完整藏文原文 · 德格版页 当前仅加载第 51 函德格 106a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱི་མའི་དུས་ཕྱི་མའི་ཚེ་དམ་པའི་ཆོས་རབ་ཏུ་འཇིག་པར་འགྱུར་བ་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱི་རྣམ་གྲངས་འདི་རབ་ཏུ་སྟོན་པར་འདོད་པ་ནི་བདེ་བ་ལ་གནས་པ་ཡིན་ནོ། །དེ་བདེ་བ་ལ་གནས་ནས་ཆོས་འཆད་དོ། །ལུས་ལ་ཡོད་དམ་གླེགས་བམ་དུ་བྱས་སམ།
D113.051.0106a01.01གཞན་དག་ལ་ཡང་སྟོན་ན་ཡང་། ཤིན་ཏུ་ཀླན་ཀ་ཚོལ་བའི་རང་བཞིན་ཅན་མ་ཡིན། དགེ་སློང་ཆོས་སྨྲ་བ་གཞན་དག་ལ་སྐུར་བར་མི་བྱེད། མི་སྙན་པ་མི་སྨྲ། མི་སྙན་པ་མི་རྗོད། གཞན་ཉན་ཐོས་ཀྱི་ཐེག་པ་ཅན་གྱི་དགེ་སློང་དག་གི་མིང་སྨོས་ཏེ་མི་སྙན་པ་མི་སྨྲ། མི་སྙན་པ་མི་རྗོད་ཅིང་དེ་དག་ལ་
D113.051.0106a02.01ཕྱིར་རྒོལ་བར་འདུ་ཤེས་པ་མ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟར་བདེ་བའི་གནས་ལ་གནས་པའི་ཕྱིར་ཏེ། དེ་ཆོས་ཉན་དུ་འོངས་ཤིང་ལྷགས་པ་རྣམས་ལ་ཕན་འདོགས་པ་དང་ཕྲག་དོག་མེད་པར་ཆོས་སྟོན་ཏོ། །མི་རྩོད་ཅིང་དྲི་བ་དྲིས་ཀྱང་ཉན་ཐོས་ཀྱི་ཐེག་པས་ལན་མི་ལྡོན་ཏེ། ཅི་ནས་
D113.051.0106a03.01སངས་རྒྱས་ཀྱི་ཡེ་ཤེས་མངོན་པར་རྫོགས་པར་འཚང་རྒྱ་བ་དེ་ལྟ་བུར་ལན་ལྡོན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །མཁས་པ་བདེ་ལ་རྟག་ཏུ་གནས་པར་འགྱུར། །དེ་ལ་འདུག་ནས་དེ་བཞིན་ཆོས་ཀྱང་སྟོན། །གཙང་ཞིང་ཡིད་དུ་འོང་བའི་
D113.051.0106a04.01ས་ཕྱོགས་སུ། །ཡངས་པའི་སྟན་ནི་རབ་ཏུ་བཤམས་བཏིང་སྟེ། །བཟང་པོའི་ཚོན་གྱིས་ལེགས་པར་ཁ་བསྒྱུར་བ། །ཆོས་གོས་གཙང་མ་དེ་ནི་རབ་བགོས་ནས། །རྔུལ་ཟན་ནག་པོ་དེ་བཞིན་བཤམས་བྱས་ལ། །ཤམ་ཐབས་ཆེ་ཚད་ལེགས་པར་རབ་བགོས་ནས། །བཅོས་བུའི་རས་
D113.051.0106a05.01རྣམས་སྣ་ཚོགས་ལེགས་བཏིང་བ། །རྐང་རྟེན་བཅས་པའི་ཁྲི་ལ་རབ་འདུག་ཅིང་། །རྐང་པ་ལེགས་པར་བཀྲུས་ཏེ་སྟེང་འཛེགས་ནས། །མགོ་དང་བཞིན་གྱི་མདངས་ནི་རབ་སྣུམ་ཞིང་། །ཆོས་ཀྱི་སྟན་དེ་ལ་ནི་རབ་འདུག་ནས། །སེམས་ཅན་ལྷགས་པ་རྩེ་གཅིག་གྱུར་རྣམས་ལ། །
D113.051.0106a06.01གཏམ་མང་རྣམ་པ་སྣ་ཚོགས་ཉེ་བར་སྟོན། །དགེ་སློང་དག་དང་དགེ་སློང་མ་རྣམས་དང་། །དགེ་བསྙེན་རྣམས་དང་དགེ་བསྙེན་མ་དག་དང་། །རྒྱལ་པོ་དག་དང་རྒྱལ་བུ་རྣམས་ལ་ཡང་། །མཁས་ཏེ་རྟག་ཏུ་ཕྲག་དོག་མེད་པར་ནི། །སྣ་ཚོགས་དོན་ལྡན་སྙན་པའི་གཏམ་ཡང་
D113.051.0106a07.01