང་དེ་བཞིན་གཤེགས་པས་སེམས་ཅན་རྣམས་གདུལ་བའི་ཕྱིར་གསུངས་སོ། །རིགས་ཀྱི་བུ་དག་དེ་བཞིན་གཤེགས་པས་སེམས་ཅན་
D113.051.0119b01.01རྣམས་གདུལ་བའི་ཕྱིར་ཚིག་གང་གསུངས་པ། བདག་ལས་སྨོས་ཀྱང་རུང་གཞན་ལས་སྨོས་ཀྱང་རུང་། བདག་ལ་དམིགས་ཀྱང་རུང་གཞན་ལ་དམིགས་ཀྱང་རུང་སྟེ། དེ་བཞིན་གཤེགས་པས་གང་ཅི་བཤད་པའི་ཆོས་ཀྱི་རྣམ་གྲངས་དེ་དག་ཐམས་ཅད་ནི་བདེན་པ་དེ་བཞིན་གཤེགས་པས་
D113.051.0119b02.01གསུངས་པ་སྟེ། འདི་ལ་དེ་བཞིན་གཤེགས་པ་ལ་{བརྫུན་,རྫུན་}དུ་སྨྲ་བ་མེད་དོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པས་ཁམས་གསུམ་པ་སྐྱེ་བ་མེད་པ་དང་། འཆི་བ་མེད་པ་དང་། འཆི་འཕོ་བ་མེད་པ་དང་། འབྱུང་བ་མེད་པ་དང་། འཁོར་བ་མེད་པ་དང་། ཡོངས་སུ་མྱ་ངན་འདའ་
D113.051.0119b03.01བ་མེད་པ་དང་། བྱུང་བ་མ་ཡིན་པ་དང་། མ་བྱུང་བ་མ་ཡིན་པ་དང་། ཡོད་པ་མ་ཡིན་པ་དང་། མེད་པ་མ་ཡིན་པ་དང་། དེ་བཞིན་དུ་མ་ཡིན་པ་དང་། གཞན་དུ་མ་ཡིན་པ་དང་། མ་ནོར་བ་དེ་བཞིན་ཉིད་མ་ཡིན་པ་དང་། མ་ནོར་བ་དེ་བཞིན་ཉིད་མ་ཡིན་པ་ཡང་མ་ཡིན་པར་ཡང་དག་
D113.051.0119b04.01པ་ཇི་ལྟ་བ་བཞིན་དུ་གཟིགས་ཤིང་། ཇི་ལྟར་བྱིས་པ་སོ་སོའི་སྐྱེ་བོས་མཐོང་བ་དེ་ལྟར་དེ་བཞིན་གཤེགས་པས་ཁམས་གསུམ་པ་གཟིགས་པ་མ་ཡིན་པའི་ཕྱིར་རོ། །དེ་བཞིན་གཤེགས་པ་ནི་གནས་འདི་ལ་མངོན་སུམ་གྱི་ཆོས་དང་ལྡན་ཏེ་བསྙེལ་བ་མི་མངའ་བའི་ཆོས་ཅན་ནོ། །
D113.051.0119b05.01དེ་ལ་དེ་བཞིན་གཤེགས་པས་གང་ཅི་གསུངས་པ་དེ་དག་ཐམས་ཅད་བདེན་ཏེ་མི་{བརྫུན་,རྫུན་}ནོ། །ཡང་སེམས་ཅན་སྤྱོད་པ་ཐ་དད་པ་དང་། བསམ་པ་ཐ་དད་པ་དང་། འདུ་ཤེས་དང་རྣམ་པར་རྟོག་པ་སྤྱོད་པ་རྣམས་ཀྱི་དགེ་བའི་རྩ་བ་བསྐྱེད་པའི་ཕྱིར། ཆོས་ཀྱི་རྣམ་གྲངས་རྣམ་པ་མང་
D113.051.0119b06.01པོ་དམིགས་པ་རྣམ་པ་མང་པོས་བཤད་དོ། །རིགས་ཀྱི་བུ་དག་དེ་བཞིན་གཤེགས་པས་མཛད་པ་གང་ཡིན་པ་དེ་ནི། དེ་བཞིན་གཤེགས་པ་མཛད་དོ། །ཡུན་རིང་པོ་དེ་སྲིད་ནས་མངོན་པར་རྫོགས་པར་སངས་རྒྱས་ཏེ། དེ་བཞིན་གཤེགས་པའི་ཚེའི་ཚད་ནི་དཔག་ཏུ་མེད་དོ། །དེ་
D113.051.0119b07.01